JEREMIA 1:8 - ASII LAKDAP Bible (BSI)

⁸ Ümniika tsangshiq ma naqhaikiq. Ngi ka ümnaq tiiwongke ümniirai nongshnong misiha. Ngi Tatiwe raq ngutiikang!”

Hawa Naga Bible 2001

⁸ Tsuingshiq muex nauk hiz kaz, ngaz rueq mnoz muex tvkhup wungx kuy tvkoc mnoz rulc vdvmz httax taungx. Ngaz, Yehowa kvjaz rvtueq!” ngoz tueq jungx tueq.

JEREMIA 1:8 Referencias Cruzadas

DUNGWVNC 3:12

Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”

ISAIA 43:2

Ümniiraq kham tsaühea raptlaü na, Ngi ümniirai adam mirha; Ümtinkhan chamchaoli riihum haü min; ümniika tiingathu tiinga mak miraq. Ümniika wa mong maq khumtlaü na, ümniika wa raq khiimak miraq. Maitai henghea saütlaq kriiraq, ümniika tiimitsi mak miraq.

ISAIA 51:12

Tatiwe raq ngutlo, “Ngi ka ümniima ningkun shoqketiwe. Ümniika han-ngam hiqda maiqse jaram haiwa, apaiq ka sangphii ikha aloseli misi riimaksha?

ISAIA 51:7

“Ibom tai ronglaq, namshiq riikhaqli jaqsham saptlanti raq, jurwa ngi raq ashrinkuqha tri ka tsan na shaqtlanti raq. Naqhai rongkiq maiq raq namshiq slailiitlaq raüta shummiitlaq na;

JEREMIA 1:17

Jeremia lei, tiijelaq; kilaq laüta ngi raq ümniima jamlai aming wa kuqkang thun kra wiita tsangshiq ma chongkuq kiqkiq. Ümniika ümchaü tsangshiq ma naqhaikiq. Riimakla, ngi raq ümniika tsangshiq rai she riihumtlaü na ngi raq ümhai ka tiisihea she mitiisiha.

JEREMIA 20:11

Shatmaq, Tatiwe, ümniika ngi rai adam na, ahong ala, kiimaq ningkun ajong, krai mren, ngi tiichamchaoti ka adea miraq. Tsangshiq raq pattup pat-sa miitu jea mingaü, jamkhano ngukla tsangshiq raq tangmak. Tsangshiq raq jea ngaütlaq kra ümtiikiimin laq mak she miraq.

JEREMIA 30:11

Ngi ka namshiq phana mikiha lata namshiq ka mitiichhiiha. Ngi raq namshiq nyinbaiq kang mung thun kra mitiithen baiqha, shatmaq Ngi raq namshiq ka tiithenbaiq mang. Ngi raq namshiq ma mo tiihohü maq tiihang mang; shatmaq ümtiikiiwa Ngi raq namshiq ma mo mitiihokang, Ngi raq riikhaqli tri maq shinlata mo ka mitiihoha. Arka Ngi, Tatiwe raq toqtan tiikang.”

JEREMIA 39:11

Shatmaq Hokhamwe Nebukadnejar raq phentu ajongwe Nebujaradan ma aming ka akha kuqto:

JEREMIA 42:11

Namshiq ka Bebilon mung hokhamwe ma naqhai rongkiq she. Ngi ka namshiq rai asi. Krai mren apaiq ningkun jaqkhon wa ngi raq namshiq ka mitiichhii kuqha.

DANIEL 3:17

Riita, ümchaü min, naishiq raq shomnoq tiikai Shiikeawe raq, naishiq ka ara watum mong wa michhiilot, kiimaq ümjaq khon mong wa mitiichhii lot jiika, apaiq raq mitiichhiikuq.

DANIEL 3:25

“Riita ikhiijiika, ngi raq maiq weblai jongri watum mong na akhumsea chhitiikang ahata?” nguta apaiq raq waito. “Tsangshiq ka khahü. Kiimaq tsangshiq khum na wakhiim tsi min ahü. Kiimaq weblai ngojawe ka rase ngochang chang ikha tiichhitlo.”

Matthew 10:26

“Ara chongtiikang arkha maq, namshiq ka maiqse ma naqhaikiq. Ümchaü jamlai wa apang raüta thüshan wantlaq, kriika alin she mirbaiq. Kiimaq ümchaü ümchu wa apaü ashan raüta thü wantlaq, kra thun ka wiita ra na tiiphong raü rashra she mitiichhi kuq.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Acts 18:10

Ngi asi. Ngi ka ümniirai nong shnong. Jurmin ümdü na jaqkaiq maq sham lot mak miraq. Kiimaq ara chela na i sengi maiq pahea asi,” nguta Paul ma tsii ka chongkuqto.

Acts 26:17

Ngi raq ümniika Israilnok mungmaiqse ma kiimaq Pongnok phan mungmaiqse phana i bomtsi ara chongke wa miitu she shong tiikang. Tsangshiq raq ümniika tseata wan miitu, thiikho ümchuwa thu wan tlaq, kra mong wa tiikhup wongkuq wan shat mirkang.

Acts 4:13

Ngongwebi thun welabi raq, Petar nai Johan ka thungtri saptsin wanti, tsüwe tsitwe min riimak, shatmaq ahai asong jam min ahü maq, tsangshiq man na, bom chongke kra chhi raüta, amaorai li she riito. Kra taksma bomtre kra chhi raütiishe, tsangshiq raq tsangnai ka Jesuq rai kongshi maq siwan damti kha maq, kiitin khan asung saptsin wantlo nguta bom ka tak wanto.

Acts 4:29

Riita, ümchaü min, Tati Shiikeawe lei, tsangshiq raq naishiq ka atsea ata ma tankhan raüta, tiiphiip jiip tlaq ara ümniiraq liikuq laq. Ümniiraq naishiq, ümdisetiim arma, ümbomtsi ka khangriri hea maq, kiimaq haisong mai maq chongke miitu, naishiq ma ningkun kuqlaq.

Ephesians 6:20

Ngi ka ara Tsütsa Ahea ara chongketi kiimwe. Ümchaü phaqtek mong na sitiikang armin, Tsütsa Ahea chongke kha na sitiikang. Ngi raq Tsütsa Ahea kra haisong mang maq, achaq awaq maq chongke miitu, ngi ma achuli jaükuq rong laq.

TRI CHONGKE 31:6

Namshiq ka jaq khon tiipha tiipha lanta sironglaq. Kiimaq kamto maq sironglaq. Tsangshiq ma akhiismin naqhai rongkiq. Nam Shiikeawe, Tatiwe ka apaiq pumsii maq namshiq rai nongshnong miraq. Apaiq raq namshiq ka tiishaü mak miraq. Kiimaq miimbaiq mak miraq.”

TRI CHONGKE 31:8

Tatiwe apaiq raq ümniika mishea wan. Kiimaq apaiq ka ümniirai miraq. Apaiq raq ümniika tiishaü mak miraq. Kiimaq miim baiq mak miraq. Kra ningkhan ümtsaiji naq trankiq. Kiimaq naqhaikiq.”

JOSHUA 1:5

Joshua lei, ümrilung pattup ümniika chiq nai re riimin khatlot mak miraq. Ngi ka Mosheq rai jamkho adam siwan kang, kiikha ümniirai min adam maq pong dam lata misi kang. Ngi ka ümniirai riinap shat miili misi kang. Ngi raq ümniika ümtiikiimin tiishaü mang.

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”