JEREMIA 12:2 - ASII LAKDAP Bible (BSI)

² Ümniiraq tsangshiq ka chhijangtlaü, tsang rang ka hiq mong na tsaühea chamtlo; tsangshiq ka jonglu wantlo raüta atsi ango riitlo. Tsangshiq raq ümniima wranaiqshe bom ka aheawiq bomtlo, li jiimin tsangshiq raq ümniika ngohea shaqshaq shreng mak.

Hawa Naga Bible 2001

² Mnoz rueq tsuingshiq kuex khic yuingc vtueq, tsuingshiq vruingx waungc yaq; tsuingshiq peluz wvnc vtueq vthuey thuey wuez yaq. Tsuingshiq rueq mnoz vhvlx lvmz kuex mkaq muinz jungx wuez yaq, yuq muinz tsuingshiq rueq mnoz kuex vsuingc suing wvlc guez tvyaungc wuez yaq.

JEREMIA 12:2 Referencias Cruzadas

YOBA 24:12

Chela thun na asho chamchaoti ka maaho manyi hoqsii trang tlo, shatmaq Shiikeawe raq tsangshiq achu jaü ka brorii mak.

YOBA 5:3

Ngi raq maiqjiqti ka chamtraq ra na dü ma phipii ngasea chhikang, shatmaq ngi raq tsangshiq jamkun na tiihanghiiq miili manson tiisaü kang.

Tvtsvmc 37:35

Ngi raq akhing ashi na maiq tiiphiipti abiwe ka asapha; apaiq ka maiq wiita thaq na ajong ala pinthum Lebanon wa maisak chong ikha riito;

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

JEREMIA 11:17

“Ngi Ajong Pinthum Tatiwe raq, Israilnok nai Juda mungti ka pecham ikha chhijang wan kang. Shatmaq ümchaü sanha Ngi raq tsangshiq ka miqchup mishthen baiqha nguta tiiphiip tiikang. Arka tsangshiq maiqmii riili maiqmii thumphaq chang thiikho thütiije wanto. Jamkhano ngukla tsangshiq raq ashut klo wanto. Tsangshiq raq Baal phra ma honglu take wan kha na itsan tiikhiq wanto.”

JEREMIA 3:10

Riita ija, arthun ngarai ara tang wan jai she, Juda, Israil ma anyino nyung sethoq nyung ka iwokhong niishe nyap wan nongtiikang nguta tiimanhiito. Shatmaq apaiq raq atsantsii kuq raütiika riimak. Arka, Ngi Tatiwe raq ngutiikang.”

JEREMIA 45:4

“Shatmaq, Ngi, Tatiwe raq ijaq maq ahaihun wanha kra asiiq she riibaiq tiikang. Kiimaq Ngi raq jamlai wa chhijang wan kang kriika, arangchong maq aphai she riibaiq tiikang. Arka Ngi raq mangjong hiq raikhü tlotli wa miphaibaiq wanha.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

Hosea 7:14

Tsangshiq achu jaü ka tsan mong maq riimak, thatsang maiqse achu jaü ikha jaütlo. Akap atsea hiq na bumraüta hoqsiitlo. Tü nai tsam kiimaq spiqtai miitu achu jaü raüla, Thatsang maiqse raq jaütlaq ikha, jasai maq tsangdü na tiihan raüta, ami atsi tamli phetrang tlo. Tsangshiq ka ngi ma wesang kong!

HABAKUK 1:13

Shatmaq ara abi pinthum Bebilon mungti ara, ümniiraq jam mak mo lii tlaü? ümnaq asii mak maq ara, abi pinthum kiimung tlaq ara, jamriimo nin tlaü? Tsangshiq raq tsangshiq thaq na, kechu maiqse mung ka, khat wan raüta jiip wan tlaq kra chhilaüta jamto brorii maü kaiqshak si tlaü.

Matthew 15:8

‘Arnok raq ngi ka nü maq lamlam li shreng tlo, shatmaq tsangtsan mong miika shreng mak.

Mark 7:6

Jesuq raq treto, “Isaia shammi we raq namshiq khuthaq na tiithai thütaq kriika, ümchaü hong wato she dea! Apaiq raq namshiq ka mongnam nok nguta chongthüto. Apaiq raq chongto: ‘Shiikeawe raq nguto, Arnok raq ngi ka tsang nü miili shreng tlo. Shatmaq tsangtsan ka ngi rai riimak.

Titus 1:16

Tsangshiq raq Shiikeawe ka saptiikai nguta tiitsaki rai tlo. Shatmaq, tsangshiq rilung na jaqsham tlaq kra riika, tsangshiq ka arot wetiim dea ngutli she, saqseng hakhi khoti kuq tlo. Tsangshiq ka Shiikeawe maklii na maiqphai asi, ashe sitlo. Tsangshiq ka Shiikeawe kiq khiiti. Tsangshiq ka jaqsham ahea shamti ka riimak she.