James 4:5 - ASII LAKDAP Bible (BSI)

⁵ Asii bomtsi na, “Shiikeawe raq nashiq mongjii na Asii Wenyi kuqto. Kra riika nashiq tsaiji rai tiipum tlii maq siwan ha jiilei nguta pinthum lungwii tlo,” nguta chong tlo, arka namshiq raq arot chongtlo sham nguta naq tiima rongkiq.

Hawa Naga Bible 2001

⁵ Rumvrc luik nuex, “Naungshiq nuex Tishox rueq vhtawc kuq siyac kuex vhiz juing yunghvlc rvnphvnx thuinz mvrc yaq,” ngoz yaq kvjaz kuex ghaq talaz jungx shec tueq ngoz tueq nauk tvmaung kaz.

Muklom

⁵ Asang Likwit na irimal witta raaq sha asing ang moq ta nim aa tathin inn i, “Shkewa aa hiqtang tinmong o Asang Tsija kot aa, eshirangma piq aa hiqtang sha ngikjuk jamoq bi aa.”

James 4:5 Referencias Cruzadas

RAPHA HIQWA LAK 26:14

Apaiq jaq na nyamse sku kong kiimaq minsaü kong kiimaq ajaqshisetiim kong pahea she riito. Kra ningkhan Philistainnok ka apaiq ma makshu rashe she riito.

RAPHA HIQWA LAK 30:1

Shatmaq Rechel riika Jakob ma ase ashi ra min humkuq mak dea riito. Kra ningkhan na apaiq ka anyi nyung ma amak she shukito. Kra ningkhan apaiq raq Jakob ma akha nguto, “Ngi ma isetiim kuqlaq. Riimakla ngi ka atsai li mirha.”

RAPHA HIQWA LAK 37:11

Joseph phutiim ka apaiq ma makshu rashe she riito. Shatmaq awe riika kra taiku rawa ma bom kra rashi hiq wea tiima shat maq sito.

RAPHA HIQWA LAK 38:9

Shatmaq Onan raq asap anyi-chhi nyung tsangnai setiim ka apaiq rii ka riimak. Kra ngomaq ümtiikiiwa apaiq anyi-chhi-nyung manti-nyung rai haingatlaq, alai ka hiq na raübaiq baiq lili riitlo. Krai mren aphu wulumwe rii asetiim ka ahü miraq.

RAPHA HIQWA LAK 6:5

Riita Tatiwe raq hiqraikhü na siti maiqse angu kunli ka pinthum abi siisaq chhito kiimaq tsangshiq tiima tsantsii ka wranaiqshe pinthum abi siisaq chhito.

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

Tvtsvmc 106:16

Kiijaq kumtsaiphii binjü ram maq, tsangshiq raq Mosheq ma makshuto kiimaq Tati asii jaqshise Aron min ngengto.

Tvtsvmc 37:1

Abi kloti ka chhi laüta ümnaq naq chapakiq; ajiq kiimungtibi chhi laüta naq shuliikiq!

TAKSU LAK 21:10

Matsaü tsaseti ka abi dongdii; chumti chiiti rai min kiq rammak.

THARC TVLUINGC 4:4

Kiimahali maiqse ka ongwan hajaq nguta pinthum minshiiq shiichaqtlo chhitiikang. Arka tsangshiq raq nanok chiiti kra lümha jaq nguta amakshu tsi ma shiichaqtlo. Shatmaq armin atuli, rahai jaijoli.

ISAIA 11:13

Israil mungti raq Juda mungti ka shuliimak she miraq. Kiimaq Juda mungti ka Israil mungti rai wesang riija mak she miraq.

WEAWEA 11:29

Kiijiishe Mosheq raq treto, “Ümniika ngi miitu shea chapa rai tlaü? Ngi raq kla Tatiwe raq apaiq wenyi ka asenginok tlotli ma kuq raü jaq ahea, raüta tsangshiq tarü raq shammibi kong ikha siitrangho raüjaq ahea riichang nguta tiima tiikang!”

WEAWEA 23:19

Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.

John 10:35

Nashiq raq asap i, Asii bomtsi na jamlai wa chong tlaq kriika, tengteng. Kra bomtsi ka ümtiikiimin klaiki mak phan. Kiimaq Shiikeawe raq apaiq asii bomtsi ka ümriiti mo chongkuqtaq, kriiti thun ka Shiikeawe shamsham ikha miraq nguta chong tlo.

John 19:37

Kiimahali, Asii Lakdap bashi niimin, “Tsangshiq raq piq maq asiimpii na shuk tiiwe sham kli tsangshiq raq milii nong kata,” nguta chong tlo.

John 7:42

Asii Bomtsi na Khristo ka Dawit weraü phan wa mipoki. Kiimaq Dawit changkhü Bethlehem hiq na michiiki nguta chongtlo,” nguta riibomto.

Acts 7:9

“Jakob setiim raq, tsangno Joseph ka kai shuliito. Kriikha maq, aphutiim raq tsangno ka maiq ma shaphaqto. Maiq riishe hali, apaiq ka Ejip mung na, maiqdi ma shaphaq baiq nongto. Shatmaq, Shiikeawe ka apaiq rai asi riito.

Romans 1:29

Tsangshiq tsan among ka phusu tsii, tha kaü tsii, sükha tsii, kiimaq atiibi baiq wan tsii riili she ama sitlo. Tsangshiq tsan among ka, arshulii tsii, sho tsii lumtsii, arlongliiq tsii, laopha tsii, kiimaq maiq chong sia tsii riili she ama sitlo. Tsangshiq ka shapshaü miqshii panli.

Romans 9:17

Riita, arkha miitiina, Shiikeawe raq Asii bomtsi na, Ejip mung hokham we ma, “Ngi raq ümniika hokham ma shong wan kang arka, ümniiliimaq, i ningkun jong nai i khushü jong ara, mangjong hiq tlotli na tiiphoi wan miitu tiina, shong wan kang,” nguta chongkuq wanto chhi tiikai.

1 Corinthians 6:19

Namshiq raq namshiq khum ka Shiikeawe raq namshiq ma akuq Asii Wenyi kra sichang jam ngo ka sap man sha? Asii Wenyi ka namshiq khum na sitlo? Namshiq khum ka namshiq rii ka riimak she. Shiikeawe rii she sitlo.

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

Galatians 3:8

Asii bomtsi na, kongkhu miiphü dongdii, Shiikeawe raq Pongnok phan maiqse ka, apaiq ma kamtsantsii thü tlaq kra lümaq, tsangshiq ka kechu maiqsetiim ma mitiija wan nguta chongke thü je she dongdii. Kiimaq kra chongtaq krai mren, Asii bomtsi raq, Abraham ma: “Ümrilung lümaq Shiikeawe raq mangjong maiqse wiitarü ma achu shiiman mikuq,” nguta Tsütsa Ahea chong kuq thiito.

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.