JEREMIA 12:8 - Hawa Naga Bible 2001

⁸ Ngaz rueq vthvl miqsaz rueq ngaz khawx lvlx wuez phuex; luingx vlak wawc hangsic vshiz ikhoc tsuingshiq rueq ngaz kuex svrc kuiuz ningkhvnc nuex, ngaz rueq tsuingshiq kuex shuiuc vshaungx.

ASII LAKDAP Bible (BSI)

⁸ Ngi raq atsea wanha isenginok raq ikiq khiitlo; rum na hangsikaü ikha tsangshiq raq ngi kaq ma hok hiiqtlo, kra ningkhan ngi raq tsangshiq shutiikang.

JEREMIA 12:8 Referencias Cruzadas

ISAIA 59:13

Nuiyshiq rueq mnoz kuex khawx lvlx vtueq, mnoz tvdux gay ruiux, m-yix nuex phvnc tvkoc tvlvlc vshix. Nuiyshiq rueq vganc jix kuex guirguenz ruiux mnoz muex khawx lvlx vphix. Nuiyshiq kvmungx htenc kuex vyaq; nuiyshiq kvjaz htenc muinz vrot vkaq dvyx rvtueq.

JEREMIA 2:15

Tsuingshiq rueq piq kuex hangsic rueq ikhoc huk yaq; tsuingshiq rueq piq mungtan kuex kumtsvy tvnx muex tvyaungc vtueq, piq ghaq htenc kuex tvbac gay ruiux, miq httax muq laz juing tuip gay shec tueq.

JEREMIA 51:38

Babelon mungx miqsaz lotlaz kuex hangsic htenc ikhoc thuiz vtueq, hangsic sahez ikhoc miauz tuex.

EJEKIEL 23:18

Piq rueq miq htumc nuex piq shauk gvnz kuex lanx tvkhic ningkhvnc nuex miq ruip rawx rueq piq mephex nyuiuz rvtueq lvmz kuex tuiuz wuez tueq. Ngaz rueq vnyaz kuex suirsac gay tauk ikhoc piq kuex suirsac gay tauk.

Hosea 9:15

Yehowa rueq, “Tsuingshiq rueq shuimx yaq layx bac yauk shuimc lotlaz kuex Gilgal ghaq maq phaungc ruiux yaq. Kvruex kuex tsuingshiq rueq ngaz muex shuiuc pac thuinz kvruex maq phaungc wvnc tueq. Tsuingshiq rueq shuimx wvnc tueq layx vbac ningkhvnc nuex ngvy mungtan wawc tsuingshiq kuex yurc gay shaungx. Tsuingshiq kuex ngaz rueq mkaq muinz lungwawx shaungx rvmuq shex; tsuingshiq vyungx vlaungx bix lotlaz rueq ngaz kuex khawx lvlx wuez yaq.

AMO LUIK DVP (AMOS) 6:8

Tvphaungc Tvsuip Johvlc Yehowa rueq vruex vtuemc honc tvsvmz kuq tueq: “Ngaz rueq Israel miqsaz ngamc ngax yaq kuex shuiuc vshaungx; ngaz rueq tsuingshiq bumc belc juing yuimx yungx htenc kuex suirsac vshaungx. Ngaz rueq tsuingshiq ghaqnyuiuz jungx nuiyc kvyuq httax yaq phvnx ruip saz kuex ralx yauk nuex kuq gay shaungx.”

Mikha 2:8

Yehowa rueq tvralc tueq, “Nuimshiq rueq ngvy miqsaz kuex ralx ikhoc khvt tuit. Ralx lungc ruix maq vyek waung miq htenc rueq yuimx htenc nuex kvwungx httax yaq ngoz tueq tvmaung wuez tueq, yuq muinz kvruex yuq nuimshiq rueq tsuingshiq khoz vkhvy htenc kuex guiuq nyvlc lvy tvkoc bvmc wuez vshuinx.

JEKERIA 11:8

Ngaz rueq ngvy shuiuc pac jix khelbuenx remc jix miq vganc waz thuimx kuex nanx lot mauk rvtueq tsuinghez lotlaz kuex yapix lex shiz nuex dvyx tvdung tvbac gay tauk.