James 4:4 - ASII LAKDAP Bible (BSI)

⁴ Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

Hawa Naga Bible 2001

⁴ Tvmtuing vguez miqsaz lex! Mungkawx vrulc phunox rvyaungc kuex Tishox rulc ralx muex yaungx yaq lvmx nuimshiq rueq tuiuz muit haz? Mungkawx rulc phunox rvyaungc roc jix waz ukhaq yuq muinz miqmac shauk gvnz kuex Tishox muex ralx tvyaungc vshuinx.

Muklom

⁴ Nim jashit miqtang, mingkang jamoq thanokwa sha Shkewa miiksuk ta nim aa sam min i? Eshirangma chamtey mingkang jamoq thanokwa ma nuk ajo, ning aa ning ni ning sha Shkewa miiksuk tey ma hun aa.

James 4:4 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

Tvtsvmc 21:8

Hokhamwe raq ajaqtinok wiita milap wan; apaiq raq apaiq ngengti ka wiita loweatek milap wan.

Tvtsvmc 50:18

Ümniika ahukwe achhichhi krai kongshi jawan laü kiimaq ümniika mephe nyungre rai kiichamti rai kongshi jawan laü.

Tvtsvmc 73:27

Jurwa ümnaq shishebaiqtlaqti thun ka tengteng athum mirki; ümnaq tsapkap makti thun ka ümniiraq mitiithenbaiqhaü.

ISAIA 57:3

Ana warong ra, namshiq ngarai maiqsetiim, namshiq kha ka tiipho wa rongkiq! Namshiq ka maiqwuq maiqlongti nai achak sishat taü maq maiqchak rai sra kaitibi nai mephe nyungre ikhli sitlan.

JEREMIA 2:2

ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,

JEREMIA 9:2

Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,

EJEKIEL 16:32

Ümniika maiq nyung ashi raq awese rai riilung riiwii raüta siwan rii na, maiq ahinti wanwe rai sethoq jaki tlaq ikha sitlaü.

Hosea 3:1

Tatiwe raq ngi ma, “Ümniika kinong laq. Laüta, ümchak sethoq nyung phana sikikiq. Laüta apaiq shutphit heali jiimin lungwii nong laq. Arka Israilnok raq Ngi miimthü raüta, sumla phra shomnoq hotaq. Raüta honglu kuq wantlaq. Li jiimin, Ngi raq tsangshiq ka lungwii nong tiikang kiikhiisii lungwiilaq,” nguta thaüto.

Matthew 12:39

Shatmaq, kra tai raüta Jesuq raq, “Namshiq ümchaü pat wa maiq arka abi pinthum. Kiimaq ra weahü maiq!” nguta tsangshiq bom ka treto. “Namshiq raq ngi nangnga Shiikeawe ka ngi rai asi dea nguta amao chang jaqsham maq tiichhike wan ra nguta khettot wan tlan nya? Shamkuq mang! Ngi riika amao chang jaqsham maq tiichhikuq mang! Namshiq ma amao chang jaqsham ashi tiichhike chang sitlaq kriika, shammiwe Jona rilung na lea wanta kriili she mitiichhi kuq.

Matthew 16:4

Ümchaü pat wa maiq arka abi pinthum. Shiikeawe sap mak! Namshiq raq ngi nangnga amao chang jaqsham tiichhike ra nguta maitai tlan nya? Tiichhi mang! Namshiq ma tiichhike chang amao chang jaqsham kriika shammi we Jona rilung na lea wantaq jaqsham kriili she mitiichhi kuq.” Kra ngo jai, tsangshiq ka kiijaq chap raqraq li baiqthü raüta, apaiq ka ahin niishe wawanto.

Matthew 6:24

“Jurmin tijong wenai rümlot mak. Apaiq raq weshi ka alungwii miraq. Kiimaq weshi ka ashummii miraq. Apaiq raq weshi ka ashreng miraq. Kiimaq weshi ka asaisi miraq. Ümniiraq Shiikeawe nai tsiiq tum ka adam na shomnoq wan lot maü.”

Luke 19:27

Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”

John 15:19

Namshiq ka phiijawa rii sitlan ngu raü ka, tsangshiq raq namshiq ka tsangshiq kongtisii nguta milungwii. Shatmaq, namshiq ka mangjong hiq wa, ngi rii she nguta, ngi raq tsea tsiiq wan kang. Namshiq ka mangjong hiq rii riimak she. Arkha miitiina, ümchaü mangjong maiqse raq namshiq ngeng tlaq.

John 17:14

Ngi raq tsangshiq ma ümbomtsi ka chongkuq kang she. Kriikha maq, mangjong maiqse raq, tsangshiq ka ngeng tlo. Ara jamkhano ngukla, ngi ka mangjong hiq rii riimang. Krai mren, tsangshiq kiimin mangjong hiq rii riimak.

John 7:7

Phiijawa raq namshiq shulii chang lamlu ka ahü. Shatmaq, ngi ka tsangshiq raq shulii tlo. Arka ngi raq tsangshiq ngarai lamphan ka abi nguta chongkuq tiikang kriikha maq ngeng tlo.

Romans 5:10

Akhing ashi na, nashiq ka Shiikeawe ma wesang ralii kong siwan kai. Shatmaq, apaiq raq nashiq ka Ase tsaitaq kra lümaq, ümchaü sanha apaiq khi alubi miishe tiija wanto. Riita, ikhiijiila, ümchaü sanha, nashiq khum na Khristo rilung sitlaq kriiraq tiichhii kuq wan lili raüta, nashiq ka ümtinkhan ajong alu ma tiija wan chang she wa sitla riila nya!

Romans 8:7

Arkha na tiina, juwa maiqmii han-ngam tiima tsantsii jaqkhon mong na sitlaq, kriiti ka Shiikeawe ma wesang. Ara jamkhano chongtiikang ngukla, apaiq ka Shiikeawe thungtri wokhong na silot mak. Kiimaq apaiq riika, ümkhiiriita jiimin, Shiikeawe tri aming ka lang lotmak.

1 Corinthians 1:20

Ikhiijiika, taksmabi thii ka ümbano? Riimakla phaqchi maiqsebi thii ka ümbano? Riimakla ara mangjong hiq wa tsitwe thii ka ümbano? Shiikeawe raq mangjong hiq wa taksmabi ka khanhü ma tiija baiqto!

1 Corinthians 1:21

Jamkhano ngukla, Shiikeawe nyan phaqchi maq maiqse raq apaiq ka tsangshiq maiqmii phaqchi ümkhiiriitii min sap lot mak tiijabaiqto! Kra rii na, Shiikeawe raq naishiq raq trahotiikai “angi” tsütsa nguta shipoqtlaq kra lümaq kam wantlaqti ka tiichhiike miitu thapthi wanto.

Galatians 1:10

Riita, ara bomrai tiikang arka, namshiq raq tiima ma, ngi ka nokwe raq ngi rai mipong dam laq ngutiisha bomrai tiikang? Riimak! ümtiikiimin riimak! Ngi miika Shiikeawe raq thukto ngu raüla hongjiiq! Riita, ngi ka ümchaü min, nokwe man na, i mangjong sha rit tiikang? Ngi ka i mangjong ritti we ngu raü ka, Jesuq Khristo jaqshise ma jawan mang mirha wa.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.