JEREMIA 4:19 - Hawa Naga Bible 2001

¹⁹ Thuinz nuex thuiuz yaq! Nanx lot mauk juing thuinz nuex thuiuz yaq! Ngvy thuinz vmungx lex! Ngvy thuinz vmungx nuex kvkhuirc yaq! Ngaz kuiyqshuik httax lot mauk; bolic thuic nuiyc ralx lungc nuex guyc muinz ngaz rueq tay tauk.

ASII LAKDAP Bible (BSI)

¹⁹ Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

JEREMIA 4:19 Referencias Cruzadas

RAPHA HIQWA LAK 49:6

Tsuingnueyc kuex thuinkhvy phuk vtueq miq htenc kuex thvt gay ruiux, Manx pung huk htenc kuex tvmlvmc lvmc maq tv-ngawk tueq ningkhvnc nuex, Ngaz kuex tsuingnueyc rueq vyumx maq kvmungx yaq nuex lomx mauk, Tsuinghez rvtuimx yaq kvyuq muinz lomx mauk.

2 HOKHVMX 4:19

Piq rueq huingc rvhek maq vwaz muex ngoc, “Ngvy khux thuiuz kaz! Ngvy khux thuiuz kaz!” ngoz tueq guyc sez khoar tueq. Vwaz rueq piq nvrc waz washiz muex ngoc, “Nox vruex vnyuiuz kox nuex boq taq waung kuiuz,” ngoz tueq nvr tueq.

2 HOKHVMX 8:11

Kvruex yimaq Elisha rueq Hazael rvwvlc tvmaung wvnc tuex nuex httuiuc laz, piq htvlx phawc kawc yawc juing shvmx maq lawc shec tueq. Elisha muinz huingc rvhek maq dvyx vmuik phic svrc tueq.

Tvtsvmc 103:1

O ngvy siyac lex, Yehowa muex tvtsvmc shuiuz! Ngvy shauk ngvy gvnz thuinz vmungx lotlaz lex, vpiq vsawc muingc kuex tvtsvmc shuinz!

Tvtsvmc 116:7

Ngvy thuinz vmungx lex, Yehowa rueq ngaz muex vhvlx kejux tvkhic kuy ningkhvnc nuex kvmluimx kuiuz.

Tvtsvmc 119:136

Miq htenc rueq mtvrac kuex phvnx muq ningkhvnc nuex ngvy muik phic kuex yuix ruilx ikhoc kaz yaq.

Tvtsvmc 119:53

Layx bac jix htenc rueq mtvrac kuex phvnx muq maq tvbac gay yaq kuex ngaz rueq khiz tauk nuex ngvy thuinkhaq tueq.

Tvtsvmc 146:1

Yehowa muex tvtsvmc shuinz! Ngvy siyac lex, Yehowa muex tvtsvmc shuiuz!

Tvtsvmc 16:2

Ngaz rueq Yehowa muex, “Mnoz kuex ngvy Yehowa rvtoq; vhvlx phvnx htenc lotlaz kuex mnoz kox wawc jvnc rvtueq,” ngoz tueq jungx tauk.

ISAIA 15:5

Ngvy thuinz vmungx kuex Moba tvkoc khoar vtaungx nyix! Miqsaz htenc kuex Zoar nuiyc Egalat Shelishiya ghaq nuex yuz wvnc tueq. Wvyvmc kuex khoar yaq lvmx maq Luhit ghaq nuex duiz woz vtuex; wvyvmc kuex pinhtumc yonzyex vtueq Heronaim nuex yuz wvnc vtuex.

ISAIA 16:11

Ngaz kuex Moba tvkoc yonzyec vtueq khoar vtaungx, Kir Here tvkoc yonzyex vtaungx.

ISAIA 21:3

Ngaz rueq khiz tauk nuiyc tay tauk romzyac tvkhic wawc nox wuic khic thuiuz yaq nyuiuz ikhoc rvhumc yaq kvhiz juing nuiyc vthuiuz vsac kuex ngaz nuex yaungx wvnc yaq.

ISAIA 21:4

Ngvy khux kuex rux wvnc vtueq, ngaz hiyaz kvkhuirc tauk. Ngaz rueq raungyac kox httuiuc wvnc tvkoc bvmc tauk, yuq muinz kvruex kuex kvhiz kawc yawc juing maq lvy vtueq ngvy tvkoc khuec guez dvyx.

ISAIA 22:4

Majuiuc kuex thueyc kaz tsic tueq ngvy miqsaz htenc lotlaz ningkhvnc nuex vkhuip vkhaq httax laz juing khoarc tvkoc ngvy lauk lauk dvyx taq shec kuit. Ngaz muex nauk tvlenc lauk vkueq.

JEREMIA 13:17

Mkhoc shoc maq mnoz rueq tay muq, mngamc boq ruiux yuq, ngaz kuex vyumx maq khoar taungx; Yehowa mmiqsaz kuex vlvp lvy rvhumc yaq jix ikhoc lvp lvy rvhumc ningkhvnc nuex, ngaz kuex vkhuip vkhaq httaz laz juing khoar vtueq ngvy muik phic svrc tuex, yvmx khoc lac ngoz ruiux lec Yehowa miqsaz htenc kuex thuq lvy ningkhvnc nuex rvtueq.

JEREMIA 20:9

Yuq muinz ngaz rueq, “Ngaz rueq Yehowa kuex lauk gay ruiux, vpiq muingc maq jungphvnx mauk shex,” ngoz tueq jungx ruiux yuq, mbomjungc kuex ngvy thuinz mungx nuex wvr rueq ikhoc khamc gay yaq. Kvruex tvkuiux raz lot tvkoc vhvlx maq hunglaungx tauk, yuq muinz kvruex raungluingx saz muinz nanx lot mauk.

JEREMIA 23:9

Ngvy thuinz vmungx kuex bunx vtueq, ngaz kuex kv-khuirc vtaungx. Yehowa ningkhvnc nuex muinz, vpiq vsawc bomc poz htenc ningkhvnc nuex muinz, ngaz kuex joal juk jix waz nuiyc svpiq tix vjvnc nuingx vtueq pawx yaq waz ikhoc yaungx vtaungx.

JEREMIA 4:21

Ngaz rueq ralx rvlungc yaq kuex mtanc khvnc nuex httuiuc laz lac khiz shaungx? bolic thuic kuex mtanc khvnc nuex httuiuc lac tay shaungx?

JEREMIA 4:5

Mungtan wvtaungx nuex bolic tuimz shuinz! Selc suil vyungx maq ramc shuinz! Yuda miqsaz nuiyc Yerusalem jix lex lung palx ruk vhttax ghaqyungx htenc nuex yuz wuez kuinz.

JEREMIA 49:2

Yuq muinz ghaqyungx pinhtumc Rabba ghaq jix htenc ralx rvlungc tvruingc kuex ngaz rueq tvtay shaungx vkhing httuiuc wvnc tuex, kvruex ghaq kuex kvhttak bac wvnc vtueq kvruex wawc kumc vkez htenc khamc gay shuex. Kvkaq Israel miqsaz tsuingshiq rueq vhttvr gay mungtan kuex tvyez lvp yek shuex.

JEREMIA 50:22

Kvruex mungtan nuex ralx rvkhvt tvruingc nuiyc tvbac gay tvruingc yunghvlc kuex kvtay yaq.

JEREMIA 6:24

Yerusalem ghaq jix rueq, “Nuiyshiq rueq kvruex thaungx kuex tay vtueq, nuiyshiq yauk htenc yulx kaz tueq; nuiyshiq kuex nox wuic khic jix nyuiuz ikhoc vthuiuz vsac rvhumc vtix.

JEREMIA 8:18

Ngvy thuinbac yaq kuex tvhvlc mvy muq; ngvy thuinz vmungx nuex thuiuz yaq.

JEREMIA 8:21

Ngvy miq htenc tvbunx gay ningkhvnc nuex ngvy thuinz vmungx bunx tueq; ngaz khoar nyerx vtueq; pinhtumc kawc yawc tauk.

JEREMIA 9:1

Ngvy khux poz kuex yuix tumz yuix, ngvy muik htenc kuex muik phic ruilx yaungc tvkoc ngaz rueq raungc raq vshaungx, kvkaq ngaz kuex vthvy gay rvhumc tueq ngvy miqsaz htenc tvkoc raungnuiyq raungwvrx khoar lot taungx rvtueq.

JEREMIA 9:10

Ngaz rueq, “Kuz vkanx htenc tvkoc ngaz yonzyex taungx nyvmx saz remc juing tvkoc khoar taungx, yvmx khoc lac ngoz ruiux lec kvruex kuex httuiz rawk wvnc tueq, washiz muinz kvmaq lvy khuemx muq. Suiux vmanx kung tvruingc muinz tay muq shex; wushawx htenc nuiyc ngvmx saz svl vwvl htenc muinz yuz wvnc wuez vtuex,” ngoz tueq jungx tueq.

AJONJÜ 1:16

“Kvkhoc rvtueq ngvy muik htenc maq muik phic yvlx yaq. Vshiz raung rueq muinz ngaz muex sitenc yatenc lot muq; vshiz raung rueq muinz ngvy thuinz tvyungc kuq lot muq. Ralx htenc rueq ngaz kuex taungx gay phuex; ngvy miqsaz htenc rueq yvmx muinz lvp muq.

AJONJÜ 1:20

“O Yehowa lex, ngaz rvwvl vtaungx vmuinz, ngvy siyac kuilc daz vtaungx kvmuinz lawc shuiuz! Ngvy thuinz vmungx kuex ngvy mvrax htenc ningkhvnc nuex yonzyex vtueq bunx wvnc tueq. Lvmx yungx htenc nuex miq thvy lvmz httax yaq; vmungx nuex doc muinz vthueyc vmvy httax yaq.

AJONJÜ 2:11

Ngvy muik htenc kuex vkhoarc htuiz rueq htvl yaq; ngvy siyac kuex pinhtumc thuiuz sac yaq. Ngaz kuex ngvy miqsaz htenc bac wvnc ningkhvnc nuex yonz yex vtueq nulx wvnc vtaungx. Nosaz rulx nuiyc noshawx sahez kuex ghaqyungx lvmx htenc nuex maungc kaz wuez tueq.

DANIEL 4:19

Kvkaq, Belteshazar ngoz yaq Daniel kuex yvmx muinz jungphvnx lot muq pinhtumc kawc yawc kaz tueq. Hokhvmx waz rueq piq muex, “Belteshazar lex, maung nuiyc kvruex bomjungc vlvmz ningkhvnc nuex mnoz nauk kawc yawc kaz,” ngoz tueq. Belteshazar rueq, “Taungjix hokhvmx waz lex, maung nuiyc vlvmz kuex mnoz tvkoc rvmuq, mralx hez tvkoc mruez kueq.

DANIEL 7:15

Ngaz rueq khiz tauk romzyac tvkhic htenc rueq ngaz kuex tvhuingc phuex, ngaz kuex pinhtumc ruingraung tauk.

DANIEL 7:28

Vruex kuex yaungx wvnc tueq htenc vtvsuip shex rvtueq. Ngaz kuex pinhtumc kawc yawc vtueq htvlx yuiuq kaz tauk, ngaz rueq phvnx ruip saz kuex ngvy shauk pumz maq tvtsuingc taq shec tauk.

DANIEL 8:27

Ngaz kuex thuinbac vtueq raungnuiyq paunghvlc thuiuz tauk. Kvruex yimaq ngaz kvtenc vtueq hokhvmx waz rueq ngaz muex yauk shuimc tvhungx phuex nuex yek kaz vtueq shuimx tauk, yuq muinz kvruex romzyac ningkhvnc nuex ngaz kuex wangc langc vtueq kvruex tuiuz tay tsic mauk.

AMO LUIK DVP (AMOS) 3:6

Ghaqyungx mungx nuex ralx lungc bolic thuiz ruiux yuq, ghaq miqsaz kuex hiz muq haz rvtvnx? Yehowa rueq jamjaux kuilc daz tvkaz muq ngoz ruiux ghaqyungx kvyuq yaungx tuex haz?

HABAKUK 3:16

Ngaz rueq kvruex lvmz lotlaz tay vtueq kawc yawc kaz tauk; ngvy nuix bar htenc hisvy thuiuz muex kvkhuirc kaz tueq. Ngvy shauk gvnz yulx kaz tueq, ngvy yaz kuex kvwelc shelc wvnc tueq. Tishox rueq naungshiq khvt jix muex murx tvgurc shuex nuex, ngaz rueq kvruex vkhing httuiuc wvnc yaq kuex kuiyqshuik maq bvmc shaungx.

WEAWEA 10:9

Nuimshiq mungtan kuex ralx rueq khvt wvnc ruiux yuq, ralx kuex khvt tvkoc bolic htenc vruex tuimz vtueq honc tvsvmc kuy rax. Ngaz kuex Yehowa nuimshiq Tishox rvtauk, nuimshiq kuex rvwvlc tvmaung vtueq ralx yauk wawc palc wvnc phaungx.

Romans 10:1

Phunox bix lex, ngaz kuex ngvy miqsaz htenc palc daungc wvnc rvhumc tvkoc ngvy thuinz vmungx lotlaz maq raungc raq vtueq, tsuingshiq tvkoc Tishox kox wawc vjux thoz vshaungx!

1 Corinthians 14:8

Phewec thuic muinz vlvmx dung muq ngoz ruiux kuex uraq lac ralx lungc tvkoc tvyoalc yaq nguinx?

Galatians 4:19

Ngaz rueq lungwawc vphaungx sahez lex, Christu shvmx vrvmx nuimshiq nuex hungx htaungx wvnc tueq nuex httuiuc laz, ngaz kuex nox jawc jix nyuiuz ikhoc pinhtumc thuiuz vsac kuex nuimshiq tvkoc lauk shiz hulawx rvhumc yek vtaungx.

PHOWEBI 5:21

Kishon yuix puingc ngoz yaq yuix kuk hungc hvlc Kishon Ruilx rueq, tsuingshiq kuex joy laq vshuex. Ngaz kaz taungx, hungc vlaungc maq kvtenc kvnvp kaz wvnc taungx!