James 1:22 - Hawa Naga Bible 2001

²² Vpiq bomjungc kuex vtay lvmlvmc dvyx tay vtueq miqmac shauk vgvnz kuex nauk laulawc gay kaz; kvruex bomjungc kuex shuimc kay jix hez muex yaungx wuez kuinz.

ASII LAKDAP Bible (BSI)

²² Tsütsa Ahea bomchong kriika, ni maq lamlamse tai raü ka hong mak. Namshiq raq jamlai wa tai tlan, kra bomtsi ka maiqmii rilung na alang wan chang. Namshiq raq kra lang man miila sihan jiila, namshiq ka maiqmii kli tlao phaq tlan ngushat miraq.

Muklom

²² Shkewa raaq tat tey tang ma chen ang eq, nim ni nim shi nak dip inn etharin eshi raaq shimal som inn.

James 1:22 Referencias Cruzadas

ISAIA 44:20

Kvruex kuex tvp saq yaq ikhoc vkhuec vlvmx dung muq. Piq miqyaq kvmungx lvmx kuex romc kuy lvp muq laz juing piq muex lvmx shvlc tvyaq kuq gay tueq. Piq yauk nuex shuimx yaq yac yuimx kuex tishox rvmuq lvmz piq pumz maq kvjungc wvnc tuex.

JEREMIA 11:6

Kvruex yimaq Yehowa rueq ngaz muex jungx phuex, “Yuda ghaqyungx htenc nuex nuiyc Yerusalem lvmx laungx htenc nuex kaz kuiuz. Kvruex htenc kvyuq ngvy bomjungc jungphvnc kuy nuiyc miq htenc rueq bomkhvrc kuex tay vtueq phvnc tvkoc jungx shuiuz.

Obadia 1:3

Mnoz kvsomc parc vtuiux kvraq mnoz laulawc gay kv-phux. M-ghaq ghaqnyuiuz jungx kuex lung nuex vtec nolaungx ghaqshungc rvtueq; m-yuimx kuex kanx vjoz htauk nuex, kvkhoc rvtueq mnoz kuex mthuinz mungx maq, ‘Uraq lac ngaz kuex tvrul gay lot phvnx?’ ngoz tueq ngoz vshuiux.

Matthew 12:50

Raungmungx nuex httax yaq Iwaz thuinroc shuimc jix htenc kuex inox, ishvlx nyuiuz nuiyc inyuiuz rvtueq,” ngoz tueq jungx tueq.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

Luke 11:28

Yuq muinz Yesu rueq, “Tishox bomjungc tay vtueq phvnc jix kuex mtanc thuinhvlc wuez!” ngoz tueq tvralc tueq.

John 13:17

Majuiuc nuimshiq rueq vruex tsuingrux lvmx kuex tuiuz vshuinx ningkhvnc nuex, kvruex phvnx ruiux yuq nuimshiq thuinhvlc httax yaq.

Romans 2:13

Yvmx khoc lac ngoz ruiux lec miqsaz rueq Tvrac kuex vtay lvmlvmc raz tueq dvyx Tishox rulc tsuingrux lvp shuex rvmuq, Tvrac nuex nvr shec tueq rulc rv-ngvlc shuimx ruiux yuq jix tsuingrux ngoz tueq ngoz shuex.

1 Corinthians 15:33

Nuimshiq tvmaung nauk tvyaq kaz, “Vbac kungjix rueq vhvlx honc vyaungc kuex tvbac gay yaq.”

1 Corinthians 3:18

Ukhaq yuq muinz miqmac shauk vgvnz kuex nauk tvshonx ronx kaz. Nuimshiq wawc vshiz shiz rueq ngaz kuex mungkawx tanc khvnc maq miqmac shauk pumz kuex taksux httax vtaungx ngoz tueq kv-ngoc ruiux kuex, wvtharc jix waz muik shauk yaungc tvkoc vngauk vngaz miq muex m-yaungx kueq.

1 Corinthians 6:9

Layx bac jix htenc kuex Tishox Mungtan guimz lvp wvnc shuex rvmuq, nuimshiq rueq tuiuz vshuinx. Miqmac shauk vgvnz kuex nauk tvrot kaq kaz, sahtok sapawx yaungc jix, yac yuimx nawk jix, miqjuik senc jix, miqwaz vdvmz dvmz, rvmuq ngoz ruiux yalxjuik vdvmz dvmz rvhtok pawx jix htenc,

Galatians 6:3

Miq vshiz shiz kuex yvmx muinz thenc honc muq rvhvt maq, miqmac shauk gvnz kuex vkhek waz ikhoc tvmaung jix waz kuex miqmac shauk gvnz yomnamc gay jix waz rvtueq.

Galatians 6:7

Nuimshiq miqmac shauk vgvnz kuex nauk laulawc kaz; Tishox kuex uraq muinz rot kaq lot muq. Miqsaz kuex miqmac rueq khic yuingc wvnc shuex rulc rv-ngvlc vthuey vngoz kuex tvjomx wvnc shuex.

Philippians 4:8

Phunox bix lex, tvsuip jungx ix ngoz ruiux yuq, nuimshiq rueq vtsuing vrux, vraungc vraq, vlvmx, vsawc vric, vlungwawc juing, tvtsanc nganc juing ngoz yaq vhvlx maq tvtsvmc kvmc juing phvnx shishiz ngoz ruiux kuex thuinz nuex rvwvl taq wuez shuinz.

Colossians 3:17

Kvkhoc rvtueq nuimshiq rueq jungphvnx shuimx kaz shuinx nuex Taungjix Yesu muingc kuex ruingc vtueq jungphvnx shuimx kaz shuinz, vpiq nuex rvwak vtueq Tishox kejux kuex tvtsvmc wuez shuinz.

2 Timothy 3:13

honc vbac jix htenc nuiyc tvrot kaq laulawc jix htenc kuex vbac htauk kvyuq muinz pinhtumc bac hvlc shuimx kaz wvnc shuex, tsuingshiq rueq miq laulawc shuex kvkhoc tsuingshiq muinz vlauc lawc rvhumc tuex.

Titus 3:3

Yvmx khoc lac ngoz ruiux lec mvnnuex naungshiq muinz vngauk vngaz muex yaungx vtueq kvjaz tay miq maq lvmx mawc wvnc tiq. Naungshiq vroc lvmz nuiyc thuinz hvlc lvmx phvnx ruip saz shuimc wvnc tiq, kvruex dax muex muinz yaungx wvnc tiq. Naungshiq nuex mkaq muinz vshuiuc vpac nuiyc vkhvnx vnyvnx thuinz httaz wvnc tiq, miq rueq naungshiq shuiuc pac phuex rulc rv-ngvlc naungshiq rueq muinz tsuingshiq kuex shuiuc pac wvnc tiq.

James 1:26

Miq washiz shiz rueq miqmac kuex nawk palx htungx vlayx tvtsanc nganc jix waz ngoz tueq tvmaung ruiux yuq muinz, miqmac tvlix khvrc lot muq ngoz ruiux yuq, piq nawk palx htungx kuex khuec guez dvyx raz tueq piq shauk gvnz kuex laulawc gay dvyx rvtueq.

James 4:11

Phunox bix lex, nuimshiq vdvmz dvmz mvrax nauk rvhtusiz kaz. Miqmac Christan phunox waz vshiz muex mvrax htusiz lvmz, rvmuq ngoz ruiux vphoc jix waz ukhaq yuq muinz Tvrac muex mvrax htusiz dvyx muinz rvmuq, kvruex phoc jix waz rvtueq. Nuimshiq rueq Tvrac muex phox kuq ruiux yuq, nuimshiq kuex kvruex Tvrac phvnc jix rvmuq, vphoc kuy jix dvyx yaungx tuinx.

James 4:17

Kvkhoc rvtueq vhvlx yauk shuimc shuimc tvkoc tuiuz yaq rvhvt maq phvnx muq waz kuex mvrax vhttax waz rvtueq.

2 Peter 2:13

Tsuingshiq kuex miq vganc muex tvrvhumc kuq yaq phvnx kuilc daz kuex tsuingshiq muex tvyez kuy rvhumc tuex. Tsuingshiq kuex raungnuiyq shalhtungx nuex doc muinz tsuingshiq gvnngvmx piauc lvmx tvhungx tvkoc kuex tsuingshiq piauc juing lvmx rvtueq; tsuingshiq kuex nuimshiq rueq phauk saq vshuinx phungc nuex vdvmz maq lomx yaq ningkhvnc nuex nuimshiq tvkoc miqyvlc vsac muingc bac lvmz tvyaungc yaq, tsuingshiq kuex mkaq muinz vlauc vlawc lvmx kuex raungc raq yaq.

1 John 1:8

Nuiyshiq kuex mvrax miqsaz rvmuq ngoz tueq kv-ngoc ruiux yuq, miqmac shauk vgvnz kuex laulawc gay rvtueq, naungshiq nuex tsuingrux thuinz vguez.

1 John 2:3

Tishox rueq nvrc bomc kuex naungshiq rueq phvnx ruiux yuq, naungshiq kuex vpiq tuiuz jix htenc rvtiq lvmz rvkhauk laz tuiuz lvp shix.

1 John 3:7

Isuiuz isaz tamx lex, uraq muinz nuimshiq muex lvmx tvmawc muq mrvshueq! Christu kuex tsuingrux rvtueq rulc rv-ngvlc vlvmx yauk shuimc jix ukhaq yuq muinz tsuingrux waz rvtueq.

3 John 1:11

Ngaz rueq lungwawx vphaungx kungjix waz lex, vbac lvmx nuex rvmuq maq, vhvlx lvmx nuex wek wvnc shuiuz. Vhvlx shuimc kay jix waz kuex Tishox nuex seng yaq; vbac shuimc kay jix waz kuex Tishox tuiuz muq khiz muq waz rvtueq.

Revelation 12:9

Mungkawx tvlot laz rot kaq tvshonx jix Htaungc rvmuq ngoz ruiux Satan ngoz yaq mvnnuex wawc yungrex kuiux kuex, piq mangx bix rulc vdvmz nuex ghaq nuex tuip gay rvhumc tueq.

Revelation 22:7

Yesu rueq, “Tay shuinz! Ngaz yauk lox httuiuc kaz raungx! Vruex luik dvp nuex httax yaq shvmmax kvjaz htenc tay phvnc jix waz kuex thuinhvlx yaq!” ngoz tueq jungx phuex.