JEREMIA 12:5 - ASII LAKDAP Bible (BSI)

⁵ Tatiwe raq nguto, “Jeremia lei, ümniika maiq rai aju riilong laüta aniishe riiki haüla, kumrang rai ka jamkhiishe wa aju mirlong haü? Ümniika wakram hiqsii thung na alu chaplot maü jiika, rum na Jordan rai tan miika jamkho miju haü?

Hawa Naga Bible 2001

⁵ Yehowa rueq, “Yeremia lex, mnoz kuex miq rulc yuz rvlongx vtueq nyex vtuiux ngoz ruiux kuex, mvre htenc rulc mkhoc lac yuz rvlongx lot tuiux? Ghaq sawc htungx nuex doc muinz mnoz jvp lot muq ngoz ruiux, Yodan ruilx kox wawc yaruix rumz nyuing nuex mnoz rueq mkhoc lac tvhungx htaungx lot shuiux?

JEREMIA 12:5 Referencias Cruzadas

1 KAÜWA WERAÜ 12:15

Tsangshiq ka rawii pha wan jipi lü na, Jordan rai ka achhang jükii siimhap ri ka kham raq alüm alei marai tlaq bala, tsangshiq raq jürai ka jin wan raüta, siimhap ri na hiqthung tan na shongti shedong siim nai shenyap nü siim na siti maiq thun ka wiita tiipin jobaiqto.

TAKSU LAK 24:10

Chamchao rathaiq akhing na, tsaiji tiijom raüla, nanok raq wepuq hea mingu.

TAKSU LAK 3:11

Ise lei, Tatiwe raq, ümniima tsiichong tsat son phaüla, ni tiitsii laüta tiitsang tailaq, laüta honlam shat riilaq.

JEREMIA 11:21

Anathoth chelati raq ngi ka atsea baiq chang nguta tankhanto. Krai mren tsangshiq raq ngi ma, ngi raq Tatiwe tsütsa ka chii riim lata chongkuq ruq riiha jiila, tsangshiq raq ngi ka mitsatbaiqhai nguta chongto.

JEREMIA 26:8

Kiimaq Tatiwe raq ngi ma jamlai bom chongkuqlaq ngutiiwa aming kuqtaq, kriithun ka ngi raq chongkelot ri, tsangshiq raq ngi ka lap-hoto, raüta akhiishe gitranghoto, “Ümniiraq ara ashut bom laü kha na ümniika atsai chang!

JEREMIA 36:26

Kra raütiishe, apaiq raq Hokhamwe se Jerahmeel nangnga, Ajriel se Seraia kiimaq Abdeel se Shelemia kra shea raüta, ngi nai icherewe Barukh nainai ka lapki rongkiq nguta aming kuqto. Shatmaq Tatiwe raq nainai ka apaü raüta thüto.

JEREMIA 49:19

Jordan raikii binjü na rumnyangkhi mong wa, hangsi kaü ka dongho raüta Jordan rai tan na skukong rümchang sangphii rü wak ram binjü na dongho tlaq ikha. Ngi ka tiihanghiiq miili dongho lata Edom mungti ka tsang mung kiiwa mitiipin jobaiqha. Kra latiishe tsang mung pengti wela ka Ngi raq tsea lata mishongha. Ngi rai thapthi chang maiq ka asi sha? Ngi rai riilongti ka maiq asi sha? Ngi rai riikhettotti hokham ka asi sha?

JEREMIA 50:44

“Hangsi kaü ka Jordan raikii tan na rumnyangkhi mong maq dong wan raüta, skukong rümchang sangphii tan na dong wantlaq ikha, Ngi, Tatiwe ka midong wanha. Lata Bebilon mungti ka tsangshiq chela mong wa tiihanghiiq miili mitiipin baiqha. Kra latiishe Ngi raq mung pengti weshi shong wantiikang we raq mung ka mipeng. Ngi rai triingea chang maiq ahin ka asi sha? Ngi rai riilong lati maiq ka asi sha? Ngi rai riikhettotti hokham ka asi sha?

1 Peter 4:12

Lungwii phunainotiim lei, ümchaü bala kamtsantsii maitai namshiq chamchao walü mong maq learai wan tlan kra ningkhan, namshiq ka jamkho chamchao kikai nguta naq wang thang rongkiq. Saüthin wan mak chang phan saürai wan tlo riimak sha nguta naq chapa rongkiq.