JEREMIA 12:3 - ASII LAKDAP Bible (BSI)

³ Shatmaq, Tatiwe, ümniiraq ngi ka asap haü; ngi raq jamlai wa shamtiikang kra ümniiraq achhi haü, kiimaq ngi raq ümniika jamkho lungwiitiikang kra achhi haü. Ara abi kloti maiq thun ka, skukong ataaphaq chang ikha hitbaiqlaq; tsangshiq ka ataabaiq akhing misaü shaq wiiwii, ümniiraq tsangshiq kheshat thülaq.

Hawa Naga Bible 2001

³ Yuq muinz, Yehowa lex, mnoz rueq ngaz tuiuz yaq; ngaz rueq yvmx lac ruez vshaungx nuiyc ngaz rueq mnoz muex mtanc lac lungwawx vphaungx kuex mnoz rueq khiz yaq. Vruex layx bac miqsaz htenc kuex vthvy gay tvkoc tulx laq yaq khelbuenx ikhoc tulx laq shuiuz; tsuingshiq kuex thvt gay ruiux vkhing htvp htaz shec toq nuex httuiuc laz tsuingshiq kuex bvmc shuiuz.

JEREMIA 12:3 Referencias Cruzadas

2 HOKHVMX 20:3

“Tatiwe lei, ngi ka ümwokhong na silata ümniika ka tsapkapkap maq shiikum wan kang kra tsan na tiitsang laq. Kiimaq ümniiraq ngi ma jamlai jaqsham wa thaü tlaü kra ümniiraq athithi niili sham wan kang.” Kiimaq apaiq ka atsan tiitsi raüta aho gushgu she hoqhoto.

1 KAÜWA WERAÜ 29:17

Ngi raq asapha ümniiriika maiqse angu kunli tsantsii ka maitai tlaü, kiimaq jurwa tsantsii khangriri hea riimtlaq kriiti rai ka chochi khiq sitlaü. Tsantsii khangriri hea maq kiimaq tingting tsantsii maq, ngi raq arthun ara khoqriiq shishiiq maq ümniima kiinong kuq tiikang. Kiimaq ngi raq chhi wan kang she, ümsenginok ümchaü arjaq thungtii wantaqti raq khoqriiq shishiiq maq ümniima honglu thun ka kuq wanto.

YOBA 23:10

Li jiimin Shiikeawe raq ikiimwiiq aweatek ka asap, apaiq raq ngi ka kappe maq shin haüla, chiisan maiqse dea nguta misap.

Tvtsvmc 11:5

Apaiq raq maiqshaqti nai abi kloti ka maklii ashi maq konchontlo; tri jintibi ka apaiq raq tsan nai mongjii wiita maq shutlo.

Tvtsvmc 139:23

Ngi ara sidilaq, O Shiikeawe lei, laüta itsan mong na jamlaiwa kra khot-laq; laüta ngi ara shinlaq, laüta itsan tsii kra wiita khonlaq!

Tvtsvmc 17:3

Ümniiraq itsantsii asap haü. Ümnaq rawa na i phana kilaü ihata; laüta ümniiraq ngi ka wiita konchon laü ihata laüta itsan na ashut tiima ahü hum maü dea ihata.

Tvtsvmc 26:1

Ngi ka maiqsang nguta kha tanlaq, O Tatiwe lei, jamkhano ngukla ngi riika riikhaqli jaq shamtiikang, kiimaq tiipumtlii lata ümniima kamtiikang.

Tvtsvmc 7:9

Ümniika tingting Shiikeawe kiimaq naishiq tiima nai naishiq raq jamlai wa rotiikai kra shintlaü. Abi ati maiqse kong raq ashut kiimung tlaq kra tiitsaqlaq laüta maiqshaqti thun ma poksi kuq laq.

JEREMIA 15:15

Kiijiishe ngi raq ngukang, “Tatiwe, ümniiraq asaphaü. Ngi ara ümtsan na tiitsanglaq. Kiimaq ngi khrumlaq. Ngi tiichamchaoti khuthaq na iphuk lampha. Ümniiraq tsangshiq ka kiitinkhan langlang naq ninkiq. Laüta tsangshiq ma ngi tiitsatli chang akhing naqkuqkiq. Tsan na tiitsanglaq; tsangshiq raq ngi shummiitlaq arka ümmang na shummiitlo.

JEREMIA 17:16

Shatmaq Tatiwe lei, ngi raq ümtiikiimin ümniima tsangshiq khuthaq na then wan mra ka tiipinlaq nguta thuchop mang dea, ngi raq tsangshiq khuthaq na chamchao misaülaq nguta tiimara wan mang. Tatiwe arka ümniiriimin asap haü; ngi raq jamlai wa ngukang kra ümniiraq asap haü.

JEREMIA 17:18

Ngi tiichamchaoti miili jea tiingaülaq. Shatmaq ngi tiiwongkuq laq, Tatiwe lei. Tsangshiq ka tiiphiipjiip laq. Shatmaq ngi ka naq tiikiinyiikiq. Tsangshiq khuthaq na chamchao rathaiq tiisaülaq. Laüta bunlak buncha ma tiija baiqlaq.

JEREMIA 20:12

Shatmaq Ningkun Ajong Tatiwe lei, ümniiraq maiqse ka tingting kappe maq shintlaü; ümniiraq tsangshiq tsan mong na nai tsangshiq khutsai na jamlai wa tiimatlaq kra asap haü. Kra ningkhan ümniiraq ijaqtinok khuthaq na iphuk lamkuqtlaü kra liipha, jamkhano ngukla ngi raq ikha ka ümjaq na akiinongke kun she.

JEREMIA 48:15

Mob mungti nai chela thun ka wiita tiithenbaiqto she; asengi jerobi kuilang kuilabi wiita she jiipbaiqto. Ngi ahata hokhamwe, Tati Ningkun Ajongwe, krai ningkhan, Ngi raq toqtan tiikang.

JEREMIA 50:27

Tsangshiq phenlabi thun ka tiisiirai jiipbaiq ronglaq! Hihut jiipbaiq ronglaq! Bebilon mungti ka miqto she! Tsangshiq ma mo tiiho ranaiq ka saüto she!”

JEREMIA 51:4

Tsangshiq ka asho miraq. Raüta tsang chela thun na chiihea wea lam thun kiijaq mijiim.

John 21:17

Kiimahali, tiithong tsam she, Jesuq raq Petar ma hali bom ka wai nongto, “Johan se Simon, riita, ümniiraq ngi ka ngohea shaqshaq dea sha lungwii tlaü?” Kiijiishe, Petar ka atsan biwa liishe riito. Ara jamkhano atsan bita ngukla, Jesuq raq apaiq ma bom ka, tiithong tsam she, “Ümniiraq ngi ka lungwii tlaü dea sha?” nguta waito. Kriikha maq, apaiq raq hali tre nongto, “Tatiwe, ümniiriiri phanrap asap haü. Ngi raq ümniika lungwii tiikang ngutiimin, ümniiraq asap haü!” Kiijiishe, Jesuq raq apaiq ma chongto, “Ikhla, i skuse kong ka samhea rüm laq.

James 5:5

Namrilung ka ara mangjong hiq maq, wok phetaktak, tiipong tiipii, namwok triim lanta siwan lan. Namkhum ka minsaü pongsetiim apü wiq, ataa phaq ma rüm tlaq ikha, Phangthum Khapho Ranaiq na, Shiikeawe rung na chap wan miitu she tiije thü wan lan.

2 Peter 2:12

Shatmaq ara chongtiikai arot shra bi arka, rum ngamse maiq raq bi tsan raüta tiimin phaq tlaq ikha, ahon atsii ahü, ngamsi ngiqsi li sitlo. Tsangshiq raq asii bomtsi wa jamlai wa taklot mak sitlaq, kriika asaisi lishe, shummiitlo. Tsangshiq ka rum ngamse jamkho tsaitlaq kiikhiili she mithen wan.