JEREMIA 1:10 - ASII LAKDAP Bible (BSI)

¹⁰ Ümchaü ranaiq ngi raq ümniima maiq mung thun nai maiq mungtan thun sitlaq kra arangchong maq babaiq wan miitu kiimaq arunbaiq wan miitu, tiithenbaiq wan miitu kiimaq hokham ngachang wa tiidea baiq wan miitu, lata ahai wan miitu kiimaq acham ka chhi wan miitu arang kuq tiikang.”

Hawa Naga Bible 2001

¹⁰ Vphic gay nuiyc vhttak gay tvkoc muinz, tvbac gay nuiyc tvrulc gay tvkoc muinz, vguirc nuiyc vkhic vyuingc tvkoc muinz vrangx vpangx kuex majuiuc raungnuiyq ngaz rueq mnoz muex kuq vphaungx,” ngoz tueq jungx tueq.

JEREMIA 1:10 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

1 HOKHVMX 19:17

Juwa Hajjael raq tsatlap mak dea jutlaq, kriiti ka, Jehu jaq niishe mitsai. Kiimaq juwa Jehu raq tsat lap mak dea jutlaq, kriiti ka Elisha riishe mitsatbaiq.

THARC TVLUINGC 3:3

Atseabaiq akhing min tiihong je ami tiiheake akhing min tiihongje. Asiiqbaiq akhing min tiihongje; Ahaihun akhing min tiihongje.

JEREMIA 1:5

“Ngi raq ümniika ümniima tsitsü mikuqha shaq niiphü tsea kang. Kiimaq ümniika rawii michhi shaq niiphü maiq mung thun miitu shammi ma shong wan kang.”

JEREMIA 24:6

Ngi raq tsangshiq ka khebom shatmaq miriimha. Lata tsangshiq ka armung arjaq hali mitiijang sheaho nongha. Ngi raq tsangshiq ka atiijonglu midung hiqha. Ngi raq tsangshiq ka tiithenbaiq mang. Ngi raq tsangshiq ka pechong ikha achhi ajang mirha. Ngi raq tsangshiq ka phai baiq mang.

JEREMIA 25:13

Ngi raq Bebilon mung ka maiq mung ahinti thun khuthaq na chamchao mitiisaüha nguta Jeremia lümaq tiichongkuq wan kang thun thenjen wan chamchao kriimiishe mitiicham chao wanha. Kra thenjen wan chamchao thun kriika ara lakdap mong na waiqthüje she.

JEREMIA 31:28

Kiimaq Ngi raq tsapkapkap maq jamkho arang chong maq balata phaibaiq wan kang, lata babaiq wan kang, lata dobaiq wan kang, lata tiithenbaiq kang, lata tsangshiq ka runbaiq kang, ikiikhiisii hali, Ngi raq tsangshiq ka achhi ajang mirwan nongha, lata mitiichhanchhi wan nongha.

JEREMIA 31:40

Raütiishe maiq maa lapchang nai sinchiitsap tsuqbaiq kaichang hiq thung tan thun kra tlotli ham wan raüta, Kidron khamraise thaq na wawan raüta, wakram thun kra lomwan tlii wawan raüta, shedong nü na Kumrang Kilamchong na saüli miraq. Arthun arka Ngi ma asii hiqba miraq. Kra chela ka jai maq ümtiikiimin chaibaiq mak she miraq. Kiimaq tiithenbaiq mak she miraq.”

JEREMIA 36:2

“Lakwaiq chang damkom ashi lam laq. Laüta Ngi raq ümniima Israil mung nai Juda mung kiimaq maiq mung thun wiita miitu bom ümchuwa chongkang ira wiita waiq thülaq. Ngi raq ümniima Josia ka hokham jatlaq akhing maq phaho lata, ümchaü akhing na saüli ibomtsi ümchuwa chongkuq kang kra kunli waiq thü laq.

JEREMIA 44:27

Ngi raq namshiq ka shiiman kuq mang she. Namshiq ka rongboq ma tiija mang she. Shatmaq namshiq ka athen she mir wan han. Namshiq tarü kunli mijiim han. Redong na mijiim han. Riimakla thadong na mijiim han. Namshiq ka thumpak mijiim han shaq wiiwii, jiim wan ruq mirhan. Weshi min tiichong man maq mijiim han.

JEREMIA 45:4

“Shatmaq, Ngi, Tatiwe raq ijaq maq ahaihun wanha kra asiiq she riibaiq tiikang. Kiimaq Ngi raq jamlai wa chhijang wan kang kriika, arangchong maq aphai she riibaiq tiikang. Arka Ngi raq mangjong hiq raikhü tlotli wa miphaibaiq wanha.

EJEKIEL 21:19

“Maiqse lei, Bebilon mung hokhamwe ka lam anai maq anepja wi raüta mikilot. Kra samhea tiitsang rai thülaq. Kra lamnai kriika maiq mung ashi miisiili miphaho. Kra lamhum riipheahotlaq ba kiijaq miithii shonglaq.

EJEKIEL 23:36

Tatiwe raq ngi ma akha nguto, “Maiqse lei, ümniika Ohola nai Oholiba kha phoke miitu khekham she sha? Tsangnai ma maiqphai asi jaqsham wantaq kha ka nyanlaq.

EJEKIEL 32:18

“Maiqse lei, Ejip mungti mungmaiqse pahea maaho hoqlaq. Tsangshiq ka maiq mung thun pahea ningkun jongheanok rai wulum mung na tiikibaiqlaq.

EJEKIEL 36:36

Kiijiishetiq, atro na siti maiq mung thun raq, tsangshiq ka re jaq song lunwantaqti thun raq, Ngi, Tatiwe riidea atiithen baiqha chela thun kra haihun wan kang. Lata rumtang ma ajakaiwi wakram kra tsam man rü miishe tiija wan nong kang nguta misap wan. Arka Ngi, Tatiwe raq kiqkham kuq tiikang. Arka, Ngi raq miklo kuq wanha dongdii. Arka tengteng, Ngi raq miklo wan ha dongdii.”

EJEKIEL 43:3

Ara riisham makchhi arka man na Shiikeawe raq Jerusalem tiithenkai kitaq lak na kiimaq ngi raq Chebar Rai kii maq chhikang kiikha riito. Kiijiishe ngi ka hiq na bumki tlii riikang.

Hosea 6:5

Arningkhan Ngi raq ijaqshisetiim shammibi, namshiq phana tiikikang, isintsang saühotlo nguta tiichongkikang. Namshiq mishthen baiqha she nguta, atsi dada tsütsa tiichongki kang.

AMO LUIK DVP (AMOS) 3:7

Ajong Thaq Na Ajong Tatiwe raq, apaiq raq jamlai wa kiimung tlaq kra, ajaqshisetiim shammibi ma kongkhu chonghü maq, jaq ka sham wan mak phan.

AMO LUIK DVP (AMOS) 9:11

Tatiwe raq ngutlo, “Ranaiqshi akhing saü wan tlo, kra ranaiq ngi raq, Dawit Hokham mungtan jam ari arwa hiq na, phintsiiptsiip bumtlaq kra, mitiichap kuq wan nongha. Ngi raq khetuk thun wiita arüm arki, wiitashe mitiihea hai wan ha. Man na rathup rapha ji na jamkho ajong ala sitaq, kiikha mitii jonglu wan ha.

JEKERIA 1:6

Ngi raq namtitiim ma, i jaqshisetiim shammibi lümaq aming kuq kang. Kiimaq tiihaichhai lata hon atsii chongkuq wan kang. Shatmaq tsangshiq raq shipot baiqto. Kra ningkhan tsangshiq chamchao riihum raüta biiphaqto. Kra riihum raütiishetiq, tsangshiq raq maiqmii shut mra kra tiidii wanto. Raüta tsangshiq raq ngi Tati Ningkun Ajong Pinthumwe riidea, tsangshiq maiqmii ngarai khankhan, tsatson wankang ngutiishe tsangshiq raq tum wanto.”