JEREMIA 12:7 - ASII LAKDAP Bible (BSI)

⁷ Tatiwe raq ngutlo, “Ngi raq Israilnok ka miimbaiq kang she; ngi raq atsea wanhanok mung ka tiishaübaiq kang she. Ngi raq lungwiitiikangnok ka rewe jaq khon mong na kiinong kuqbaiq kang she.

Hawa Naga Bible 2001

⁷ Yehowa rueq, “Ngaz rueq Israel kuex gay shec tauk; Ngaz rueq vthvl miqphvnx kuex ngaz rueq tvdux gay tauk. Ngaz rueq lungwawx shaungx miqsaz kuex tsuingshiq muex ralx nuk kvmac lekuq gay tauk.

JEREMIA 12:7 Referencias Cruzadas

2 HOKHVMX 21:14

Ngi raq kra redongjai mungmaiqse aso tiichongtlaq thun kriimin, tsang jaqtinok jaq khon mong na mikiinong kuqbaiqha. Re raq tsangshiq ka long raüta, mitang raüta tsangmung wa tsuq anyam wiita mihut wan.

Tvtsvmc 106:40

Kriikha na Tati asenginok ma tsankhiq riito; apaiq ka tsangshiq ma shukhiqshe riito.

Tvtsvmc 78:62

Apaiq ka asenginok ma atsan khiqhea riito kriikha na tsangjaqtinok ma tiikhat raüta tsangshiq ka tiijiipbaiqto.

ISAIA 2:6

O, Shiikeawe lei, ümniiraq ümsenginok, Jakob saüsetiim ka tiishaübaiq laü she kata! Armung arka shedong mungti nai Philistain mung maq awati mintin loqle klotithun riishe mawanto. Mungmaiqse raq pongmungti thung nai lai kriili she langtlo.

JEREMIA 11:15

Tatiwe raq nguto, “Ngi raq lungwiitiikang nok raq abi kiimungthun klotlo. Tsangshiq ka i Shomjam na wa miitu jamlai arang wa hotla? Tsangshiq raq kiqkham raüpot khakuq raüta kiimaq nyamse thun honglu na takuq raüta tsangshiq khuthaq na then wan rahai saü wan tlaq kra mishkhinglot rong i ngutiisha tiimatla? Kriithun raq tsangshiq ka mitiichochi shea?

JEREMIA 14:19

Tatiwe, riita ümniiraq Juda mung ka tiishaübaiqtlii dea shea tiishaübaiqlaü? Ümniiraq Jajon chelati ka shukhiq dea shea shuho laü? Ümniiraq naishiq ka tiinamtok langlang jam nguto tiiqbaiq laü? naishiq motsi ka ahea min healot mak she? Naishiq raq hansang singa miitu rit tiikai, shatmaq jamlai min ahea saümak; naishiq raq mung atsing mirwan ahiq nguta ran tiikai, shatmaq phiiptsi chang rahai kli saü wan ruqruq.

JEREMIA 17:4

Ngi raq namshiq ma akuqha nam mung kra namshiq raq athaqbaiq chang she miraq. Kiimaq namshiq raq namjaqtinok wokhong na silanta, namshiq raq jam man sap man mangtang ramangnok mung kiina silantiishe chiqse rewenok kriishe mishomnoq han. Jamkhano ngukla itsankhiq ka walü wa nyai tlaq ikha nyaitlo. Kra walü ka pattup pat-sa nyairuqli she minyai wan.”

JEREMIA 22:5

Shatmaq namshiq raq ngi aming thun ara lang man riihan jiila, ngi raq atiitum lata namshiq ma chongtiikang, ara hokham jam kaü arka wiita athen she mirwan. Arka Ngi, Tatiwe raq toqtan tiikang.

JEREMIA 23:33

Tatiwe raq ngi ma chongto, “Jeremia, ümtiikiiwa isenginok weshi ra raq, riimakla shammiwe raq, riimakla ramwe raq ümniima, ‘Tatiwe raq jamlai tsütsa wa chongtla?’ nguta wai raüla, ümniiraq apaiq ma akha chonglaq, ‘Ümniika Tatiwe ma holai ashi. Kra ningkhan apaiq raq ümniika atsun she mirbaiq.’

JEREMIA 23:39

Ngi raq tsangshiq ka tengteng dobaiq lata, ngi phawa luhea niishe, tsangnai wiita, kiimaq chela kra, Ngi raq tsangshiq ma nai tsangtitiim ma akuqha kra midobaiqha.

JEREMIA 51:5

Ngi, Tati Shiikeawe, Ningkun Ajongwe raq Israil mungti nai Juda mungti ka, Ngi Israilnok Ma Asiiwe, makki na ngarai pahea tang wanto. Li jiimin, Ngi, raq tsangshiq ka shubaiqtlii ka shubaiq mang.

JEREMIA 7:14

Arningkhan she, ngi raq Shilo chela ka jamkho tiijabaiq kang, kiikhiisii hali, namshiq kamsiqtlan i Shomjam kaü ara ngi raq atiithen she mirbaiqha. Ara Shomjam arka ngi raq namtitiim ma akuq wanha kiimaq namshiq miimin kuq wankang. Ngi raq jamkho Shilo chela wa tiithen baiq kang kiikhiisii hali armin mitiithen baiqha.

JEREMIA 7:29

“Maaho maanyi hotrang ronglaq, Jerusalem lei; namkhudap ka tap lantea baiq ronglaq. Hiqlam thaq thun na majo shinge ronglaq, jamkhano ngukla, Ngi namshiq Tatiwe ka tsankhiq, krai mren isenginok ka tiishaübaiq kang she.

EJEKIEL 24:21

Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.

Hosea 11:1

Tatiwe raq ngutlo, “Man na Israil ka noshiise riito. Ngi raq apaiq pinthum lungwiikang. Lata ise ka Ejip mung wa heawan kang.

Hosea 9:15

Tsangshiq ka ashut ashai wiita raüchong, Gilgal chela maq shampha wanto, Kriikha na ngi raq saisi wan kang, tsangshiq ka Ijamjong wa, mijobaiqha. Ngi raq tsangshiq lungwii mang she. Mungtu shiilangbi ngi ngengti siisaq.

Yoel 2:15

Jajon hiqlam maq lerong tsürong laq. Lanta mungmaiqse ka adam mirtam laq, dungsea tlea achu jaü aming kuq ronglaq!

Yoel 3:2

Kra akhing na ngi raq mangjong hiq na siti maiqmung thun wiita, khapho chang hiqthung tan na mitriitam ha. Kra khapho chang tan kiimaq, tsangshiq raq isengi israilnok, tiichamchao wantaq kra kha mipho ha. Tsangshiq raq isengi israilnok ka, mungrap mungrii na tiipin jobaiq wanto. Raüta tsangshiq raq ihiq ira Israil mung ka, tsangshiq liipan wiita chumtap riiphea wanto.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

TRI CHONGKE 33:12

Apaiq raq Benjamin phan miitu akha nguto: “Arnok phan ka Tatiwe raq lungwiitlo kiimaq tiiwong kuqtlo; Apaiq raq tsangshiq ka ranaiq minru tiiwongtlo, Kiimaq apaiq ka tsangshiq rai adam sitlo.”