James 1:22 - ASII LAKDAP Bible (BSI)

²² Tsütsa Ahea bomchong kriika, ni maq lamlamse tai raü ka hong mak. Namshiq raq jamlai wa tai tlan, kra bomtsi ka maiqmii rilung na alang wan chang. Namshiq raq kra lang man miila sihan jiila, namshiq ka maiqmii kli tlao phaq tlan ngushat miraq.

Hawa Naga Bible 2001

²² Vpiq bomjungc kuex vtay lvmlvmc dvyx tay vtueq miqmac shauk vgvnz kuex nauk laulawc gay kaz; kvruex bomjungc kuex shuimc kay jix hez muex yaungx wuez kuinz.

Muklom

²² Shkewa raaq tat tey tang ma chen ang eq, nim ni nim shi nak dip inn etharin eshi raaq shimal som inn.

James 1:22 Referencias Cruzadas

ISAIA 44:20

Arka wabun mesea lam niishe supwatlo. Apaiq hon atsii ngila sang sikha maq, apaiq ka lamjiq na tiishon sheahoto. Atsii ka jai na tiijang wan lot mak she. Apaiq khutsai na apaiq raq ajaq ma shamtlaq sumla phra ka tisho riimak dongdii nguta akhutsai na nyap mak dongdii she.

JEREMIA 11:6

Kiijiishe Tatiwe raq ngi ma nguto, “Ümniika Juda mung na chela thun kiina kilaq. Kiimaq Jerusalem na chiihea wea lam thun kiina kilaq. Laüta chiiriim laüta agiliilii maq ara itsütsa ka kiijaq chongkuq kikiq. Kiimaq nokmaiqse ma tongshong tri raütu khakuq kang kriithun ka tiitsangdada mitailaq, raüta tsangshiq raq kunkun milang wanlaq.

Obadia 1:3

Ümshiikong tsii raq ümnaq laobaiqto. Üm chela nyungchong ka raqkhakhu na atei. Ümjam ka kinkhu thaq na tei laü. Kra ningkhan ümnaq tiingo tlaü, ‘Ngi ka juwero mitiideabaiq lot?’

Matthew 12:50

Jurwa i We ramungtan na sitiwe raq achong bomtsi kra tai tlaq, kriiti kata ngi ma i no, i sheanyung kiimaq i nyung.”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Luke 11:28

Kiijiishe, Jesuq raq, “Kra nam miika, jurwa Shiikeawe bomtsi ka tai raüta lang tlaq, kriiti ma kopan jonghea miraq!” nguta apaiq bom ka treto.

John 13:17

Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

Romans 2:13

Ara jamkhano chongtiikai ngukla, Shiikeawe raq maiqse ka kechu maiqse she nguta, apaiq rai wehea ma shram wantlaq kriika, Thungtri aming ka miinan ni maq tai wantibi lamlam ka, shram wan mak. Shatmaq, jurwa Thungtri aming kra lang raüta sitlaq, kriiti ka Shiikeawe raq, apaiq rai kechu maiqse she nguta shram wan tlo.

1 Corinthians 15:33

Namshiq ka maiq mo na naq shang rongkiq. Nyungwe bom tiihap, “Abi ati maiqse rai riishon ron haü jiila, mang bitlo,” nguta chongtlaq kra atai han khata.

1 Corinthians 3:18

Jurmin maiqmii nai maiqmii ka angok angi ma naq tiijan rongkiq. Namshiq phong wa weshi ra raq, ara mangjong hiqti maiqse maklii na, atsii we sitiikang nguta tiima tlaq jiila, apaiq ka riikhaqli atsii we ma jawan miitu, angok angi we ma mija laq.

1 Corinthians 6:9

Namshiq wiitarü raq ashut aphit maiqse ka Shiikeawe sengi ma jawan lot mak nguta chongtlaq kra asap han ahiq na. Namshiq raq maiqmii kli naq tlaophaq rongkiq. Maiq ümriiti riiwa sethoq jatlaq lo, sumla shomnoq tlaq lo, maiqchak maiqse rai kiicham tlaq lo, maiqwe nai maiqwe liipan na lo, jechak nai jechak liipan na lo, hi awaq ikha hai nga tlaq lo,

Galatians 6:3

Jurwa maiqmii kiidea ajong ala nguta tiima tlaq, shatmaq, riikhaqli maq liiwan raü ka, apaiq ka jam min ahü, kriika maiqmii tlao phaq lishe.

Galatians 6:7

Namshiq maiqmii nai maiqmii kli, naq tlao phaq rongkiq. Ju riimin Shiikeawe ka lao lot mak. Maiq weshi raq jamlai min wa shiiq tlaq, kra phan phan, apaiq raq tsam ka mijut.

Philippians 4:8

Phunainotiim le, bomshat wan ma chongkuq nong pha. Namkhu tsai ka ara ariq phan hupsam maq tiima lanta, thü ronglaq. Tarü raq tiitsam kamli chang phan maq tiima lanta thü ronglaq: tengtlaq phan, athuk atsom phan, riikhaqli, asii, maiqlung ngamwii, shreng sea chang phan hupsam maq tiima lanta thü ronglaq.

Colossians 3:17

Ümchaü sanha, namshiq raq, na We Shiikeawe ma kechutum tlan na, abom na kiimaq phanrap jaqsham tlan na, Jesuq Khristo mang niili she sham rong laq.

2 Timothy 3:13

Kiimaq arot abi shrabi, tiibainge rai tlaqtibi ka, tsangshiq kamasham rilung na, diikiq dea wan wan li she miraq. Tsangshiq raq nanok kiimin laolii tlo. Kiimaq maiqmii kiimin tlaophaq raütli she sitlo.

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.

James 1:26

Maiq weshi ra riika, apaiq ka maiqshaq awongsii Phungmaiqse sitiikang ngutiimin mitiima sham. Shatmiitiina, apaiq raq atili ka stiqkhaq mak maq, abom wan nguli bom tlaq jiika, apaiq ka banbok miili sitlo ngushat. Kriika maiqmii tlaophaq li. Apaiq raq Shiikeawe lamphan tlaq kriika shaqmii, atuli miraq.

James 4:11

Phunainotiim lei, namshiq liipan na maiqmii nai maiqmii ka naq riichongsiq rongkiq. Jurwa maiqmii kongti Phungmaiqse kra shaphaq tlaq, lo arewe ka ajiq nguta shin tlaq, kriiti riika Shiikeawe Thungtri kra sairan tlo ngushat. Kiimaq Thungtri raü ka sairan tlo ngushat. Riita namshiq raq thungtri she sairan han jiika, namshiq ka Thungtri wokhong na siti ka riiman she. Shatmaq thungtri sairanti miishe mija han.

James 4:17

Arkha maq, Phungmaiqse ashi raq jaqsham ahea sham chang asi nguta, sapshatshat taü maq sham mak raü ka, kriika apaiq ma ngarai miraq.

2 Peter 2:13

Tsangshiq raq nanok ka jamkho tiichamchao wantaq, kiikhiisii Shiikeawe raq tsangshiq min Phangthum Khapho Ranaiq mitiichamchao wan. Ranaiq shethungpii na che nyang tsamsea butja haisea nai junshüm riirüm riipo nasia kli tsangshiq miika apeo pinthum. Tsangshiq ngarai han-ngam ramho raq jamlai wa jaü tlaq, kra dunghea wan kli lungwiitlo. Tsangshiq ka namshiq Phungmaiqse rintii dungsea riitam nga tlan kiijiimin lom dam tlo. Tsangshiq raq akha biitsaüki lam maq namshiq rai lom dam tlaq kriika namshiq li tiisheshi dam tlo. Tsangshiq ka akha laopha kiimung raüta siwan kli peosiq tlo.

1 John 1:8

Kiimaq nashiq raq, nashiq khum na ngarai ahü, nguta ngu hai jiika, nashiq raq maiqmii trotphaq li she mija ki. Kiimaq nashiq mongjii na tengman tlaq bomtsi ka ahü ngushat miraq.

1 John 2:3

Nashiq raq Shiikeawe aming thun kra langlai tiidea singa tiikai jiila, nashiq ka apaiq rai tsanwa we ma jalai tiidea sitiikai nguta na tsan mong na mongngam maq misi rong i. Nashiq ka apaiq rai samhea wiq maq mang riisap laita sitiikai ngushat miraq.

1 John 3:7

I setiim lei, namshiq ka jumiimin naq tlao rongkiq! Khristo ka asii kechu maiqse. Krai mren, jurwa tingting jaqsham tlaq, kriiti ka kechu maiqse.

3 John 1:11

Lungwii phuno we lei, jamlai wa abi ka naq lang kiq. Shatmaq jamlai wa ahea kli lang laq. Jurwa ahea jaq sham tlaq, kriiti ka Shiikeawe rii she. Jurwa abi jaq sham tlaq, kriiti raq Shiikeawe ka chhi mak dea.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 22:7

“Tairong laq!” nguta Jesuq raq chongto. “Ngi ka jaqloli she misaüho ha! Kechu jonghea, jurwa ara lakdap wa shammi bomchong ara lang tlaq!”