James 4:4 - Hawa Naga Bible 2001

⁴ Tvmtuing vguez miqsaz lex! Mungkawx vrulc phunox rvyaungc kuex Tishox rulc ralx muex yaungx yaq lvmx nuimshiq rueq tuiuz muit haz? Mungkawx rulc phunox rvyaungc roc jix waz ukhaq yuq muinz miqmac shauk gvnz kuex Tishox muex ralx tvyaungc vshuinx.

ASII LAKDAP Bible (BSI)

⁴ Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

Muklom

⁴ Nim jashit miqtang, mingkang jamoq thanokwa sha Shkewa miiksuk ta nim aa sam min i? Eshirangma chamtey mingkang jamoq thanokwa ma nuk ajo, ning aa ning ni ning sha Shkewa miiksuk tey ma hun aa.

James 4:4 Referencias Cruzadas

RAPHA HIQWA LAK 3:15

Mnoz nuiyc yalxjuik nyuiuz kuex vshiz maq vshiz rvshuiuc pac wuez tuinx; mphvnx nuiyc yalxjuik nyuiuz kvruex phvnx kuex ralx muex rvyaungc tuinx. Miq rueq mkhux poz kvyuq tvbunx nuiuz gay kv-phux, mnoz rueq muinz piq yaz htuimx nuex kauk shuiux,” ngoz tueq jungx kuq tueq.

Tvtsvmc 21:8

Hokhvmx waz rueq piq ralx lotlaz kuex lvp gay shuex; piq muex shuiuc pac jix htenc muinz lvp gay shuex.

Tvtsvmc 50:18

Mnoz rvhumc vtuiux vguiuq ruip rawx rulc kungjix rvyaungc ruiux, miqjuik senc jix htenc rulc guilc ngaungc vtuiux.

Tvtsvmc 73:27

Mnoz tuip gay jix htenc kuex vsuingc suing vhtumx rvwvnc tuex; mnoz muex tvmtuing httax muq jix htenc kuex mnoz rueq tvbac gay shuiux.

ISAIA 57:3

Mvrax yaq jix miq lex, vphoc rvhumc tvkoc vyuq kaz luit! Nuimshiq kuex phusuc jix, miq juik muex yaq jix, mephex yaungc jix hez htauk nuex muinz bac hvlc rvtuit.

JEREMIA 2:2

Yerusalem wawc miq lotlaz muex vruex bomjungc kuex tvtay shuiuz. “Mnoz kuex nosaz jauz mkhoc lac tvmtuing httax wvnc tonx kuex ngaz rueq rvwvl lvp tauk, naungshiq vphaungc rvlvmc tiq nuex mnoz rueq ngaz mtanc lac lungwawx phux kvmuinz; kumtsvy tvnx wvlex muinz htuiz rawk yaq ghaq maq muinz mnoz kuex ngvy yix nuex phvnx wvnc phux.

JEREMIA 9:2

Ngvy miqsaz htenc kuex taq gay shec ruiux kumtsvy tvnx nuex httaz kay tvkoc ghaq baung shiz ngaz rueq roc vshaungx. Tsuingshiq lotlaz kuex tvmtuing vguez, rot shuik kaq shauk miq daungx rvtueq.

EJEKIEL 16:32

Mnoz kuex miqmac taungx waz muex lungwawc tvraung, juiuc vwuinz rulc rvjuik vtueq miqwaz senc jix nyuiuz ikhoc yaungx vtuiux.

Hosea 3:1

Yehowa rueq ngaz muex, “Washiz rulc rvlungwawc vtueq miqwaz senc lvy jix nyuiuz kox nuex kaz yek vtueq lungwawc thuinz kuex tvkhic shuiuz. Israel miqsaz htenc kuex vganc tishox htenc kox nuex kvroz wvnc vtueq yac yuimx htenc muex pulx thuey shanx shomc kuq wuez yaq, yuq muinz ngaz rueq Israel miqsaz kuex lungwawx hvt dvyx doc ikhoc mnoz rueq muinz piq kuex lungwawx shuiuz,” ngoz tueq jungx phuex.

Matthew 12:39

Yesu rueq tvralc yaq lvmx maq tsuingshiq muex jungx tueq kuex, “Honc vbac nuiyc vyaq miqsaz rueq vwangc juing romzyac thuiyx yaq; shvmmax Yona vwangc juing romzyac maq lvy vtueq, vwangc juing yvmx phvnx muinz tsuingshiq muex tvkhic shuex rvmuq.

Matthew 16:4

Majuiuc pat wawc miq kuex mtanc honc bac vtueq tishox vguez miq muex yaungx yaq ix! Nuimshiq rueq ngvy kox wawc vwangc juing vshiz thoz vphuinx ix? Yuq muinz Yona lvmx vwangc juing maq lvy vtueq vwangc juing vganc kuex nuimshiq muex ngaz rueq tvkhic mauk,” ngoz tueq tvralc tueq. Kvruex yimaq Yesu kuex tsuingshiq kox kvwawc rv-phvlc woz wvnc tueq.

Matthew 6:24

“Ukhaq muinz jiyungx wanueyc bomc nvrc jix muex yaungx lot muq; piq rueq washiz kuex shuiuc vtueq washiz kuex lungwawx shuex; washiz nuex tvmtuing httax ruiux, vganc washiz muex wvlc guez rvshuex. Nuimshiq rueq Tishox muex muinz mungkawx tsak vnyvmx muex muinz vdvmz nuex shuimx lvp muit.

Luke 19:27

Kvmaq raz tueq, majuiuc tsuingshiq htauk nuex ngaz hokhvmx yaungx vtueq guimz lawc kuex roc muq jix ralx htenc kuex gvl wvnc vtueq, ngvy htumc vyuq thvt gay shuinz,’ ngoz tueq nvr tueq!”

John 15:19

Nuimshiq kuex mungkawx vrulc seng yaq ngoz ruiux yuq, mungkawx miqsaz htenc rueq miqmac ngvmx nvp jix ikhoc nuimshiq kuex lungwawx khvmz kv-phuinx. Yuq muinz ngaz rueq nuimshiq kuex mungkawx vwawc thvl wvnc phaungx ningkhvnc nuex vruex mungkawx vrulc seng muq shex; kvkhoc rvtueq mungkawx miqsaz rueq nuimshiq kuex shuiuc pac yaq.

John 17:14

Mbomjungc kuex ngaz rueq tsuingshiq muex kuq shec vshaungx, ngaz kuex mungkawx vwawc rvmauk rulc rv-ngvlc, vruex hez muinz mungkawx muex seng muq ningkhvnc nuex mungkawx miqsaz rueq tsuingshiq kuex shuiuc yaq.

John 7:7

Mungkawx rueq nuimshiq kuex shuiuc pac lot muq; ngaz muex dvyx shuiuc pac yaq. Kvkhoc shuiuc pac yaq lvmx kuex tsuingshiq mvrax ngaz rueq tvkhic kuy ningkhvnc nuex rvtueq.

Romans 5:10

Naungshiq kuex Tishox ralx muex yaungx vtix, yuq muinz vpiq Saz kuex thueyc khvmc kuy ningkhvnc nuex naungshiq kuex vpiq kungjix muex tvyaungc kuq phuex. Majuiuc naungshiq kuex Tishox rulc kungjix shex yaungx wvnc tiq ningkhvnc nuex, Christu rullungx maq naungshiq palc daungc wvnc pinhtumc rvhumc wvnc tiq!

Romans 8:7

Kvkhoc rvtueq miq vshiz kuex miqsaz gvnngvmx thuinz rueq guimz gay ruiux yuq, Tishox muex phvnx muq ningkhvnc nuex piq kuex Tishox ralx muex yaungx wvnc tueq; vsuing piq rueq tay phvnx lot muq.

1 Corinthians 1:20

Kvkhoc rvtueq wvtharc jix waz kuex m-yuq lac httax yaq nguinx? Luik wuiyq jix waz kuex m-yuq lac? Vruex mungkawx vyuq bomjungc thenc hvlc jix htenc kuex yvmx khoc lac yaungx vtvnx? Tishox rueq mungkawx taksux tharc kuex vngauk vngaz khuec guez muex tvyaungc gay tueq!

1 Corinthians 1:21

Yvmx khoc lac ngoz ruiux lec miqsaz rueq miqmac taksux tharc maq Tishox kuex tuiuz lot muq tvkoc vpiq taksux maq tvhungx shec tueq, khuec guez tvrac rvtueq ngoz tueq miq rueq tvmaung yaq, naungshiq rueq jungphvnx vshix bomjungc kvmaq Tishox rueq vpiq muex kvmluimx jix htenc kuex palc daungc wvnc tvkoc htvp htaz wvnc tueq.

Galatians 1:10

Kvkhoc jungx vshaungx kuex ngaz muex miq rueq rvtueq ngoz tueq ngoc kuy kuex lvp tvkoc haz hunglaungx vtaungx? Kvkhoc kuex rvmuq! Ngaz rueq raungc raq vshaungx lvmx kuex Tishox rueq rungx raz raungc raq yaq lvmx dvyx rvtueq! Ngaz kuex miq htumc nuex muingc dung laz haz hunglaungx vtaungx? Miqsaz rueq roc yaq lvmz kuex ngaz rueq thuiyx vshaungx ngoz ruiux kuex, Christu nvrc waz muex yaungx lot mauk.

James 1:27

Vwaz Tishox khaungkac nuex vsawc nuiyc rvkhauk laz nawk palx htungx ngoz yaq kuex, kuilc daz rvhumc yaq nojix saz tamx nuiyc mvntix nyuiuz tamx muex lawc mawc kuq vtueq, miqmac shauk gvnz muinz, mungkawx vshuy vshac muinz koayc gay lvmx rvtueq.