James 4:1 - Muklom

¹ Nim jamna thamol nia thadan bari wang thutapha? Eshey nim hanngam tinuk wang, bara nim tinmong na thamol aa, eshiwang ang moq i?

ASII LAKDAP Bible (BSI)

¹ Namshiq phungtuti liipan na tatso wiinyi, riitsak riikaq sitlan kriika jamkhiibawo dong tla? Kriika namshiq tsan mong na, mangjong hanngam na poloseali lungwii tlan kriiwa dong tlo. Kra han-ngam lam phan na polosea tsii ramho sitlaq kra, nam mongjii na tatso wiinyi wa trang li sitlo. Kra sikha maq namshiq riitso nyi tlan.

Hawa Naga Bible 2001

¹ Nuimshiq nuex rvlungc lak nuiyc rvthoz rvthvy lvmz htenc kuex yvmx wawc vhttuiuc kaz lac? Kvruex kuex nuimshiq nuex mkaq muinz rvlungc lak yaq vpiauc vliauc lvmx ningkhvnc nuex nuimshiq rueq raungc raq vshuinx lvmz htenc kvwawc vdung wvnc rvtueq.

James 4:1 Referencias Cruzadas

Matthew 15:19

Chammatakoi jashit tinthin, tikwat, sathuk etho irimal thaji jashit jaksom, hut hut, hut dip etho adak miq ma jashit raaq kot, iri tang raa tin mong wang thalat aa.

John 8:44

Nim raa nim wa thangwa sa tang etho nim aa nim wa tinuk phan ma nim nuk inn. Piq phang wang hun miq tatiktey, etho asing rangma jin tong moq, chammatakoi piq jamna asing ahung. Piq aa ahut alik bat ajo piq dangjang o hun somlo aa chammatakoi piq ahut alik etho ahut alik wa.

Romans 7:23

Etharin ihan mong o adak thong somlo ta tha nga kap khi ang; eshi thong sha ithung raaq tang miiksuk eq thamol aa. Etho eshey nga sha ngarey thong o khak shing phang.

Romans 7:5

Hiqtang hanphung na ang ti tho ngarey ngikjuk bara thong tungkang o angta, esha hiqtang hanphung sho somlo ta, irimal ang eq hiqtang aa utik tingo sha tatingo ti.

Romans 8:7

Hanngam o thung atal kottey sha Shkewa ralwa chammatakoi ning aa Shkewa thong tat moq etho jin ang moq hun.

Galatians 5:17

Mingkang hanngam shey Tsija chammal nuk sha miiksuk aa etho Tsija shey mingkang hanngam chammal nuk aa sha miiksuk aa. Iri ni raa ralwa, eshirangma nim chamlang ma nuk inn, esha jin somlo min.

Colossians 3:5

Eshirangma nim ni nim hanphung wang eshi tang shi tikwat chak inn, bara mingkang ràng: sathuk, anan, sathuk tinthin, jashit tinthin etho ngikjuk tang bara shila shumnuk tan rol.

2 Timothy 2:23

Etharin aja tang thamol wang etho thadan wang alo na tong u, chammatakoi nang aa usam eq u irimal thaji wang thamol qhong aa.

Titus 3:3

Hiqtang tho jakho o thunghung, raaq tatmoqtey etho aja somtey angti. Etho hangam ramcham danjang eq bukjam taphi etho ngeljo ngikjuk na ashey eq ashey ma tha miiksuk eq tongti.

Titus 3:9

Etharin thanghung thadan wang, tey aa wa tang tung aa raaq wang, thamol wang, etho thong tung aa raaq thadan wang alo na tong inn, chammatakoi eshi tang sha thanghung etho jaksom qhaq moq.

James 1:14

Etharin chamtey miqna ning anaan ngikjuk na manti eq tari náng thu aa.

James 4:3

Baluk o nim aa uchuk eq inn, esho kap min, chammatakoi nim sungrang na thawan rangma jashit mongtham wang chu inn.

1 Peter 1:14

Raaq tat tey nijang mey tang mal ang inn etho jakho cham tho sam min rangham tho chamli ahut alik jaksom som eq tong tin eshimal thanga nim tong ching ang moq.

1 Peter 2:11

Noknu wa tang, nga nim ma batphang, iri mingkang ro adak mungtey miq nia sam moq miqtang mal, ethirangma nim tsija jammoq thamol hannphung tinthin wang alo na tong inn.

2 Peter 2:18

Ning aa thung ahung raaq etho tharangka raaq bat aa. Etho ning ngarey rollung wang phang lattey sha ning aa hanngam tinthin o thaman aa.

2 Peter 3:3

Nim aa iri tang raa jakho rang sam ching, uthun saal tang o chamtey uthok ang phana bara ning ni ning jashit tinthin o qhing na. Ning aa nim sha tikngit kungna