James 4:1 - ASII LAKDAP Bible (BSI)

¹ Namshiq phungtuti liipan na tatso wiinyi, riitsak riikaq sitlan kriika jamkhiibawo dong tla? Kriika namshiq tsan mong na, mangjong hanngam na poloseali lungwii tlan kriiwa dong tlo. Kra han-ngam lam phan na polosea tsii ramho sitlaq kra, nam mongjii na tatso wiinyi wa trang li sitlo. Kra sikha maq namshiq riitso nyi tlan.

Hawa Naga Bible 2001

¹ Nuimshiq nuex rvlungc lak nuiyc rvthoz rvthvy lvmz htenc kuex yvmx wawc vhttuiuc kaz lac? Kvruex kuex nuimshiq nuex mkaq muinz rvlungc lak yaq vpiauc vliauc lvmx ningkhvnc nuex nuimshiq rueq raungc raq vshuinx lvmz htenc kvwawc vdung wvnc rvtueq.

Muklom

¹ Nim jamna thamol nia thadan bari wang thutapha? Eshey nim hanngam tinuk wang, bara nim tinmong na thamol aa, eshiwang ang moq i?

James 4:1 Referencias Cruzadas

JEREMIA 17:9

“Maiqse tsantsii ka juro mikhon lot? Atinkhan laopha pinthum ka ahü; Arka ahealot chang riimak tsihea.

Matthew 15:19

Akhek ka maiqse tsan mong maq dong tlaq tiima tsantsii abi rüm tlaq kra kata abi pinthum. Maiqse tsan mong na tiima abi rümtlaq kra riili she, maiqse ka matwe ma tiija tlo, maiqchak maiqse rai sra raüta, sipe ma tiija tlo, kiimaq junshüm riirüm sethoq sepii tiija tlo, ahuk arot ma tiija tlo, arot hakhi ma tiija tlo, maiq chongseati ma tiija tlo.

John 8:44

Nam we ka Tha kaü. Namshiq ka thasetiim. Krai mren, nam we jaiphan li lungwii tlan. Apaiq ka man na miiphü dongdii matwe tsawe. Arilung na jangshi min tingting rilung lamphan ka tiima mak dongdii. Ara jamkhano chongtiikang ngukla, apaiq tsantsii ka tingting riimak. Krai mren, apaiq ma arot akiq bomchong ka maiqmii aphara jaqsham. Ara jamkhano chongtiikang ngukla, apaiq ka arot we. Apaiq ka arot akiq dong chong.

Romans 7:23

Shatmiitiq, ngi raq chhi tiikang, ara i khum na phanhin thungtri kiimin asi hali. Ara thungtri riika, i tsai i ji raq, jamlai phan wa ahea, nguta lungwii tlaq, kriika akhii riiwan tlo. Ara thungtri raq, ngi ka ngarai tri, i khum na atra sitlaq kra kharü maq kha raüta, dise ma tiija raüta, rümtlo.

Romans 7:5

Man na ji na, nashiq ka maiqse ngarai han-ngam phara rilung lamphan wan laitli siwan kai. Kra akhing na, nashiq khum na ngarai tsantsii sükha wa sitlaq kriika, Thungtri raq tiishai chaq wan tlaq ihata. Raüta, nashiq khum na, ngarai jaqsham wantlaq ihata. Krai mren, nashiq ka atsai kai lam nü niili shea wan raüta, tsai wan kai ihata.

Romans 8:7

Arkha na tiina, juwa maiqmii han-ngam tiima tsantsii jaqkhon mong na sitlaq, kriiti ka Shiikeawe ma wesang. Ara jamkhano chongtiikang ngukla, apaiq ka Shiikeawe thungtri wokhong na silot mak. Kiimaq apaiq riika, ümkhiiriita jiimin, Shiikeawe tri aming ka lang lotmak.

Galatians 5:17

Ara jamkhano chongtiikang ngukla, nashiq han-ngam raq jamlai wa jaü tlaq, kriika Asii Wenyi raq romak. Kiimaq, Asii Wenyi raq jamlai wa lungwii tlaq, kriika han-ngam raq romak. Tsangnai ka wesang. Riita, arkha maq, namshiq raq jamlai wa ro tlan, kriika sham raa mak.

Colossians 3:5

Namshiq raq namkhum na ara mangjong han-ngam ramho raq jamlai jaq wa shamtlaq thun kriika atsea baiq raa dongdii she. Kriika arthun ara: sethoq sepiija, ashe ashi riinyatshat, sükha, abi ati kiimung, kiimaq shakaq tsii, (arka sumlanoq ngarai tang) thun ara riito.

2 Timothy 2:23

Shatmaq, angok angiti, kiimaq lairap sap mak maq riikhiilea tlaqti rai ka, arbom min naq riibom damkiq. Akha tsütsitti ka, tatso lam niili supki tlo nguta, ümniiriimin la asap haü she.

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.

Titus 3:9

Shatmaq tiina, hiqtili manphanti rai ka naq riikhiilea kiq. Tipai weriim manphantibi rai, tatso ritti rai, kiimaq Jehudinok Thungtri manphanti rai ka naq riitso damkiq. Arthun manphan tlaq arka thiihü. Kiimaq amet dong chang jam min ahü.

James 1:14

Shatmaq maiqse ngutlaq ka, atsan mong na abi tiima rüm tlaq kra, tiihong wan raa dongdii nguta süram wan tlaq, kra riili she, apaiq ka atsai chang thiikhobok na tiidea baiq tlo.

James 4:3

Kiimahali namshiq raq Shiikeawe jaq wa tsiiq nai nyam miitu achu jaü tlan. Shatmaq apaiq raq namshiq ma kuq mak. Apaiq raq namshiq ma tsiiq nai nyam ka jamkhano kuq mak, ngukla namshiq raq tsiiq nai nyam jaü tlan kriika, namshiq raq mangjong ngarai han-ngam polosea miitu jaü tlan. Kriika Shiikeawe maklii na ajiq. Kriikha na apaiq raq namshiq ma kuq mak.

1 Peter 1:14

Shiikeawe bomchong ka phaqchii nichii maq tai ronglaq. Ümchaü sanha, namrilung ka man na, jam min sap man lea wan lan akhing wa tiima tsantsii maq naq tiijam sha rongkiq she.

1 Peter 2:11

Phunainotiim lei, ngi raq namshiq ma tiipaiq tiinea lata chongkuq tiikang ara tairong laq. Nashiq ka ara mangjong hiq na wansha we kiimaq wanwe ikhli sitiikai. Namkhum na ngarai han-ngam sükha tsi, namshiq tsaiji rai wranaiqshe riilong liiq rai tlaq kiima, namtsantsii ka naq tiitang rongkiq.

2 Peter 2:18

Tsangshiq riika shiikong miilong, ni na wamak chang, tiishom ra wan tlo. Kiimaq ngarai han-ngam sethoq ja lam kra phan raüta, Phung na shang nyeti, ranyaq mong wa tiichhii wan phati kra shonron ho tlo.

2 Peter 3:3

Namshiq raq ara bomtsi ara tsan na tiitsangdada shaq rong laq. Phangthum akhing saü wan raüla, maiq wiijamti namshiq phana misaü. Raüta tsangshiq ka maiqmii abi ngarai han-ngam ramho kra pao wantibi li miraq. Tsangshiq raq namshiq kamtsantsii, Jesuq ma thü tlan kra minaikü.