JEREMIA 12:6 - ASII LAKDAP Bible (BSI)

⁶ Ümphu ümno ümjamtitiim raq santla ümniika tiishaübaiqtaq; tsangshiq riimin ümnaq ngengtibi rai pong raüta ngengtlaq. Tsangshiq miika naqkamkiq, tsangshiq raq bom ka aheawiq bom raü min.”

Hawa Naga Bible 2001

⁶ Mphvnx mmaq htenc, m-yuimx wuinz htenc rueq doc muinz mnoz muex khawx lvlx wuez yaq; tsuingshiq kuex mnoz khawx lvlx khvt yaq kvyuq lomx wvnc wuez vtuex. Tsuingshiq kuex kungjix kvjak tix ikhoc kvjak ruiux muinz, tsuingshiq muex nauk kvmx kaz,” ngoz tueq jungx tueq.

JEREMIA 12:6 Referencias Cruzadas

YOBA 6:15

Shatmaq ikongtitiim namtsan riimin, jüse raisetiim ra jun mak raüla kham rükitlaq ikha, ngi ka alao reali riilan.

Tvtsvmc 12:2

Tsangshiq wiita maiqmii liipan na arot akiq li chongtlo; tsangshiq liipan na weshi raq weshi kli jutjüsiqtlo.

Tvtsvmc 12:3

O Tatiwe lei, kra jutjü rattlaq tili thun ka tiikaiq baiqlaq! ra wa raiqsaiq panthit bomti nübok ka sukbaiqlaq, tsangshiq raq akha tsütsittlo,

Tvtsvmc 69:8

Ngi ka iphu inotiim makki na wanwe ikha ijamtitiim makki na pong mungti ikha sitiikang.

TAKSU LAK 23:8

Apaiq hon atsii kra chhi laüta, phanshise aphaqsiq haü kriimin, aphai baiq roli she mirhaü. Kiimaq ümniiraq ümtinkhan wa, shomrasiq laü kriimin atuli she miraq.

TAKSU LAK 26:25

Abomtsi ka asum wiq, jiimin naq kam kiq. Atsan mong ka, makshu rashe hon atsii raq, ama sitlo.

ISAIA 31:4

Tatiwe raq ngi ma nguto, “Skurümti kong ka ümtinkhanli gisiirai raümin, tsangshiq raq hangsi kaü nyamse kaqhotaq kriika thaq mak she kiimaq ju mak she miraq. Ikiikhiisii hali, Ngi, Ajong Pinthum Tatiwe raq Jajon Pum tiichhiikuq tiikang kriiwa, jur min ngi ka tangtalot mak.

JEREMIA 11:19

Ngi ka skuse arümti wokhong na tlam raüta haiseati kiiwa lapho raüta taphaq hotlaq ikha atseabaiq miitu tiikho thuto. Ngi ka tsangshiq raq jamlai wa abi thiikho thutlaq kra akhiismin hemang riikang. Tsangshiq liipan na akha riichongto, “Pechong ka aheawiq ajaq aji nüm wala, kra adaqli she riibaiq rong i na; nashiq raq apaiq ka tsatbaiq haijiika, maiq raq jurmin tsan na tiitsang mak she miraq.”

JEREMIA 11:21

Anathoth chelati raq ngi ka atsea baiq chang nguta tankhanto. Krai mren tsangshiq raq ngi ma, ngi raq Tatiwe tsütsa ka chii riim lata chongkuq ruq riiha jiila, tsangshiq raq ngi ka mitsatbaiqhai nguta chongto.

JEREMIA 20:10

Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”

JEREMIA 9:2

Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,

JEREMIA 9:3

Tsangshiq ka wranaiqshe arot akiq chongtikong; mung na tingting chong rii na ajok aliiq kli chongtlo. Tatiwe raq ngutlo, “Isenginok raq phanshi abi klojai maq abi phanshi maq tiipatlo, kiimaq tsangshiq raq ngi ka tsang Shiikeawe nguta sap mak.”

JEREMIA 9:4

Maiq loweatek raq aphunowe ma honkam shatmaq sichang, Juwe riimin akongtiwe miika kamtsantsii thülot mak; jamkhano ngukla phunaino ümchu wa sitlaq ka Jakob ikha laopha maiqse siisaq, kiimaq maiq loweatek raq aphunowe chongsiqtlo.

JEREMIA 9:5

Tsangshiq tarü ka kongti laoliiti siisaq, kiimaq jurmin tengteng bomtsi chongmak; tsangshiq tilika arot bomchong miitu atiingam reawishe, kiimaq tsangshiq raq ngarai tang ka tsaq mak phan. Tsangshiq riika mat atsa ka ashi tanghoholi riitlo, kiimaq maiq ka bashi wa laohoho li she sitlo. Tatiwe nga asenginok raq apaiq ka shishe baiqto she ngutlo.

Matthew 10:21

“Maiq wiijamti raq maiqmii phu ano thun kiimin rung na mihit thüki. Raüta mitiitsat baiq. Kiimaq, kiikhiisii hali awetiim riimin asetiim ka mitiitsat baiq. Kiimaq asetiim riimin anyungwe ka ngeng raüta mitiitsat baiq.

Mark 12:12

Kra manphan kra tairaütiishe, Jehudinok welabi raq, Jesuq raq tsangshiq kra shiitonto ngutiishe takto. Krai mren, tsangshiq raq apaiq ka alap chang nguta tanto. Shatmaq, tsangshiq ka mungmaiqse ma ahai riito. Kriikha maq tsangshiq ka apaiq tho wa ahin niishe tiido wanto.

John 7:5

Tsangshiq raq ara jamkhano nguta ngukla, anotiim raq dongdii min, apaiq miika kam mak kha maq akha nguto.

Acts 16:22

Kiimaq kra thaq na nokwe riimin, Paul nai Silas ka shra wan damti siisaq she riito. Kra tairaütiishe, kiiwa ajong siihiipbi raq, Paul nai Silas dü wa tsangnai miirii khea ka chaiham chaihea she chai baiqto. Raüta, tsangnai ka chongwai maq phenlanok ma ninta she tiibuksiqto.

Acts 18:12

Arjai maq, Roman Hokham we raq Gallio ka Akaia wang na wanghupti we ma shongto. Kra akhing niishe Jehudinok ka adam na kiq ri raüta, Paul ka long wanto. Raüta, wanghuptiwe rung na shea wanto.