James 1:21 - Hawa Naga Bible 2001

²¹ Kvkhoc rvtueq vshuy vshac layx nuiyc honc bac honc vyaungc lotlaz kuex lvmz gay wuez shuinz. Tishox nuex kvpiq nvyx vtueq kungkhux nuex nuimshiq thuinz vmungx htenc nuex vpiq rueq vhtawc kuq nuimshiq palc daungc wvnc lot yaq bomjungc kuex lvp wvnc wuez shuinz.

ASII LAKDAP Bible (BSI)

²¹ Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.

Muklom

²¹ Eshirangma thaji jashit dangjang etho jashit jaksom shi alo náng hel chak inn. Etho tinnin ang eq nim tin na bari raaq raa Shkewa shing ta, eshi kam inn bara nim rollung sha jin thalun na.

James 1:21 Referencias Cruzadas

Tvtsvmc 25:9

Vlvmx nuex thuinz tv-nyenc jix htenc kuex vpiq rueq shvlx wvnc vtueq, vpiq thuinroc lvmx tsuingshiq muex tvluing kuq yaq.

ISAIA 2:20

Kvruex raungnuiyq httuiuc wvnc tuex nuex, tsuingshiq kuex tsuingshiq rueq vtvhungx kuimshawx kuimphox yac yuimx htenc kuex tuip gay ruiux, kvruex htenc kuex tvruiuc nuiyc phauk suiyq htenc kox nuex taq gay shuex.

ISAIA 29:19

Htemc saz jix nuiyc thuinz tvyomz jix bix kuex Yehowa Israel vsawc Tishox rueq kuq tueq kokez juing kuex lauk shiz hulawx lvp wvnc yek shuex.

ISAIA 30:22

Nuimshiq rueq kuimphox maq vtvhungx yac yuimx htenc nuiyc kuimshawx maq vtvhungx yac yuimx htenc kuex lvmz vtueq, miqsuirc vsac taungx vwawx ikhoc kvhtenc kuex tuip gay ruiux, “Ngvy khaungkac vwawc kaz wvnc kuiuz!” ngoz tueq ramc jungx shuinx.

ISAIA 61:1

Johvlc Yehowa rueq ngaz kuex vpiq Siyac maq tvmvrc phuex. Htemc saz jix kox nuex thuix thaungx vhvlx gurc lvy tvkoc muinz, Thuinz vmungx bac jix muex thuinz tvhvlc kuy tvkoc muinz, Vthuq vruez laq jix htenc nuiyc khoktep nuex vshauk gay jix htenc kuex tvdungc tvkoc tvtay jungc muex Vpiq rueq ngaz kuex thvl vtueq nvr tvkaz phuex.

EJEKIEL 18:31

Nuimshiq rueq tvyaq shuimx wvnc tuit vbac yauk shuimc htenc lotlaz kuex gay shec ruiux, nuimshiq shauk pumz thuinz nuiyc mungx vnyalx maq lvp wvnc shuinz. Israel miqsaz htenc lex, nuimshiq yvmx ngoz tueq thueyc kay roc lac?

EJEKIEL 36:25

Ngaz rueq nuimshiq htauk nuex vsawc yuix shvy vtueq nuimshiq yac yuimx lotlaz nuiyc nuimshiq muex tvshuy shac yaq phvnx ruip saz kvwawc, nuimshiq kuex tvsawc nawc wvnc phaungx.

JEPHANIA 2:3

Vpiq rueq nvr yaq htenc kuex phvnx vtueq, thuinz tv-nyenc jix mungx miqsaz htenc lex, Yehowa kox nuex yek wuez kuinz. Vlvmz yauk shuimc shuimx shuinz, Yehowa khaungkac nuex nuimshiq shauk gvnz kuex tvyomz shuinz. Yehowa thuinkhvy tvkhic vtueq murx tvgurc shuex raungnuiyq wawc nuimshiq dung wvnc lvp wuez tuinx shvmx.

Matthew 5:5

Thuinz vnyenz jix kuex thuinhvlx wuez yaq; yvmx khoc lac ngoz ruiux lec tsuingshiq muex Tishox rueq bomkhvmc kuq tueq ruimrix kuex lvp wvnc shuex!

John 6:63

Rullungx tvraungx yaq kuex Tishox Siyac rueq rvtueq; Ngaz rueq nuimshiq muex jungx kuq vphaungx kvjaz htenc kuex rullungx tvraungx lot yaq Siyac nuex seng yaq.

John 6:68

Simon Peter rueq, “Taungjix lex, nuiyshiq kuex ukhaq kox nuex lac waung tix? Mnoz rueq pattup rullungx kuq yaq bomjungc lvp vshuiux.

Acts 10:33

Kvkhoc rvtueq mnoz kox nuex ngaz rueq miq lvmx lvy dvyx nvr tvkaz phaungx. Majuiuc mnoz httuiuc waung ruiux ningkhvnc nuex kejux yunghvlc, mnoz muex Taungjix rueq vjungx kvjaz kuex tay wvnc tvkoc nuiyshiq kuex Tishox khaungkac nuex shex rvtix,” ngoz tueq.

Acts 13:26

“Abraham suiuz vsaz phvnx iphuz inox Israel miqsaz htenc nuiyc Tishox muex nawk palx jix vganc Pungnuk miqsaz htenc lotlaz lex, vruex palc daungc wvnc lvmx nuex seng yaq bomjungc kuex naungshiq kox nuex httuiuc waung ruex rvtueq.

Romans 1:16

Ngaz kuex shuenruenc bomjungc muex vsuing kvmx vtaungx; kvruex kuex vphaungc Yuda miqsaz, kvruex yimaq Pungnuk miqsaz wawc kvmluimx jix ukhaq yuq muinz, palc daungc wvnc tvrvhumc yaq Tishox luimc vkawc rvtueq.

Romans 11:17

Miq rueq olip muik shauk vphak vnoz vbez kuex vguiy rvgay ruiux, olip muik shauk rvmuq vphak kuex kvruex yuq tvjuy wuez yaq, olip muik shauk rvmuq vphak rueq olip muik shauk vruingx wawc tvraungx juing phuiuz svy lvp yaq kvkhoc Pungnuk miqsaz htenc nuimshiq rueq muinz Yuda miqsaz htenc kox wawc siyac kejux paunghvlc lvp wvnc vshuinx.

Romans 6:17

Nuimshiq kuex mvnnuex mvrax dax muex yaungx wvnc tuit, yuq muinz majuiuc nuimshiq rueq lvp wvnc tuit tsuingrux lvmx tvluing kuq yaq kuex thuinz vmungx lotlaz maq phvnc ningkhvnc nuex ngaz rueq Tishox kejux kuex tvtsvmc vshaungx.

1 Corinthians 15:2

Kvruex shuenruenc bomjungc kuex nuimshiq muex ngaz rueq jungphvnx kuq phaungx bomjungc rvtueq. Nuimshiq kuex shuenruenc bomjungc muex phaungx duingduing kvmluimx rvwak ruiux yuq, nuimshiq palc daungc wvnc rvhumc tuinx. Kvkhoc rvmuq ngoz ruiux kuex nuimshiq kvmluimx vtuinx lvmx kuex khuec guez muex dvyx yaungx tuex.

2 Corinthians 7:1

Lungwawc kungjix bix lex, vruex bomkhvmc lotlaz kuex naungshiq tvkoc rvtueq. Kvkhoc rvtueq naungshiq rueq miqmac shauk pumz nuiyc siyac muex tvshuy shac yaq phvnx ruip saz kuex tvsawc nawc gay ruiux, Tishox muex hiyaz tvtsanc nganc vtueq vsawc pinhtumc maq rullungx tvraungx httax wuez ix.

Ephesians 1:13

Nuimshiq muex palc daungc wvnc lvmx kuy jix tsuingrux bomjungc ngoz yaq Thuix Thaungx Vhvlx kuex nuimshiq rueq tay wvnc vtueq Tishox miqsaz muex yaungx wuez tuit. Christu muex nuimshiq kvmluimx ruiux Tishox rueq vpiq bomkhvmc taq shec tueq rulc rv-ngvlc Vsawc Siyac kuex kuy ningkhvnc nuex nuimshiq kuex vpiq miqsaz muex yaungx tueq lvmz lombot tawk shec tueq.

Ephesians 4:22

Kvkhoc rvtueq kungkhux nuex nuimshiq rueq phvnx wvnc tuit rullungx tvraungx lvmx wawc shvmx vkez kvmuinz, vpiauc lvmx kuex rvnphvnx vtueq tvshonx bawx roc thuinz ningkhvnc nuex bac wvnc tueq shvmx vkez kuex puk gay shuinz.

Ephesians 4:25

Kvkhoc rvtueq vrot vkaq kvjaz nauk jungx kaz, vshiz maq vshiz rueq miqmac phunox waz muex tsuingrux kvjaz dvyx jungx shuinz, yvmx khoc lac ngoz ruiux lec naungshiq lotlaz kuex Christu ngoz yaq shauk pumz phuinz vphux htenc rvtiq.

Ephesians 5:4

Vshuy vshac kvjaz, vbac vtac kvjaz nuiyc bomc laung tsaung kvjaz kuex jungphvnc mvy muq, kejux tvtsvmc bomc dvyx kvjak wuez kuinz.

1 Thessalonians 1:5

Yvmx khoc lac ngoz ruiux lec nuiyshiq rueq Thuix Thaungx Vhvlx kuex kvjaz maq dvyx rvmuq, luimc vkawc maq muinz, Vsawc Siyac maq muinz, kvruex thuix thaungx vhvlx vsuing rvtueq lvmx tvsawc ric kvmluimx thuinz maq muinz, nuimshiq kox nuex lvmz laq vtueq jungphvnx kuq vphix. Nuiyshiq kuex nuimshiq rulc vdvmz httax tiq nuex, nuimshiq vhvlx httaz laung nuex nuiyshiq yvmx khoc lac rullungx tvraungx httax wvnc tiq nguinx lvmz kuex nuimshiq rueq tuiuz vshuinx.

1 Thessalonians 2:13

Tishox kejux kuex nuiyshiq rueq mkaq muinz tvtsvmc vshix vganc phvnx shiz httax yek yaq. Nuimshiq kox nuex nuiyshiq rueq Tishox bomjungc jungphvnx kuq phix nuex miqsaz bomjungc ikhoc rvmuq, Tishox bomjungc rvtueq kuex nuimshiq rueq tay vtueq kvmluimx ruiux phvnx wvnc tuit. Yvmx khoc lac ngoz ruiux lec Tishox rueq kvmluimx jix miqsaz nuimshiq thuinz vmungx nuex yauk shuimc wvnc ningkhvnc nuex rvtueq.

Titus 2:11

Yvmx khoc lac ngoz ruiux lec Tishox rueq miqsaz lotlaz muex vpiq rueq palc daungc wvnc kejux kuex tvdung tvkhic kuq wvnc tueq.

Hebrews 12:1

Naungshiq tvkoc nuex vtanc khvnc paung yaq hakhix htenc kuex naungshiq tvkomc tuimz nuex httax yaq. Kvkhoc rvtueq naungshiq muex tuingshaung yaq gurc htenc muinz, naungshiq nuex phaungx hvlc kop yaq mvrax htenc muinz lvmz gay ruiux, naungshiq vyuz rvsherc tvkoc hangc vshix laungc jungx yaq nuex httuiuc laz khvmc thuinz maq yuz rvsherc wuez ix.

Hebrews 2:3

vtanc khvnc yungx luz yaq palc daungc wvnc lvmx kejux kuex naungshiq rueq wvlc guez tvyaungc ruiux yuq, naungshiq yvmx khoc maq lac mvrax khac phox shuex kvwawc dung wvnc lot tix? Kvruex palc daungc wvnc lvmx kuex vphaungc nuex Taungjix rueq jungphvnx kuq wvnc ruiux, vtay wvnc jix htenc rueq kvruex kvjaz kuex tsuingrux rvtueq lvmz hakhix tvkhic kuq wvnc phuex.

Hebrews 4:2

Yvmx khoc lac ngoz ruiux lec naungshiq rueq muinz mvnnuex wawc miq rueq ikhoc Thuix Thaungx Vhvlx kuex tay wvnc lvp tiq. Yuq muinz tsuingshiq rueq tay wvnc tueq bomjungc kuex tsuingshiq tvkoc vjux vguez, yvmx khoc lac ngoz ruiux lec tsuingshiq rueq tay wvnc ruiux muinz kvmluimx thuinz maq lvp wvnc muq ningkhvnc nuex rvtueq.

James 4:8

Tishox kox nuex kvnvp wuez kuinz; kvkhoc ngoz ruiux jix vpiq muinz nuimshiq kox nuex httuiuc kaz tuex. Mvrax vhttax jix htenc lex, nuimshiq yauk kuex hoal wuez shuinz, kvyonc yuk thuinz httaz jix htenc lex, nuimshiq thuinz vmungx kuex tvsawc wuez shuinz.

James 5:20

kvkhoc mvrax vhttax waz piq vmoz vruez wvnc wawc tvyez gvlc wvnc jix waz kuex, kvruex waz siyac kuex vthueyc wvnc wuez wawc palc daungc wvnc vtueq, piq kuex mvrax paunghvlc wawc dungc wvnc tvkoc shuimc kuy jix waz rvtueq kuex rvwvl wuez shuinz.

1 Peter 1:22

Majuiuc nuimshiq rueq tsuingrux lvmx kuex phvnx vtueq nuimshiq shauk vgvnz htenc tvsawc wvnc ruiux, nuimshiq kvmluimx jix kungjix kamjix htenc kuex vsuing lungwawx vshuinx, kvkhoc rvtueq nuimshiq vdvmz dvmz thuinz vmungx lotlaz maq rvlungwawc wuez kuinz.

1 Peter 1:9

Yvmx khoc lac ngoz ruiux lec nuimshiq kuex Yesu muex kvmluimx vtuinx rullungx tvraungx kvmungx lvmx rvtueq nuimshiq siyac htenc palc daungc wvnc lvmx kuex lvp wvnc wuez vshuinx.

1 Peter 2:1

Kvkhoc rvtueq nuimshiq rueq honc vbac phvnx lotlaz nuiyc laulawc lvmz, kvyonc yuk lvmz, khelric bac nuiyc yomnamc kvjaz htenc kuex gay wuez shuinz.

1 Peter 2:11

Lungwawc phunox bix lex, nuimshiq kuex vruex mungkawx vyuq juiuc httuingx wuinz waz nuiyc muingluiuz jix htenc ikhoc yaungx tuit! Thuinz vmungx siyac rulc rvkhvt yaq gvnngvmx rvnphvnx lvmz htenc muex mkaq muinz nauk kuq kaz, ngaz rueq honc jungx kuq vphaungx.