JEREMIA 1:9 - ASII LAKDAP Bible (BSI)

⁹ Kiijiishe Tatiwe raq ajaq ka tlü saq raüta inübii na shamsaq thanto. Raüta ngi ma, “Tailaq, Ngi raq ümniima jamlai bom chong chang wa ratlaq kra kuqtiikang.

Hawa Naga Bible 2001

⁹ Kvmaq Yehowa rueq piq yauk tenz ruiux, ngvy nuix nuex htuinc vtueq ngaz muex jungx phuex, “Tay shuiuz, mnoz rueq jungc juing kvjaz htenc kuex ngaz rueq kuq vphaungx.

JEREMIA 1:9 Referencias Cruzadas

ISAIA 49:2

Apaiq raq ibomtsi ka jasai ikha siraüraü tiijato. Apaiq jaqkhong maq ngi ka tiikhup wongkuq wanto. Apaiq raq ngi ka liqsinkii ikha tsaito, sihea kiimaq ahiip homa tiijeje thütlo.

ISAIA 50:4

Ajong Thaq Na Ajong Pinthum Tatiwe raq jamlai chong chang wa kra ngi ma shrin kuqto, kra ningkhan ngi raq ahun aniiti ma ningkun shoqkuqlot tiikang. Wranaptek apaiq raq itsan tiichhiitlo; apaiq raq ngi ma jamlai phan shrinkero wa kra tai miitu.

ISAIA 51:16

Ngi raq ramungtan thun ka tiikha chan kang, lata hiq tiichap wan chang jamkhü kra phongkang; Ngi raq Jerusalem ma ngutiikang, ‘Namshiq ka isenginok! Ngi raq namshiq ma itri raütu kuqkang she, kiimaq Ngi raq namshiq ka ijaq maq khupwongkuq tiikang.’”

ISAIA 59:21

Kiimaq ümchaü ka Ngi namshiq rai tongshong tiikang: Ngi raq namshiq ma iningkun tu kra kuq tiikang. Kiimaq iman phan ijüche ka namshiq miishe kuq tiikang. Arka pattup pat-sa namshiq miituli she miraq. Krai mren ümchaü ranaiq armiishe namshiq raq ibom taichang. Kiimaq namsetiim ma kiimaq namsaütiim ma shrinkuq ronglaq, tsangshiq raq Ngi raq akuqha aming thun ka pattup pat-sa lang raüta shong wan chang nguta.”

JEREMIA 15:19

Ara ngukangta Tatiwe raq akha treto, “Ümniika iwokhong na jang wa nong haüla, Ngi raq ümniika mitao wan nongha, kiimaq ümniika ijaqshise ma hali mija nong haü. Kiimaq bang bang bomtsi kra chongke la na, ümniiraq athii atsin bomtsi ka riikhaqli maq chiiriim laüta chongkuq haü jiila, ümniika ishammi ma hali mija nonghaü. Mungmaiqse ka ümnaq phana hali miwa nong. Ümniika tsangshiq pha na kairai ngomin rarai mak she.

JEREMIA 34:6

Kra ngulatiishe ngi raq ara tsütsa ka Hokhamwe Jedekia ma Jerusalem na chongkuq kikang,

JEREMIA 36:2

“Lakwaiq chang damkom ashi lam laq. Laüta Ngi raq ümniima Israil mung nai Juda mung kiimaq maiq mung thun wiita miitu bom ümchuwa chongkang ira wiita waiq thülaq. Ngi raq ümniima Josia ka hokham jatlaq akhing maq phaho lata, ümchaü akhing na saüli ibomtsi ümchuwa chongkuq kang kra kunli waiq thü laq.

EJEKIEL 3:10

Shiikeawe raq tlü wantlii akha nguto, “Maiqse lei, Ngi raq ümniima jamlai bom wa chongkuq tiikang kra wiita tsapkapkap tiitsang tailaq. Laüta ümtsan na shaqlaq.

DANIEL 10:10

Kiijiishe maiqjaq ashi raq idü na shamto. Raüta ngi ka ijaq nai ilakü maq tiichapto. Ngi ka atiikhai rokshrokli riikang.

DANIEL 10:16

Kiijiishe maiqwe ikha chaptlaq rase raq, ajaq ka tliisaq raüta, inübii na ajaq maq shamto. Ngi raq apaiq ma ngukang, “Shiilangwe, ara riishammakchhi ariiraq ngi ka ihü ihan wiitashe tiikhai kito. Ngi ka tiikhai mang she ngukang min, apaiq tiikhaikhai she tiikhai raitlo.

WEAWEA 23:5

Kiijiishe Tatiwe raq Balaam ma jamlai bom chong chang wa kra chongkuqto. Raüta apaiq ka Balak phana hali apaiq tsütsa kra tiichongkai tiijang hoto.

Matthew 10:19

Ümtiikiiwa namshiq ka rung na tiichap wantlaq, kra akhing na tsangshiq bom ka jamkhii tre chang wa miraq nguta tiima lanta akhiismin naq chapa rongkiq. Kra akhing na namshiq khum tiichhii miitu jamlai bom chong chang wa miraq, kriika Shiikeawe raq namshiq ma achong mirkuq.

Mark 7:33

Kiijiishe, Jesuq raq apaiq ka nokmaiqse phong wa, pongba na apaiq honhonse sheahoto. Raüta, ajaqshi maq, anibok na shamto. Kiimaq atho maq atili na nyat kuqto.

Luke 12:12

Kra akhing na, namshiq raq jamlai bom chong chang wa kriika, Asii Wenyi raq namshiq ma atlang mirkuq.”

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

TRI CHONGKE 18:16

“Namshiq ka Sinai Pum na thunglan ranaiq akhing na, namshiq rai Tatiwe ka mantut na riibom mak she nguraü jaq ahea tailot mai nguta namshiq tiipaiqnealan. Kiimaq apaiq asi walütu chhainyii kra namshiq ma tiichhikuq mak she ngu raüjaq ahea nguta tiipaiq nea lan. Jamkhano ngukla namshiq ka atsai mirhan sham nguta kai ahai riilan.

TRI CHONGKE 18:17

Kra ningkhan Tatiwe raq ngi ma nguto, ‘Tsangshiq raq athuk wiq tiipaiq neato.

TRI CHONGKE 18:18

Ngi raq tsangshiq phana ümnaq kiikha shammiwe ashi tsangshiq phong kiiwa tsea lata mitiikiha. Apaiq raq jamlai chongke chang wa kra ngi raq apaiq ma michongkuqha. Kiimaq Ngi raq apaiq ma aming kuqkang kra wiita apaiq raq mungmaiqse ma michongkuq.