JEREMIA 12:4 - ASII LAKDAP Bible (BSI)

⁴ Ümtincho na saüli wa namung ka shinriiqriiq miraq? kiimaq wak ram aweatek wa sangphii ka shinriiqriiq mijungsiq? Rum nyamsekong nai wushikong thun ka atsai riiwanto, nashiqnok raq ajiq klowan kha maq, tsangshiq raq, ‘Nashiq raq jamlai wa klotiikai ka Shiikeawe raq chhimak,’” nguta ngo kha maq.

Hawa Naga Bible 2001

⁴ Nuiyshiq ghaq vraungx kuex mtanc khvnc nuex httuiuc laz shanx wvnc vtueq wuik vnax tek nuex kemz yaq httuingx htenc yuiuq wvnc vtvnx? Miq htenc rueq, ‘Naungshiq rueq shuimx vshix kuex Tishox rueq khiz muq, ngoz tueq jungc jix naungshiq layx bac miqsaz ningkhvnc nuex, ngvmx saz htenc nuiyc wushawx htenc thueyc wvnc vtuex,’ ” ngoz tueq jungx tueq.

JEREMIA 12:4 Referencias Cruzadas

Tvtsvmc 107:34

Apaiq raq hiqpo hiqwin ramsea binjan thung ka shumhiq thung ma tiijabaiqto kra mung na siti raq abi klo wan khana.

Tvtsvmc 50:21

Ümniiraq arthun ashut klo wan laü, shatmaq ngi raq jam min ngumang, kra ningkhan ümniiraq ngi armin ümnaq kiikha nguta tiima laü. Shatmaq ümchaü ngi raq ümniika ason she riitiikang kiimaq ümniima bom ka kholam kholiiq she chongtiikang.

ISAIA 24:4

Hiqraikhü ka ashin riiwanto. Raüta wiita jung wantlo. Mangjong hiq ka kunli ningkun ahü she jam wanto. Hiq nai ra ka anai wiita riim wanto.

ISAIA 24:6

Arkha niishe Shiikeawe raq mangjong hiq khu thaq na mansonto. Arkha na hiq na siti maiqse raq kra ngarai miitu chamchaotlo. Maiqse atra siti ka tsap wan wan she riitlo.

JEREMIA 12:11

Tsangshiq raq armung ka rumnyangkhi kumtsaiphii ma tiijabaiqto; kriika imakki na hiqmiq changkhü ma tiijabaiqto. Armung tlotli ka kumtsaiphii ma jakito, kiimaq jurmin shamsiq mak she.

JEREMIA 14:2

“Juda mung ka majo hoqtlo; achela thun wa maiq jiim wanto, asenginok ka hiq na bum raq raq hoqtrangtlo. Kiimaq Jerusalemti ka khrum jaü hoqtlo.

JEREMIA 23:10

Armung ka Tatiwe wokhong na simakti maiqse riili ma-tlo; tsangshiq ka abi rilung sitlo, kiimaq tsangshiq arang ka ajiq jaqsham na langtlo. Tatiwe manson asi kha maq armung ka hoqsiqtlo, kiimaq nyamse rümchang nyiimlung ram ka shinriiqriiq shinkito.

JEREMIA 4:25

Ngi raq maiq ka kiijaq ahü chhikang; wushi kong min wiita apin riiwanto.

JEREMIA 4:28

Hiq raq majo mihoq; ra ka anyaq mirki. Tatiwe raq nguto, kiimaq apaiq raq atsantsii ka klaimak. Apaiq raq athapthi wan kun she kiimaq thongshi jai na jang mak.

JEREMIA 5:13

Tsangshiq raq nguto shammibi ka hiqtili. Tsangshiq ka ralang bangbang kong. Tsangshiq raq trahotlaq ka Tatiwe bomtsi riimak. Tatiwe Shiikeawe Ajong Pinthumwe raq ngi ma akha nguto, “Jeremia lei, arnok raq akha bomtlaq arningkhan, ngi raq ibomtsi ka ümnübok na wa ma mitiijaha. Kiimaq maiqse ka chin ma mija. Kiimaq wa raq tsangshiq ka mikhiimphaq.”

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

JEREMIA 9:10

Ngi raq ngukang, “Ngi raq pum thun miitu majo mihoqha kiimaq nyamse rümchang nyiimlung rii miitu mihoqha, jamkhano ngukla kriithun ka wiitashe shinkito, kiimaq kriithun lam maq maiq jumin khummak she. Nyamse kong trang ka ahü she; wushi thun nai rumnyamse thun wiitashe pinwanto.”

JEREMIA 9:9

Tsangshiq raq atinkhan ashut klotlaq arkha na, Ngi raq tsangshiq ma mo tiiho mangli shea mirha? Akhnok mungti khuthaq na iphuk lam mang li shea misiha? Arka, Ngi, Tatiwe raq ngutiikang.”

Hosea 4:3

Arningkhan armung na rarin misaü. Raüta phanrap wiita ashin mirki. Raüta wiitsitsü phan wiita atsai miraq. Ngamsaü ngiqse wiita hutjok, kiimaq peshap wushi wiita, kiimaq sammok tra jü wa ngiq min wiita mitsai,” nguta Tatiwe raq nguto.

Yoel 1:18

Jamnyamsekong aram raq wiita tsaiwanto. Aphaq chang nyiimjaq min ahüshe! Skukong min ram raq thumto, adungchang nyiimlung rü ahü she!

AMO LUIK DVP (AMOS) 1:2

Amos raq akha chongto, “Tatiwe raq Jajon hiqlam maq gitlo; Apaiq giwatrang ramok watrang ikha, Jerusalem chela maq gitlo, nyamse rümchang nyiimlung wakram, wiitashe shinkito, kiimaq Karmel pum wa, nyamse rümchang wakram, wiita shinkito,”

HABAKUK 3:17

Phupmup chong na, atsi ahü she jiimin; spiq raütsung na atsi ahü she jiimin, Olip ro na atsi ahü she jiimin, wakjam ram na bunwong ahü she jiimin, skukong thun wiita she jiim rai raü min, minsaü tiip wa tiisiirai jiim rai raü min,

JEKERIA 1:12

Kiijiishe, “Ningkun Ajong Pinthum Tatiwe lei, ümniika Jerusalem ma, kiimaq Juda mung na chela thun ma, rawii wiiroq miishi ümtsankhiq jonghea thü wan laü. Ümniiraq tsangshiq ma tiihang wan mangchan tsii tiichhike ka ümtinchotiq wa miraq?” nguta rase raq waito.

Romans 8:22

Ara jamkhano chongtiikang ngukla, nashiq raq asap i. Ümchaü pat na saüli, Shiikeawe raq aphansang wan thun kunli raq, nowüchhi tsi hannyi rai tlaq ikha, kra ariim kai chang thiikho mong wa, dong wan tlo hai jiilei nguta hannyi rai tlo.