JEREMIA 1:9 - Hawa Naga Bible 2001

⁹ Kvmaq Yehowa rueq piq yauk tenz ruiux, ngvy nuix nuex htuinc vtueq ngaz muex jungx phuex, “Tay shuiuz, mnoz rueq jungc juing kvjaz htenc kuex ngaz rueq kuq vphaungx.

ASII LAKDAP Bible (BSI)

⁹ Kiijiishe Tatiwe raq ajaq ka tlü saq raüta inübii na shamsaq thanto. Raüta ngi ma, “Tailaq, Ngi raq ümniima jamlai bom chong chang wa ratlaq kra kuqtiikang.

JEREMIA 1:9 Referencias Cruzadas

ISAIA 49:2

Vpiq rueq ngvy nuix kuex yaung httez ikhoc tvyaungc phuex. Vpiq yauk maq ngaz kuex tvkhup wungx kuq phuex. Vpiq rueq ngaz kuex laqsvnz ikhoc tvhungx vtueq, httuiyq rek tvyoalc taq phuex.

ISAIA 50:4

Johvlc Yehowa rueq yvmx khoc jungc juing lac kuex ngaz muex tvluing kuq yaq, kvkaq ngaz rueq vhunc vnyec jix muex hunglaungc kuq lot tauk Wvraungx nvp tek vpiq rueq ngaz muex yvmx khoc tvluingc kuy juing lac lvmz kuex tay wvnc muex tvraungc raq yaq.

ISAIA 51:16

Ngaz rueq raungx mungtan kuex tvparc vtueq ghaq kuex vjungx ruingx tv-phaungx ruiux; Ngaz rueq Yerusalem muex ngoc, ‘Mnoz kuex ngvy miq! Ngaz rueq mnoz muex ngvy bomjungc kuex kuq vphaungx, ngvy yauk maq mnoz kuex tvwungx vphaungx,’” ngoz tueq.

ISAIA 59:21

Kvmaq nuimshiq rulc bomkhvrc tvhungx shaungx: ngaz rueq nuimshiq muex ngvy luimc vkawc nuiyc ngaz rueq tvluingc kuy lvmx htenc kuex kuq shec phaungx shex, majuiuc vmaq phaungc vtueq nuimshiq nuiyc nuimshiq sahez nuiyc nuimshiq suiuz vsaz htenc rueq mkaq muinz phvnx wuez shuinx,” ngoz tueq.

JEREMIA 15:19

Vruex ningkhvnc nuex Yehowa rueq tvralc tueq, “Mkhoc shoc maq mnoz yek ruiux, ngaz rueq tvyez shvlx wvnc phaungx, mnoz kuex ngvy nvrc waz muex tvyaungc yek phaungx. Mkhoc shoc maq mnoz rueq vjux vguez bomjungc kuex kvjak muq maq, vjux vhttax kvjaz dvyx kvjak ruiux yuq, mnoz kuex ngvy shvmmax muex yaungx yek tuiux. Miq htenc kuex mnoz kox nuex yek tuex, mnoz tsuingshiq kox nuex kay rac muq.

JEREMIA 34:6

Kvruex yimaq ngaz rueq Yerusalem wawc Hokhvmx Zedekia muex vruex bomjungc jungx kuq yaq nuex

JEREMIA 36:2

“Luik tul vshiz kuex lvmz vtueq Israel nuiyc Yuda kvmaq miqphvnx htenc lotlaz nuex tvkop vtueq ngaz rueq jungx phaungx yauk noalc phvnx ruip lvmz kuex wuiyq taq shuiuz. Josia hokhvmx yaungx tueq nuex ngaz rueq mnoz rulc vphaungc shauk shauk rvbomc phaungx maq, majuiuc nuex httuiuc laz ngaz rueq jungx vphaungx htenc kuex wuiyq taq shuiuz.

EJEKIEL 3:10

Tishox rueq tvhttoarc vtueq, “Vthueyc rvyaq miq lex, ngaz rueq mnoz muex jungx phaungx phvnx ruip saz kuex thuinz maq vhvlx waq rvwvl shuiuz.

DANIEL 10:10

Kvkaq miq vshiz rueq yauk kox maq ngaz kuex shuimx phuex tueq ngvy yauk nuiyc laungkuix maq kvhtuinc vtueq tvtenc tauk; ngaz kuex kvruex vkhing nuex httuiuc laz kvkhuirc tauk.

DANIEL 10:16

Kvkaq miqsaz shvmx ikhoc raungkamx waz rueq piq yauk kuex tvlanc vtueq ngvy nuix bar nuex htuinc phuex. Ngaz rueq piq muex, “Jiyungx waz lex, vruex romzyac rueq ngaz kuex pinhtumc hungc tvnulx gay phuex ningkhvnc nuex kvkhuirc vtaungx kuex tvthauk lot mauk.

WEAWEA 23:5

Yehowa rueq Balak muex tvlvy jungc kay juing vpiq bomjungc kuex jungc kuy lot yix, Balam kuex Balak kox nuex tvyek yek tueq.

Matthew 10:19

Tsuingshiq rueq nuimhez kuex lekuq gay kv-phuinx, kvkaq nuimhez rueq yvmx khoc jungc juing lac ngoz tueq kungkhux nauk rvwvl kaz, nuimhez rueq jungc juing kvjaz kuex kvkaq jix nuimhez muex tvsvmz kuq shuex.

Mark 7:33

Kvkhoc rvtueq Yesu rueq nuk miqsaz phungc wawc piq dvyx vkuiyq baung nuex tvdung shvlx wvnc vtueq, kvruex waz nac nuex vpiq yaukshix maq shuiuq vtueq, htoz maq htoz ruiux piq tvlix muinz yaukshix maq htuinc tueq.

Luke 12:12

Yvmx khoc lac ngoz ruiux lec Vsawc Siyac rueq kvruex vkhing nuex nuimshiq rueq yvmx khoc jungc juing lac kuex tvluing kuq kv-phuinx.”

Luke 21:15

Yvmx khoc lac ngoz ruiux lec nuimshiq ralx hez rueq khawx lot muq laz juing nuimshiq muex kvjaz hungc vlaungc nuiyc taksux tharc kuex ngaz rueq kuq phaungx.

TRI CHONGKE 18:16

“Nuimshiq Sinai Kanx nuex rvtuimx httuiuc kaz tuit raungnuiyq ikaq Yehowa rueq jungx yaq thuic bomc kuex yix maq laukshiz tay miq shex mruez kueq, vpiq httax yaq wvrluic tuz muinz yix maq laukshiz khiz miq shex mruez kueq, ngoz tueq kvmenc jenc jungx wuez tuit, yvmx khoc lac ngoz ruiux lec nuimshiq vthueyc muex hiz vtueq kvkhoc jungx tuit.

TRI CHONGKE 18:17

Kvkhoc rvtueq Yehowa rueq ngaz muex ngoc, ‘Nuimshiq rueq jungx tvtay tuit lvmz kuex aungx yaq.

TRI CHONGKE 18:18

Ngaz rueq nuimshiq phvnx vmaq kvwawc mnoz kvkhoc shvmmax washiz tvkaz shaungx; piq muex ngaz rueq nvr shaungx htenc kuex miqsaz muex piq rueq jungphvnx kuq shuex.