James 4:3 - Hawa Naga Bible 2001

³ Nuimshiq rueq thoz tuit, nuimshiq rueq lvp muit, yvmx khoc lac ngoz ruiux lec nuimshiq thuinz vmungx nuex kvmungx vshuinx kuex vbac nuiyc nuimshiq piauc liauc lvmx nuex shuimc lvmc laung dvyx thoz vshuinx.

ASII LAKDAP Bible (BSI)

³ Kiimahali namshiq raq Shiikeawe jaq wa tsiiq nai nyam miitu achu jaü tlan. Shatmaq apaiq raq namshiq ma kuq mak. Apaiq raq namshiq ma tsiiq nai nyam ka jamkhano kuq mak, ngukla namshiq raq tsiiq nai nyam jaü tlan kriika, namshiq raq mangjong ngarai han-ngam polosea miitu jaü tlan. Kriika Shiikeawe maklii na ajiq. Kriikha na apaiq raq namshiq ma kuq mak.

Muklom

³ Baluk o nim aa uchuk eq inn, esho kap min, chammatakoi nim sungrang na thawan rangma jashit mongtham wang chu inn.

James 4:3 Referencias Cruzadas

1 HOKHVMX 3:11

piq muex ngoc, “Mshauk pumz kuex rullungx vluz kuiux kawx laz tvkoc muinz, rungwanx tvkoc muinz, mralx htenc kuex thvy gay lot tvkoc muinz mnoz rueq thoz muq maq, tvrac vlvmz maq guimz lawc lot tvkoc taksux tharc dvyx mnoz rueq thoz toq ningkhvnc nuex,

YOBA 35:12

Tsuingshiq muex romc kuy tvkoc guyc sez wuez tueq, yuq muinz Tishox rueq tvralc muq, yvmx khoc lac ngoz ruiux lec tsuingshiq kuex ngamc ngax vtueq layx vbac rvtueq.

Tvtsvmc 18:41

Romc kuy tvkoc tsuingshiq guyc koq muinz, tsuingshiq kuex uraq muinz palc wvnc muq; tsuingshiq rueq Yehowa kuex gvl tueq, yuq muinz vpiq rueq tvralc kuq muq.

TAKSU LAK 1:28

Kvkaq jix mnoz rueq taksux tharc kuex gvl shuiux, yuq muinz ngaz rueq tvralc phaungx rvmuq. Mnoz rueq ngaz kuex baung ruip saz nuex thuiyx phux, yuq muinz ngaz kuex humc lot muq.

TAKSU LAK 15:8

Yehowa rueq miq hvlx jix htenc vjux thoz yaq bomc kuex raungc raq yaq, yuq muinz layx bac jix htenc rueq vlvmz laq shomc nawk kuy juing htenc kuex vpiq rueq shuiuc yaq.

TAKSU LAK 21:13

Htemc saz jix waz guyc sez kuex mnoz rueq tay roc muq ngoz ruiux yuq, mnoz muex romc kuy tvkoc mnoz rueq ramc ruiux yuq uraq muinz tay kuq kv-phux rvmuq.

TAKSU LAK 21:27

Layx bac jix miq htenc rueq Yehowa muex shomc nawk kuq shuex nuex vpiq rueq kvruex shuiuc yaq, kvruex htauk nuex jvnc vtueq honc vbac maq tsuingshiq rueq shomc kuq ruiux yuq jvnc vtueq shuiuc yaq.

JEREMIA 11:11

Kvkhoc rvtueq majuiuc ngaz, Yehowa rueq tsuingshiq kox nuex tvbac gay juing tvkaz vtueq honc tvsvmc vshaungx, tsuingshiq yuz wvnc lot tuex rvmuq. Tsuingshiq romc kuy tvkoc ngaz kox wawc ramc thoz phuex yuq, ngaz rueq tsuinghez tvruingc kuex tay kuq shaungx rvmuq.

JEREMIA 11:14

Yeremia lex, vruex miq htenc kvhttungx ngvy kox wawc vjux nauk thoz kaz, ngvy kox wawc nauk kvpiq nvyx thoz kaz. Tsuingshiq kuilc daz rvhumc tuex nuex romc kuy tvkoc ngaz gvl ruiux yuq, tsuingshiq kvjaz kuex ngaz rueq tay kuq shaungx rvmuq,” ngoz tueq jungx tueq.

JEREMIA 14:12

Tsuingshiq rueq phuiuz svy mamc vtueq ngaz rueq romc kuy tvkoc tsuingshiq rueq thoz ruiux muinz tay kuq shaungx rvmuq; tsuingshiq rueq ngaz muex wvr maq jauk shomc kuy nuiyc vruiy vwungx shomc kuy shomc kuq ruiux doc muinz ngaz rueq raungc raq shaungx rvmuq. Kvkhoc ngoc mvnx, ngaz rueq tsuingshiq kuex ralx lungc, khvmc vrvmc nuiyc vmac vtsac htenc maq thvt gay shaungx,” ngoz tueq.

Mikha 3:4

Nuimshiq rueq Yehowa kox wawc ramc thoz jauz shex httuiuc wvnc yaq, yuq muinz vpiq rueq nuimshiq muex tvralc shuex rvmuq. Vpiq rueq nuimshiq vjux thoz bomc kuex tay shuex rvmuq, yvmx rvtueq lac ngoz ruiux lec nuimshiq rueq layx vbac shuimx gay tuit ningkhvnc nuex rvtueq.

JEKERIA 7:13

Ngaz rueq jungx koq tueq tsuingshiq rueq tay muq ningkhvnc nuex tsuingshiq rueq thoz yaq kuex ngaz rueq tvralc mauk.

Matthew 20:22

Yesu rueq kvruex saz nueyc muex, “Nuimshiq rueq yvmx wuez thoz vshuinx nuimshiq rueq tuiuz muit. Ngaz rueq nuingx vshaungx kuilc daz kok kuex nuimshiq rueq nuingx khvmc shuinx haz?” ngoz tueq tvralc tueq. Tsuingnueyc rueq, “Nvnueyc rueq nuingx lot shix,” ngoz tueq.

Mark 10:38

Yesu rueq, “Nuimnueyc rueq thoz vshuinx kuex nuimnueyc rueq tuiuz muit, ngaz rueq nuingx shaungx vkuilc vdaz kok kuex nuimnueyc rueq nuingx lot shuinx haz? Ngaz rueq yuix luip lvmx shaungx kuex nuimnueyc rueq lvmz lot shuinx haz?” ngoz tueq tsuingnueyc muex wiz tueq.

Luke 11:10

Yvmx khoc lac ngoz ruiux lec vthoz jix waz rueq lvp wvnc shuex, vthuiyc jix waz rueq humc wvnc shuex, wungc tvruingc jix waz muex muinz daz kuq shuex.

Luke 15:13

Kvruex yimaq mtanc muinz httax muq nuex noyix waz rueq piq hup vsvmx htenc kuex shaung gay ruiux raz tueq, lvp tueq kuimphox htenc kuex lvmz laq vtueq, lvmx luz mungx nuex kaz wvnc tueq. Piq rueq kvruex mungx kvmaq kuimphox htenc kuex mungkawx piauc liauc lvmx nuex shaung phauk gay kaz tueq.

Luke 15:30

Iwaz mhup svmx htenc kuex mephex nyuiuz tamx rulc rvshonx ronx vtueq tvmoz maq gay jix msaz kvruex yek waung kv-phux tueq jix, vgvnz hvlc hvlc manx kuex piq tvkoc mnoz rueq taungc kuq vshuiux nyix!’ ngoz tueq vwaz muex tvralc tueq.

James 4:1

Nuimshiq nuex rvlungc lak nuiyc rvthoz rvthvy lvmz htenc kuex yvmx wawc vhttuiuc kaz lac? Kvruex kuex nuimshiq nuex mkaq muinz rvlungc lak yaq vpiauc vliauc lvmx ningkhvnc nuex nuimshiq rueq raungc raq vshuinx lvmz htenc kvwawc vdung wvnc rvtueq.

1 John 3:22

Naungshiq kuex vpiq nvrc bomc htenc kuex phvnx tvhungx vtueq vpiq rueq raungc raq yaq yauk shuimc kuex shuimx vshix ningkhvnc nuex, naungshiq rueq thoz shix kuex naungshiq rueq lvp wvnc tiq.

1 John 5:14

Tishox kuex vpiq thuinroc rulc rv-ngvlc naungshiq rueq thoz shix yvmx yuq muinz vpiq tay kuq yaq lvmz vsuing kvmx vtix ningkhvnc nuex, naungshiq kuex Tishox khaungkac nuex khvmc thuinz vhttax maq kvnvp wvnc vtix.