JEREMIA 12:7 - Hawa Naga Bible 2001

⁷ Yehowa rueq, “Ngaz rueq Israel kuex gay shec tauk; Ngaz rueq vthvl miqphvnx kuex ngaz rueq tvdux gay tauk. Ngaz rueq lungwawx shaungx miqsaz kuex tsuingshiq muex ralx nuk kvmac lekuq gay tauk.

ASII LAKDAP Bible (BSI)

⁷ Tatiwe raq ngutlo, “Ngi raq Israilnok ka miimbaiq kang she; ngi raq atsea wanhanok mung ka tiishaübaiq kang she. Ngi raq lungwiitiikangnok ka rewe jaq khon mong na kiinong kuqbaiq kang she.

JEREMIA 12:7 Referencias Cruzadas

2 HOKHVMX 21:14

Kvjungx yaq miq htenc kuex ngaz rueq tuip gay shec ruiux, tsuingshiq ralx hez yauk nuex tvshuk lekuq gay shaungx, ralx hez rueq tsuingshiq mungtan kuex khvt taungx wvnc vtueq puinhtuik puinhtat hup vsvmx htenc kuex nyvlc gay shuex.

Tvtsvmc 106:40

Kvkhoc rvtueq Yehowa kuex vpiq miqsaz htenc muex thuinz tvkhaq kuq tueq, tsuingshiq muex suirsac tueq.

Tvtsvmc 78:62

Vpiq miqsaz htenc muex vpiq thuinkhaq vtueq tsuingshiq ralx htenc yauk nuex thvy gay rvhumc tvkoc vpiq rueq lekuq gay tueq.

ISAIA 2:6

O Tishox lex, mnoz rueq Yaku suiuz vsaz htenc ngoz yaq mmiqsaz htenc kuex tuip gay toq! Kvruex ghaq vraungx kuex shaldungc mungx nuiyc Philistin miqsaz kox wawc luinglawc yauk shuimc dvyx shex mvrx wvnc tueq. Mungx miqsaz htenc muinz mungganc phvnx htungx vlayx dvyx shex phvnx wvnc vshuex.

JEREMIA 11:15

Yehowa rueq, “Ngaz rueq lungwawx vshaungx miqsaz vraq layx vbac phvnx ruip saz shuimx yaq. Tsuingshiq kuex yvmx khoc maq lac ngvy Shomc Yuimx nuex nyuip vkhangx httax yaq nguinx? Tsuingshiq rueq bomkhvmc htenc taq vtueq nyvmx saz shomc nawk kuy shomc kuq vtueq httuiuc wvnc yaq wawc vgvrx kuilc daz tvgawx gay shix ngoz tueq haz tsuingshiq rueq tvmaung yaq nguinx? Kvkhoc raz tueq tsuingshiq kuex kokez lvp tuex haz?

JEREMIA 14:19

Yehowa lex, mnoz rueq Yuda mungx kuex tvdux gay tvlanc shec haz? Mnoz rueq Zion miqsaz haz shuiuc vshuiux? Nuiyshiq hvlx lot miq laz juing mnoz rueq yvmx ngoz tueq lac nuiyshiq tvthuiuz sac hvlc ruez vphux? Nuiyshiq rueq nomic lvmx kuex thuiyx vshix, yuq muinz vhvlx muex yaungx muq; nuiyshiq hvlc wvnc tvkoc tvluimc vshix, yuq muinz vhiz juing dvyx dung wvnc yaq.

JEREMIA 17:4

Mmvrax ningkhvnc nuex nuimshiq muex ngaz rueq kuq phaungx mungtan kuex tuip gay shec shuinx. Ngvy thuinkhvy kuex wvr ikhoc ningkhvnc nuex pattup luic hvt luic vtueq, ngaz rueq nuimshiq kuex miqmac httuiuc muit shauk doc mungx nuex ralx muex shuimx lvmz kuq wuez shuinx,” ngoz tueq jungx tueq.

JEREMIA 22:5

Yuq muinz mnoz kuex ngaz rueq nvr phaungx tay muq ngoz ruiux yuq, vruex hoc kuex bac wvnc tuex ngoz tueq ngaz rueq mnoz muex tuemc kuq vphaungx. Ngaz, Yehowa rueq jungx vshaungx.

JEREMIA 23:33

Yehowa rueq ngaz muex jungx phuex, “Yeremia lex, ngvy miqsaz htenc wawc vshiz shiz, shvmmax vshiz shiz, shomc waz vshiz shiz rueq mnoz muex, ‘Yehowa bomjungc kuex yvmx lac?’ ngoz tueq wiz ruiux yuq, mnoz rueq piq muex, ‘Mnoz rueq Yehowa muex gurc tvliq vshuiux ningkhvnc nuex vpiq rueq mnoz kuex tuip gay kv-phux,’ ngoz tueq jungx shuiuz.

JEREMIA 23:39

ngaz rueq tsuingshiq kuex tvjomx tsenz vtueq tsuingshiq nuiyc tsuingshiq jix vwaz tamx kuex ngaz rueq vkuq ghaqyungx rulc nongx ngvy kox wawc vluz nuex tuip gay rvhumc tuex, ngoz tueq tsuingshiq muex jungx shuiuz.

JEREMIA 51:5

Ngaz, Tvphaungc Tvsuip Yehowa Tishox kuex, Israel muex Vsawc Waz ngoz yaq ngaz muex mvrax yaq ruiux doc muinz ngaz rueq Israel nuiyc Yuda kuex gay shec mauk.

JEREMIA 7:14

Kvkhoc rvtueq ngaz rueq Shilo ghaq kuex ruez gay tauk ikhoc mnoz rueq tvluimc vshuiux vruex Shomc Yuimx vmuinz ruez gay shaungx. Mjix m-waz tamx nuiyc mnoz muex vruex baung vmuinz Shilo ghaq nuex ruez gay tauk ikhoc rvgay shaungx.

JEREMIA 7:29

“Yerusalem ghaq jix lex, khoar nyerx wuez kuinz; mkhux mul kuex tvp vtueq tuip gay shuiuz. Ghaq luimx poz htenc maq maungx yec shic kuex shix wuez kuinz, yvmx khoc lac ngoz ruiux lec ngaz, Yehowa thuinkhaq vtaungx, ngvy miqsaz htenc kuex tvdux gay tauk.

EJEKIEL 24:21

Israel miqsaz muex vruex bomjungc kuex jungx kuq shuiuz: Mnoz kuex Shomc Yuimx hungc vlaungc muex ngamc ngax vtuiux. Mnoz rueq kvruex lawc roc vtueq kvyuq guilc kaz vtuiux, yuq muinz Yehowa rueq kvruex baung kuex tvshuy shac gay shuex. Yerusalem nuex tvjungx taq shec tueq m-yuimx wuinz wawc yalxtux yalxrox bix kuex ralx rvlungc nuex thvy gay rvhumc tuex.

Hosea 11:1

Yehowa rueq, “Israel kuex nosaz jauz, ngaz rueq piq kuex lungwawx vtueq isaz muex piq kuex Ejip mungx wawc gvl wvnc tauk.

Hosea 9:15

Yehowa rueq, “Tsuingshiq rueq shuimx yaq layx bac yauk shuimc lotlaz kuex Gilgal ghaq maq phaungc ruiux yaq. Kvruex kuex tsuingshiq rueq ngaz muex shuiuc pac thuinz kvruex maq phaungc wvnc tueq. Tsuingshiq rueq shuimx wvnc tueq layx vbac ningkhvnc nuex ngvy mungtan wawc tsuingshiq kuex yurc gay shaungx. Tsuingshiq kuex ngaz rueq mkaq muinz lungwawx shaungx rvmuq shex; tsuingshiq vyungx vlaungx bix lotlaz rueq ngaz kuex khawx lvlx wuez yaq.

Yoel 2:15

Zion Kanx nuex bolic tuimz shuinz; phuiuz svy mamc tvkoc nvr vtueq mungx miqsaz htenc tvtuimx gvl shuiuz!

Yoel 3:2

Ngaz rueq miqphvnx htenc lotlaz tvtuimx vtueq tsuingshiq kuex Khac phoc juing Warc nuex shvlx laq shaungx. Kvruex yuq ngvy miqsaz htenc muex tsuingshiq rueq shuimx wvnc tueq lotlaz tvkoc nuex tsuingshiq muex phox shaungx. Tsuingshiq rueq Israel miqsaz kuex pungmungx nuex yurc gay ruiux ngvy mungtan Israel kuex tv-phvlc nyanc gay tueq.

Luke 21:24

Wvyvmc kuex yaung maq thvy gay rvhumc tuex, vganc miq htenc kuex khoktep miqsaz muex mungtan ruip rawx nuex lvp shvlc wvnc rvhumc tuex; mungganc phvnx tsuingshiq rueq guimz lawc pat max hungx wvnc wawwawx Yerusalem ghaq kuex yaz maq nuiuz gay wuez shuex.

TRI CHONGKE 33:12

Benjamin phvnx nuex seng vtueq vkhoc jungx tueq: “Benjamin kuex Yehowa rueq lungwawx vtueq tvkhup wungx kuq yaq; Vpiq rueq tsuingshiq kuex nuiyq tuimc tvwungx kuq yaq, Vpiq kuex tsuingshiq phungc mungx nuex httax yaq.