JEREMIA 1:11 - ASII LAKDAP Bible (BSI)

¹¹ Tatiwe raq ngi ma waito, “Jeremia, ümniiraq jamlai wa chhitlaü?” Ngi raq trekang, “Almon chong kü ashi chhitiikang.”

Hawa Naga Bible 2001

¹¹ Yehowa rueq ngaz muex, “Yeremia, mnoz rueq yvmx lac khiz tonx?” ngoz tueq wiz phuex. Ngaz rueq, “Mvkhoc jungx noz khiz tauk,” ngoz tueq tvralc tauk.

JEREMIA 1:11 Referencias Cruzadas

RAPHA HIQWA LAK 30:37

Jakob raq waichatchat samkhü chong kü thun nai Almon pe kü thun kra kiimaq pechong ajaq nyeadang dang thun kra lamto. Raüta akhü wiijam ka akoq rii baiqto. Krai mren kra pekü thun kriika alü maq tlam raq raq she twaiq kito.

ISAIA 55:11

Kra niqririsii hali, ngi raq bomtiikang ibomtsi riimin— ngi raq jamlai miituwa bomkang kra jaqsham ka tiipoimak miraq; Ngi raq jamlai miituwa tiikikang kra kun kun miklo.

JEREMIA 24:3

Kiijiishe Tatiwe raq ngi ma, “Jeremia, ümniiraq jamlai wa chhitlaü?” nguta waito. Ngi raq trekang, “Phupmuptsi phong chhitiikang. Tsihea heati ka hea hea thep. Abibiti thun ka bihea, aphaq asea maimak.”

EJEKIEL 12:25

Ngi, Tatiwe raq tsangshiq ma michongkuqha. Kiimaq Ngi raq jamlai wa chongtiikang kra miku wan. Ümchaü ka tiijai mak she miraq. Namshiq ikiqkhii sruti rilung niili, Ngi raq kriithun jaqsham kra miklo wanha. Ngi raq namshiq ma jamlai jaq mishamha ngutiiwa honlam bom chongkang, kriika misham wanha dongdii. Arka ibomtsi,” nguta Tati Rakaü Hiqwe raq toqtan tiikang.

EJEKIEL 12:28

Arningkhan tsangshiq ma chonglaq, Ngi, Tati Rakaü Hiqwe raq akha chongtiikang: Alu ka tiihit mak she miraq. Ngi raq jamlai wa chongkang kra miku wan she. Arka, Ngi, Tati Rakaü Hiqwe raq toqtan tiikang!”

EJEKIEL 7:10

Israilnok ma athen wan rahiq ka saü wanto she. Riitsea riita kiimung riili she ma wanto. Shiikong tsii kriika ratsan ramong nyang niishe saü wanto.

AMO LUIK DVP (AMOS) 7:8

Kiijiishe Tatiwe raq ngi ma waito, “Amos ümniiraq jamlai wa chhitlaü?” Kiijiishe ngi raq, “Jam tru shin chang jinpo apaq raülo chhitiikang,” nguta trekang. Kiijiishe Tatiwe raq chongto. “Liilaq, ngi raq isenginok ka, jam tru shin chang jinpo raülo maq shinkang, Lata tsangshiq ka aru shea akong wa, nguta shin tiikang. Ngi raq tsangshiq ka atsea baiq chang nguta, thapthi kang, kriika klai mang she.

AMO LUIK DVP (AMOS) 8:2

Tatiwe raq, “Amos ümniiraq jamlai wa chhitlaü?” nguta waito. “Petsi raqhiishi ama tuptup chhitiikang,” nguta ngi raq trekang. Kiijiishe Tatiwe raq ngi ma chongto, “Isengi Israilnok thumwan akhing saüto she. Ngi raq tsangshiq ka tiijoq mang. Mitiichamchao ha dongdii. Tsantsii ka klai mang she.

JEKERIA 4:2

Apaiq raq, “Ümniiraq jamlai wa chhitlaü?” nguta waito. Kiijiishe, “Wakok tochang kham chaq maq alo chhitiikang,” nguta ngi raq trekang. “Kra kham thaq niika nüchhongpin waniikham thiichang asi riito. Wakham thaq na wakoksetiim miishi atiinyai chang, wajamtasetiim min miishi asi riito.

JEKERIA 5:2

Kiijiishe rase raq, ngi raq jamlai wa chhitiikang kra waito. Krai mren, ngi riimin, “Ra na ngamkhü lakdamkom tlii reaje rahai na pan rai wan tlo chhitiikang. Kra lakdam ka alu nü na mitar tiikaü, kiimaq ajong nü na mitar blai ri mitarthiq,” nguta trekang.

WEAWEA 17:8

Kriimaq napjai niishe, Mosheq ka Tombutiip mong na wato. Raüta apaiq raq liikiita Lewi phan rii Aron nyeakiiti kriika aküsetiim chamto. Raüta apü setiim ka dongto. Raüta Almon petsi posetiim ka aman she riito!