Biblia Todo Logo
La Biblia Online
- Anuncios -




JEREMIA 12:3 - Hawa Naga Bible 2001

3 Yuq muinz, Yehowa lex, mnoz rueq ngaz tuiuz yaq; ngaz rueq yvmx lac ruez vshaungx nuiyc ngaz rueq mnoz muex mtanc lac lungwawx vphaungx kuex mnoz rueq khiz yaq. Vruex layx bac miqsaz htenc kuex vthvy gay tvkoc tulx laq yaq khelbuenx ikhoc tulx laq shuiuz; tsuingshiq kuex thvt gay ruiux vkhing htvp htaz shec toq nuex httuiuc laz tsuingshiq kuex bvmc shuiuz.

Ver Capítulo Copiar

ASII LAKDAP Bible (BSI)

3 Shatmaq, Tatiwe, ümniiraq ngi ka asap haü; ngi raq jamlai wa shamtiikang kra ümniiraq achhi haü, kiimaq ngi raq ümniika jamkho lungwiitiikang kra achhi haü. Ara abi kloti maiq thun ka, skukong ataaphaq chang ikha hitbaiqlaq; tsangshiq ka ataabaiq akhing misaü shaq wiiwii, ümniiraq tsangshiq kheshat thülaq.

Ver Capítulo Copiar




JEREMIA 12:3
23 Referencias Cruzadas  

“Yehowa lex, ngaz kuex mnoz muex tvmtuing httax vtueq tsuingrux maq shuimx kuq ruiux, mnoz rueq ngaz muex tvshuimc roc vshuiux yauk shuimc mkaq muinz shuimx vshaungx yauk shuimc htenc kuex rvwvl shuiuz.” Ngoz tueq piq kuex khuip khaq laz juing gushuex guz khoar tueq.


Mnoz rueq miq ruip rawx thuinz vmungx kuex taruiyx lawc vtueq tsuingrux yaq thuinz httaz jix miq htenc kuex raungc raq vshuiux lvmz ngaz rueq tuiuz yaq. Vtsuing vrux maq nuiyc vruex hup vsvmx lotlaz kuex raungc raq thuinz maq mnoz muex ngaz rueq kuq vphaungx. Vruex yuq rvtuimx jex yaq mmiqsaz htenc rueq muinz mnoz muex shomc kuy lvmz nuex mtanc lac kokez wuez yaq nguinx kuex ngaz rueq khiz vshaungx.


Yuq muinz ngaz khuemx taungx khamz tenc ruip rawx Tishox rueq tuiuz yaq; vpiq rueq ngaz kuex taruiyx ruiux yuq, ngaz vsawc kuex vpiq rueq khiz lvp shuex.


Vpiq rueq vhvlx jix muinz, layx bac jix muinz si-khvyx lawc yaq; tvrac vguez jix htenc kuex vpiq thuinz vmungx lotlaz maq shuiuc yaq.


O Tishox lex, ngaz muex wisoz vtueq ngvy thuinz kuex tuiuz taq shuiuz; ngaz muex taruiyx vtueq ngaz rueq dvnc vshaungx lvmz kuex tuiuz taq shuiuz.


Mnoz rueq ngvy thuinz vmungx kuex tuiuz vshuiux. Raungwvrx nuex mnoz kuex ngvy kox nuex kaz vtueq; ngaz kuex httuiyc ruiyc wisoz phux, ngaz nuex layx bac thuinz yvmx muinz vguez kuex mnoz rueq khiz toq.


O Yehowa lex, vlvmx kuex ngaz rueq shuimx vtueq, mnoz muex lotlaz tvluimc vphaungx ningkhvnc nuex ngaz kuex mvrax kop muq waz ngoz tueq tvtay kuq koq.


Mnoz kuex tsuingrux Tishox rvtoq, nuiyshiq rueq kvmungx yaq nuiyc rax yaq lvmx htenc kuex phoc kuy jix waz rvtoq. Layx bac jix htenc vyaq lvmx kuex tvthauk gay ruiux, vhvlx jix miqsaz htenc muex tvtsvmc yauk noalc kuex kuq vshuiux.


Kvruex yimaq ngaz rueq, “Yehowa lex, mnoz rueq tuiuz yaq. Ngaz kuex rvwvl vtueq ngaz muex romc kuq koq. Ngaz muex guirguenc naqsaq jix hez kuex ngaz rueq yarc tvyez tvlvp koq. Tsuingshiq rueq ngaz kuex thvt vtueq taungx gay nuex httuiuc laz nauk nanx lawc kaz. Mnoz ningkhvnc nuex ngaz yomnamc rvhumc vtaungx kuex rvwvl shuiuz.


Yuq muinz Yehowa lex, ngaz rueq tsuingshiq htauk nuex kuilc daz tvgurc tvkoc mnoz muex jungx mauk doc, tsuingshiq tvkoc kuilc daz rvhumc vkhing kuex ngaz rueq roc vshaungx rvmuq. Yehowa lex, vruex lvmz mnoz rueq tuiuz yaq; ngaz rueq jungx tauk kvjaz kuex mnoz rueq tuiuz yaq.


Ngaz muex guirguenz yaq hez muex yvlc svy tvrvhumc shuiuz, yuq muinz Yehowa lex, ngaz kuex tvjungx shec koq. Tsuingshiq kuex kvhiz juing phvnx maq tvmvrc kuq shuiuz; yuq muinz ngaz muex nauk tvhiz sungx vkueq. Tsuingshiq htauk nuex vkuilc vdaz tvhttuiuc vtueq tsuingshiq kuex tvsawc ric tvbunx gay shuiuz.


Yuq muinz, Tvphaungc Tvsuip Yehowa lex, mnoz rueq miqsaz kuex vlvmz rvkhauk maq taruiyx vshuiux; tsuingshiq thuinz vmungx htenc kuex mnoz rueq tuiuz yaq. Kvkhoc rvtueq m-yauk nuex ngvy khac kuex lekuq vphaungx ningkhvnc nuex, ngvy ralx hez kuex mnoz rueq murx tvgurc shuiux lvmz ngaz muex tvkhic koq.


Moba mungx nuiyc kvruex ghaq yungx htenc kuex bac kaz shex; kvruex wawc hengx hvlc yalxrox bix kuex vjumc gay rvhumc wuez tueq. Ngaz kuex hokhvmx, Tvphaungc Tvsuip Yehowa rvtauk, ngaz rueq jungx vshaungx.


Tsuingshiq nolaungx bix lotlaz kuex thvt gay shuinz! Tsuingshiq kuex thvt gay shuiuz! Babelon miqsaz htenc kuex vphoc rvhumc yaq! Tsuingshiq muex murx tvgurc vkhing httuiuc wvnc tueq!” ngoz tueq jungx tueq.


Tsuingshiq kuex vphiz vshuz raz tueq ghaqyungx lvmx htenc nuex thueyc wuez tuex.


Kvmaq lauk thuimx ngoc yaungc Yesu rueq, “Yohan saz Simon lex, mnoz rueq ngaz lungwawx vphux doc haz?” ngoz tueq wiz tueq. Peter kuex vthuinz bac vtueq, “Taungjix lex, mnoz rueq phvnx ruip saz tuiuz yaq, ngaz rueq mnoz lungwawx yaq lvmz kuex mnoz rueq tuiuz yaq!” ngoz tueq tvralc tueq. Yesu rueq, “Ngvy khelbuenx htenc kuex remx shuiuz.


Vruex ghaq htauk vyuq nuimshiq rullungx tvraungx lvmx kuex gvnngvmx thuinz tvlenc lauk juing hup vsvmx vhvlx phvnx htenc maq piauc liauc lvmx dvyx mvrc yaq. Nuimshiq kuex vthvy gay rvhumc raungnuiyq laung nuex nuimshiq shauk vgvnz kuex tvyungc ghaq vshuinx.


Yuq muinz kvruex miq htenc kuex khoy vtueq lvp ruiux thvy gay muex ngvmx saz vtsvy htenc ikhoc tsuingshiq rueq doc muinz tuiuz muq lvmx htenc kuex pukdungc thuinz maq yomnamc yauk shuimc shuimx yaq. Tsuingshiq kuex ngvmx saz vtsvy ikhoc tvbac gay rvhumc tuex.


Síguenos en:

Anuncios


Anuncios


¡Síguenos en WhatsApp! Síguenos