James 4:1 - Hawa Naga Bible 2001

¹ Nuimshiq nuex rvlungc lak nuiyc rvthoz rvthvy lvmz htenc kuex yvmx wawc vhttuiuc kaz lac? Kvruex kuex nuimshiq nuex mkaq muinz rvlungc lak yaq vpiauc vliauc lvmx ningkhvnc nuex nuimshiq rueq raungc raq vshuinx lvmz htenc kvwawc vdung wvnc rvtueq.

ASII LAKDAP Bible (BSI)

¹ Namshiq phungtuti liipan na tatso wiinyi, riitsak riikaq sitlan kriika jamkhiibawo dong tla? Kriika namshiq tsan mong na, mangjong hanngam na poloseali lungwii tlan kriiwa dong tlo. Kra han-ngam lam phan na polosea tsii ramho sitlaq kra, nam mongjii na tatso wiinyi wa trang li sitlo. Kra sikha maq namshiq riitso nyi tlan.

Muklom

¹ Nim jamna thamol nia thadan bari wang thutapha? Eshey nim hanngam tinuk wang, bara nim tinmong na thamol aa, eshiwang ang moq i?

James 4:1 Referencias Cruzadas

JEREMIA 17:9

“Miq thuinz vmungx kuex uraq lac tuiuz tay lot yaq nguinx? Vrot vkaq maq lvy vtueq yvmx muinz vguez; kvruex tvhvlc tvkoc kuex thuiuz hvlc shex rvtueq.

Matthew 15:19

Yvmx khoc lac ngoz ruiux lec thuinz vmungx maq miq thvt yaq, miq juik rulc rvsenc yaq, sahtok sapawx yaungx yaq, miq hup svmx guiuq yaq, vyaq hakhix khvmc yaq ngoz yaq honc vbac kvmungx lvmz htenc yaungx yaq.

John 8:44

Nuimshiq kuex nuimshiq waz ngoz vshuinx htaungc piq sahez rvtuit, kvkhoc ningkhvnc nuex nuimshiq waz thuinroc lvmx kuex phvnx vtueq shuimx kaz vshuinx, htaungc waz kuex vphaungc vyaungc maq phuex miq thvy jix waz rvtueq, piq htauk nuex tsuingrux lvmx vguez ningkhvnc nuex tsuingrux lvmx nuex httax lot muq. Piq kuex vrot vkaq bomjungc jix waz rvtueq, piq kuex vrot waz muex vwaz rvtueq, miqmac gvnngvmx thuinz rulc rv-ngvlc vrot vkaq dvyx jungx thenc yaq.

Romans 7:23

Yuq muinz ngvy shauk ngvy gvnz mungx wawc thuinz rueq raungc raq yaq phvnx rulc rvlongx palx yaq phvnx vganc phvnx shiz httax yaq. Kvruex tvrac rueq ngvy gvnngvmx nuex phoal phak vtueq, ngaz kuex mvrax yauk nuex lekuq gay phuex kuex ngaz rueq khiz vshaungx.

Romans 7:5

Yvmx khoc lac ngoz ruiux lec naungshiq kuex gvnngvmx thuinz phvnx vtueq rullungx tvraungx httax tiq baunglaung, Tvrac rueq htuiuz shuiuz ningkhvnc nuex mvrax yaq roc thuinz kuex naungshiq gvnngvmx nuex phoal phak vtueq, naungshiq rueq shuimx wvnc tiq htenc kuex vthueyc juing dvyx yaungx wvnc tueq.

Romans 8:7

Kvkhoc rvtueq miq vshiz kuex miqsaz gvnngvmx thuinz rueq guimz gay ruiux yuq, Tishox muex phvnx muq ningkhvnc nuex piq kuex Tishox ralx muex yaungx wvnc tueq; vsuing piq rueq tay phvnx lot muq.

Galatians 5:17

Yvmx khoc lac ngoz ruiux lec gvnngvmx rueq roc yaq kuex Siyac rueq roc yaq rulc raz muq, Siyac rueq roc yaq muinz gvnngvmx rueq roc yaq rulc raz muq. Gvnngvmx rueq roc yaq nuiyc Siyac rueq roc yaq lvmx vruex nueyc kuex ralx muex yaungx yaq, kvkhoc rvtueq nuimshiq kuex miqmac rueq shuimx roc shuinx kvkhoc shuimx lvp muit.

Colossians 3:5

Kvkhoc rvtueq sahtok sapawx yaungc lvmx, vshuy vshac phvnc lvmx, vraungc raq lvmx, vbac phvnx shuimc roc thuinz httax yaq lvmx, kvkax wax lvmx htenc maq phaungc vtueq, mungkawx gvnngvmx maq rvnphvnx vtuinx htenc kuex tvthueyc gay shuinz. (Kvkax wax lvmx kuex yac yuimx nawk palx lvmx phvnx shiz rvtueq.)

2 Timothy 2:23

Yuq muinz miqyaq muex yaungx vtueq tharc guez maq rvkhawc lvlc yaq kuex koayc shuiuz; kvkhoc jix htenc rueq vtvsuip kuex thaungthoz wawx yez lvmx dvyx rvtueq kuex mnoz rueq tuiuz vshuiux.

Titus 3:3

Yvmx khoc lac ngoz ruiux lec mvnnuex naungshiq muinz vngauk vngaz muex yaungx vtueq kvjaz tay miq maq lvmx mawc wvnc tiq. Naungshiq vroc lvmz nuiyc thuinz hvlc lvmx phvnx ruip saz shuimc wvnc tiq, kvruex dax muex muinz yaungx wvnc tiq. Naungshiq nuex mkaq muinz vshuiuc vpac nuiyc vkhvnx vnyvnx thuinz httaz wvnc tiq, miq rueq naungshiq shuiuc pac phuex rulc rv-ngvlc naungshiq rueq muinz tsuingshiq kuex shuiuc pac wvnc tiq.

Titus 3:9

Yuq muinz vjux vguez rvkhawc lvlc lvmx, jix vwaz mvnphvnc loayc hvlc phvnc jvnc lvmx, rvthoz thvy lvmx, Tvrac nuex seng vtueq rv-ngoc ngac lvmx htenc kuex koayc shuiuz. Kvkhoc lvmx phvnc kuex vjux vguez nuiyc khuec guez dvyx rvtueq.

James 1:14

Yuq muinz miqsaz laulawc rvhumc yaq ngoz yaq kuex miqmac honc vbac thuinroc lvmx nuex shvlx wvnc vtueq lvp gay rvhumc tueq ngoc rvtueq.

James 4:3

Nuimshiq rueq thoz tuit, nuimshiq rueq lvp muit, yvmx khoc lac ngoz ruiux lec nuimshiq thuinz vmungx nuex kvmungx vshuinx kuex vbac nuiyc nuimshiq piauc liauc lvmx nuex shuimc lvmc laung dvyx thoz vshuinx.

1 Peter 1:14

Tishox kvjaz kuex tay phvnx vtueq, nuimshiq rueq tuiuz thenc muit shauk jauz nuimshiq thuinroc lvmx nuex khuemx wvnc tuit ikhoc nauk ruez kaz shex.

1 Peter 2:11

Lungwawc phunox bix lex, nuimshiq kuex vruex mungkawx vyuq juiuc httuingx wuinz waz nuiyc muingluiuz jix htenc ikhoc yaungx tuit! Thuinz vmungx siyac rulc rvkhvt yaq gvnngvmx rvnphvnx lvmz htenc muex mkaq muinz nauk kuq kaz, ngaz rueq honc jungx kuq vphaungx.

2 Peter 2:18

Tsuingshiq rueq vyaq lvmx mawc wvnc jix rvtuimx yaq mungx kvwawc dungc wvnc nyalx jix htenc muex khuec guez kvsomc parc kvjaz kuex jungx vtueq sahtok sapawx yaungc lvmx nuex lvmx shvlc tvyaq yaq.

2 Peter 3:3

Vtvsuip raungnuiyq htenc nuex miqmac gvnngvmx thuinz phvnx vtueq, thuiuzthuic tvraungx jix miqsaz htenc dung wvnc tuex lvmz kuex nuimshiq rueq vphaungc tuiuz wvnc juing rvtueq. Tsuingshiq rueq nuimshiq kuex shummarc vtueq,