James 4:2 - ASII LAKDAP Bible (BSI)

² Namshiq raq phanrap hup asam ka laphai jiilei nguta, khutaüphei tin rit tlan. Shatmaq lap man. Kriikha miishe namshiq liipan na jasam piqsii she riise tlan. Namtsan mong na hup nai sam, tsiiq nai nyam lap hai jiilei nguta pinthum süram tlan. Shatmaq rit tlan ta awii thun ka lap man. Kiijiishe, namshiq liipan na tatso wiinyi she riilong liiq tlan. Namshiq raq Shiikeawe jaq wa achu jaü lam maq rit man kha maq, namshiq raq rit tlan tsiiq nai nyam ka lap man.

Hawa Naga Bible 2001

² Nuimshiq kuex nuimshiq rueq roc vshuinx phvnx htenc kuex lvp muit ningkhvnc nuex, miq thvy tvkoc tvyoalc yoalx httax vtuinx, nuimshiq kuex nuimshiq rueq pinhtumc raungc raq vshuinx phvnx kuex lvp muit ningkhvnc nuex rvkhawc lvlc rvthoz thvy vtuinx. Nuimshiq kuex nuimshiq rueq lvp roc vshuinx phvnx lvp muit, yvmx khoc lac ngoz ruiux lec nuimshiq rueq roc vshuinx laung nuex Tishox kox wawc thoz muit rvtueq.

Muklom

² Nim barima nuk inn esha nim aa kap min; eshirangma nim aa tatik inn. Nim ngikjuk shing inn, etha o tho kap min; eshirangma nim thadan ang inn. Nim aa Shkewa ching wang chu min, eshirangma kap min.

James 4:2 Referencias Cruzadas

1 HOKHVMX 21:6

Kiijiishe apaiq raq treto, “Naboth raq ibom tai mak kha na khiq tiikang. Ngi raq apaiq spiqro ka ari riipha riimak la, apaiq raq roraüla, ngi raq apaiq ma bagan ashi hiq awin wiitiq mikuq kang nguta chongkang. Shatmaq apaiq raq kra bagan ka ngi ma kuqlot mang nguta nguhoto!”

TAKSU LAK 1:19

Thiimeaq tek raüta, maiq runti rilung ka, akhli thumki tlo. Maiqtseati ka maiqjaq na mitsai.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

ISAIA 7:12

Kiijiishe Ahaj raq treto, “Ngi raq miithii shongkuqlaq ngutiika jaümang. Ngi raq Tatiwe ka tairai mang.”

HABAKUK 2:5

Tsiiq nai nyam tum maiq laoti, sükha maiqse rawa konhü si; wulum makho ikha hongto ngumak phan; Arkha na tsangshiq raq, mangjong hiq wa maiq mung thun, mungshi shi maq khat wan wan, mangjong hiqshong jiiwan wan, riitlo.

John 16:24

Ümchaü niitaq, namshiq raq i mang na jamlai phan min jaü man shaqli. Jaürong laq, namshiq raq milap han. Krai mren, namshiq chochi kiimin, alüm alei she mima wan.

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

James 5:6

Namshiq raq jam min sap makti, maiqsangti ka shaphaq baiq wan lan ihata. Kiimaq wiita atsea riibaiq wan lan ihata. Kiimaq tsangshiq raq namshiq jaq ka towan lot mak riito.

1 John 3:15

Aphu ano shuliiti ka matwe. Namshiq raq asap han, matwe khum na pattup pat-sa rilung ka ahü.