James 4:4 - Muklom

⁴ Nim jashit miqtang, mingkang jamoq thanokwa sha Shkewa miiksuk ta nim aa sam min i? Eshirangma chamtey mingkang jamoq thanokwa ma nuk ajo, ning aa ning ni ning sha Shkewa miiksuk tey ma hun aa.

ASII LAKDAP Bible (BSI)

⁴ Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

Hawa Naga Bible 2001

⁴ Tvmtuing vguez miqsaz lex! Mungkawx vrulc phunox rvyaungc kuex Tishox rulc ralx muex yaungx yaq lvmx nuimshiq rueq tuiuz muit haz? Mungkawx rulc phunox rvyaungc roc jix waz ukhaq yuq muinz miqmac shauk gvnz kuex Tishox muex ralx tvyaungc vshuinx.

James 4:4 Referencias Cruzadas

Matthew 12:39

Jesu aa thawel batta, “Thaneynap miqtang sha rapney jashit nia Shkewa sammoq tey! Nim aa iching kowang patja siin ma ta inn i? Nim aa rangsamal Jonah patja ching sha hun jin siin inn.

Matthew 16:4

Thaney nap miqtang sha rapney jashit etho sathuk miqtang! Nim aa patja ching chu inn i? Kap min ang nin! Jonah patja sha shingchak eq nim aa adak patja kap min ang nin.” Etho Jesu aa ning tha shingchak eq qhing chuwang ta.

Matthew 6:24

“Utang eq tho tangtey ani qhawa ma jin ang moq angna. Piq aa ashey sha miiksuk eq na etho washey shima tinmat eq na; etha ang moq o ang ajo, piq ashey jaktáng o jaqhal eq tong na etho washey tha shingchak eq na. Nim sha Shkewa ni likti ngin sang thani qha ma jin ang min ang nin.”

Luke 19:27

Etho, iralwa tang chamtan rong ang aa barey nga lungwang angma ning nukmoq angta, ning thaji shi ináng irel o thoksol eq tatik inn.’”

John 15:19

Nim mingkang miqtang ang tin jo mingkang eq nim ma tinmat shing wang ta chammatakoi nim sha mingkang ráng, etharin nga nim raa mingkang wang tal taphang etho nim mingkang miqtang ang min sey. Eshirangma mingkang eq nim raa miiksuk phin.

John 17:14

Nga ba raaq ning ma bat táng, etho mingkang eq ning sha miiksuk ta, chammatakoi nga mingkang ràng ang mong, ethimal hun ning tho mingkang ràng ang moq.

John 7:7

Mingkang miqtang eq nim raa jin miiksuk pha min, etharin ning aa nga miiksuk phang chammatakoi ning jaksom aja ta nga miikkhi kot ang.

Romans 5:10

Hiqtang Shkewa ralwa ang rangham tho umiqwasa tik tungkang o hiqtang sha piq jamoq karok kara ang ti jo, kara sey ang jio Umiqwasa rollung tungkang o hiqtang chamlang ma wey lun mi ang ni?

Romans 8:7

Hanngam o thung atal kottey sha Shkewa ralwa chammatakoi ning aa Shkewa thong tat moq etho jin ang moq hun.

1 Corinthians 1:20

Thung atal shi barina? Asam atol shi barina? Iri mingkang ro rapney jaqhal wang tung aa raaq may raaq aa miqtang thi barina? Iri mingkang thunglam tallam sha athom ta Shkewa takhi kot taphi!

1 Corinthians 1:21

Miqna thunglam tungkang o mingkang miqtang eq Shkewa sha baluk otho jin sam moq ta Shkewa uthung atal o khita. Etharin piq aa í athom tung aa raaq phanchan tungkang o ukam tey tang sha thalun ta.

Galatians 1:10

Thanga nga miqtang ching kowang rangka kap ma tathin ang i? Irimal ang moq. Nga Shkewa ching kowang rangka kap ma nuk ang. Nga miqtang sha tasungrang ma tathin ang i? Nga thanga tho miqtang sha tasungrang ma tathin táng jo, nga Khristo sanga ang mong.

James 1:27

Hiqtang Shkewa etho Wa shey irimal phong sha asang nia khakla phong ta tathin aa, noti tang etho notinu tang tsamnang shina rimrang etho ning ni ning sha mingkang aja tang wang asang shing aa.