JEREMIA 12:1 - ASII LAKDAP Bible (BSI)

¹ Tatiwe, ngi raq ikha ka ümniirai riikhiiha jiila, ümniili riikhaqli ma mijahaü. Li jiimin ngi raq ümniima tingting tri maq khaphoke bom ka awai chang dongkito. Riita abi kiimungtibi ka jaro chiithe liiwa tonglong jatla? Laopha maiqsebi raq jaro ongwan ruq laptla?

Hawa Naga Bible 2001

¹ “Yehowa lex, ngaz kuex mnoz rulc yauk shuimc rvdoc yanc ruiux yuq; mnoz vlvmz rvtoq kuex mnoz rueq hakhix tvkhic vshuiux. Yuq muinz ngaz rueq mnoz muex tvrac vlvmz nuex seng vtueq wiz phaungx. Honc bac miq htenc kuex yvmx ngoz tueq lac rungwanx yaq nguinx? Layx vbac jix miq htenc kuex yvmx ngoz tueq lac lvp luz yaq nguinx?

JEREMIA 12:1 Referencias Cruzadas

RAPHA HIQWA LAK 18:25

Riikhaqli miika, ümniiraq maiqsangti ka ashutti rai ka tsat baiq maü mirhaü. Kriika ümkhiiriitii jiimin klolot maü! Ümniiraq kiikhiika klolot maü. Kra ümniiraq klo haü jiika, maiqsangti kiimin ashutti rai khoshi na mo tiiho ma mikhat wa. Arka ümkhiiriitii jiimin riimak. Mangjong hiq tlot li kha photiwe riika tingting maq phoke chang li.”

EJRA 9:15

O, Israilnok Tati Shiikeawe lei. Ümniika tri raü tingting maq shamwanti. Shatmaq ümniiraq naishiq ka atrali tiichhun kuq wan laü. Naishiq ngarai ma howan tiikai ara, ümman na tiidii wan tiikai. Riikhaqli maq liiwan raüla, naishiq ka ümman na chap wan ka thek mai.”

NEHEMIA 9:33

Riita ümniiraq naishiq, tiichamchao tlaü arka riikhaq li dea. Naishiq raq ümtinkhan wa, ngarai klo wan kai li jiimin, ümniiraq naishiq ka tsapkapkap maq, rümkom tlaü.

YOBA 12:6

Shatmaq ahuk arotti nai raweahüti ka hansang maq sitlo, tsangshiq ma phra ka tsangshiq ningkun tri kriili.

YOBA 13:3

Shatmaq ngi ka Shiikeawe rai riikhii tiikang, namshiq rai ka riimak; ngi raq ikha ka apaiq raili riichong rotiikang.

YOBA 24:12

Chela thun na asho chamchaoti ka maaho manyi hoqsii trang tlo, shatmaq Shiikeawe raq tsangshiq achu jaü ka brorii mak.

YOBA 24:23

Shiikeawe raq apaiq hansang maq motiisi min miraq, shatmaq apaiq khuthaq na Shiikeawe maklii ka thüruq li thütlo.

YOBA 8:17

Arang thun ka longkaü raikhü na cham wantlo raüta longkaü aweatek ka jop wantlo.

Tvtsvmc 116:5

Tatiwe ka tiihangheawe kiimaq aheawiq; nashiq Shiikea ka mangchan heawe.

Tvtsvmc 119:137

Ümniika tingting, Tati lei, kiimaq ümtri raütu ka tingting.

Tvtsvmc 119:75

Ngi raq asapha ümniiraq kha photlaü ka tingting, Tatiwe lei, kiimaq ümniiraq ngi ma mo tiiholaü ka ngi tsapkap laüta tiiholaü.

Tvtsvmc 145:17

Tatiwe raq phanrap sham-akai na tingting maq shamtlo, jaqshamtlaq wiita na tiihang raüta shamtlo.

Tvtsvmc 37:1

Abi kloti ka chhi laüta ümnaq naq chapakiq; ajiq kiimungtibi chhi laüta naq shuliikiq!

Tvtsvmc 37:35

Ngi raq akhing ashi na maiq tiiphiipti abiwe ka asapha; apaiq ka maiq wiita thaq na ajong ala pinthum Lebanon wa maisak chong ikha riito;

Tvtsvmc 51:4

Ngi ka shut kang, üm man niidea shut kang— ümman niili dongdii shut kang— kiimaq ümniiraq abi nguta ngutlaü kriidea shamkang, kra ningkhan ümniiraq ikha ka riikhaqli dea pholaü; ümniiraq ngi tiishut laü ka riikhaqli.

Tvtsvmc 51:6

Ümniiriika tingting kiimaq tengteng kli rittlaü; ikhutsai ka üm taksu tsii maq tiimakuqlaq.

Tvtsvmc 92:7

abiwe ka sangcham ikha mijong wan, ashut kiimungti thun ka chiithe min mija wan sham; li jiimin tsangshiq ka miqchup mitiithenbaiq,

TAKSU LAK 1:32

Taksu tsii ritmak, tamtang maiqse ka tsailam mirhum. Jamkhano ngukla tsangshiq raq, nyan phaqchi shipoqto. Angi nolakong ka athen mirki, tsangshiq tsii ahü kha maq.

THARC TVLUINGC 8:14

Shatmaq arka arot bintang. Liimanta, mangjong hiq na jamkho sitla. Jangshishi ka kechu maiqsetiim raq, ngarai maiqsetiim mra kra ho raüta chamchaotlo. Kiimaq ashutwetiim raq kechu maiqsetiim raq lapchang poksi kra laphotlo. Ngi raq arka thiihü atuli chhitiikang.

ISAIA 41:21

Tatiwe, Israilnok hokhamwe raq akha ngutlo: “Namshiq maiq mung thun phra kong raq, namshiq kha ka rung na shokronglaq. Namshiq kiqkhii chang ahea pinthum tri ka tiije lantea warong ra!

ISAIA 48:8

Ngi raq asap-ha, namshiq ka maiq kamsea chang riimak, namshiq ka maiq wokhong na siti riiman. Kra ningkhan tiina namshiq raq ara bomtho lapwan man dongdii riilan kra, namshiq ni na ara bomtho saümak dongdii riitiika arningkhan kata.

JEREMIA 11:20

Kiijiishe ngi raq akha achu jaükang, “Ajong Pinthum Tatiwe lei, ümniika tingting tri maq khaphoketi phowe; ümniiraq maiqse tiima tsantsii ka shintlaü kiimaq maiqse tsan mong na jamkhiiwa tsitlaq kriimin asap haü. Ngi raq ikha ka ümjaqkhon niishe kiinong kuq tiikang. Krai mren, ngi riika ümniiraq ngi ngengsengti khuthaq na iphuk ka jamkhiiwa lamkuq tlaü kriili she miliiha.”

JEREMIA 12:6

Ümphu ümno ümjamtitiim raq santla ümniika tiishaübaiqtaq; tsangshiq riimin ümnaq ngengtibi rai pong raüta ngengtlaq. Tsangshiq miika naqkamkiq, tsangshiq raq bom ka aheawiq bom raü min.”

JEREMIA 3:20

Shatmaq sethoq nyung ikha, ümniika iwokhong na tsapkapkap simaü riilaü. Arka Ngi Tatiwe raq ngutiikang,”

JEREMIA 3:7

Ngi riika apaiq raq atinkhan ashut klowan jai she kla, ngi phaniishe mijang wan nong ahiq nguta tiima wan kang. Shatmaq apaiq ka ngi phana jang wan mak riito. Kiimaq anyino nyung sethoq nyung Juda riimin are nyung jaqsham kra wiita chhito.

JEREMIA 32:16

Ngi raq kra hiqri lakjaq kom ka Barukh ma kuq latiishe ngi raq akha achu jaükang,

JEREMIA 5:11

Israil mungti nai Juda mungti raq ngi ka shubaiqtlii no na tsuqbaiqto. Arka, Ngi, Tatiwe raq ngutiikang.”

JEREMIA 9:2

Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,

AJONJÜ 1:18

“Shatmaq, Tatiwe ka tingting, jamkhano ngukla ngi raq apaiq aming jin kang. Mangjong maiqse tarü raq, ibomchong ara tiitsang rong laq, ijonjü tsi tlaq ka liirong laq, Isengi jetu jerobi re raq pongmung na, shumwi ma tsuq wanto.

EJEKIEL 18:25

“Shatmaq namshiq nga, ‘Tatiwe raq jamlai wa kiimungtlaq kriika riikhaqli riimak,’ ngutlan. I bom chong ara tairong laq, namshiq Israilnok raq. Namshiq nga, Ngi raq jaqsham tiikang arka riikhaqli riimak ngutiisha tiima tlan? Namshiq raq jamlai wa klotlan kriikata riikhaqli riimak.

DANIEL 9:14

O, Tatiwe lei, naishiq Shiikeawe lei, ümniiraq naishiq ka sintsang maq tsat wan miitu khekham khewan laü. Krai mren, naishiq ka tsat wan laü. Jamkhano ngukla ümniiriika tingting tri maq shin laüta, phokuq wan laü. Kiimaq naishiq raq ümbom ka tai wan mai riikai.

DANIEL 9:7

Ümniika Tatiwe, ümniika phanrap tingting tri raükha tiipha shatti. Shatmaq naishiq riika maiqmii khu na, jeasi thoda hophaq wan laitli wranaiqshe siwankai. Arka tengto dea. Naishiq wiitarü raq hophaq tiikai. Juda mung na siti ngu i kiimaq Jerusalem na siti ngu i, kiimaq tlotli Israilnok mungmaiqse thun, ümniiraq pongmung na, aje na nai maiqmung thun luhea na, tiipin jobaiq laü. Jamkhano ngukla tsangshiq ka ümwokhong na simak riito.

Hosea 6:7

“Shatmaq isenginok raq tsangshiq ma akuq ha, Kannan mung wa Adam chela na saü raüta, tongshong jaqkhaq raü atiipakuqha, tsangshiq raq kra diibaiqto.

HABAKUK 1:4

Arningkhan tri raütu ka, thiihü miishe jawanto. Kiimaq tri raü kappe ka, phowebi raq riikhaqli sham mak she. Kriikha na ajiqwe ka alamwe miishe, tiijabaiq tlo. Joksaü liiqse kong riili she, kechu maiqsetiim ka tiikom tam maq, tamphaq wanto. Kriikha na phowebi raq, khapho ka ajiq phowan tlo.

JEPHANIA 3:5

Shatmaq Tatiwe ka chela na asi; apaiq raq tingting jaq shamtlo. Ajiq ka ümtiikiimin klomak phan. Apaiq raq ranaptek tiikhea mak maq, asengi ma kha ka tingting phokuqtlo. Shatmaq ashut kloti ka jeasi sapmak, ashut kiimung kli klotlo.

MALAKI 2:17

Namshiq bomtsi kriimiili Tatiwe ni tiibiili bom tlan. Shatmaq namshiq raq, “Naishiq raq apaiq ni ka jamkho tiibiibaiq kai?” nguta ngutlan. Namshiq raq, “Tati Ningkun Ajong Pinthumwe miika ümchuwa ashut kloti wiita ka ahea siisaq. Riikhaqli miika, Tatiwe apaiq miika apeowiqli,” nguta ngutlan. Riimak la namshiq raq, “Riita, tingting Shiikeawe ka ümbano?” nguta bom lanta Tatiwe ni tiibii tlan.

MALAKI 3:15

Jamkhano ngukla, shiikong miilong maiqse kra khoti, apeowiq polokhiq sitlo chhitiikai. Ashut aphit maiqsetiim kra khoti chiithe lüwa sitlo. Kiimaq tsangshiq raq ashut kiimung raüta, Shiikeawe raq anin wan tsii rüm tlaq kra tairai tlo. Kiimaq raüta juho tlo’” nguta tsütsit tlo.

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.