James 1:21 - ASII LAKDAP Bible (BSI)

²¹ Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.

Hawa Naga Bible 2001

²¹ Kvkhoc rvtueq vshuy vshac layx nuiyc honc bac honc vyaungc lotlaz kuex lvmz gay wuez shuinz. Tishox nuex kvpiq nvyx vtueq kungkhux nuex nuimshiq thuinz vmungx htenc nuex vpiq rueq vhtawc kuq nuimshiq palc daungc wvnc lot yaq bomjungc kuex lvp wvnc wuez shuinz.

Muklom

²¹ Eshirangma thaji jashit dangjang etho jashit jaksom shi alo náng hel chak inn. Etho tinnin ang eq nim tin na bari raaq raa Shkewa shing ta, eshi kam inn bara nim rollung sha jin thalun na.

James 1:21 Referencias Cruzadas

Tvtsvmc 25:9

Apaiq raq sobsob bombomti ka riikhaqli lam na shunsheatlo kiimaq tsangshiq ma apaiq rotlaq kra shrin kuqtlo.

ISAIA 2:20

Ümtiikiiwa kra ranaiq akhing she saüwa jiiq, tsangshiq raq chaq nai kampho maq atiiq sumla phra phong ka rum niishe mibaiqki. Raüta kriithun ka juk kong nai phaqsaiq kong miishe mikiinong kuqbaiq.

ISAIA 29:19

Miitsan maiqse kong nai sobsob bom bom maq siti maiqse thun riimin thongshiri hali Tatiwe, asii Israilnok Shiikeawe raq kuq tlaq chochi rilung kra milap wan nong.

ISAIA 30:22

Namshiq raq namshiq sumla phong, kampho ngam maq alo thun kiimaq chaq ngam maq alo thun sumla phong kra lamho lantea, ashe ashi phan hupsam tiijobaiq tlan ikha, tiihong lantea agi lam maq, “Imakki wa tiibinlaq!” nguta midobaiqhan.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

EJEKIEL 18:31

Namshiq raq ümchuwa abi klo wan lan thun kra wiita thaqbaiq ronglaq. Lanta namshiq maiqmii miitu khutsai anye kiimaq tsantsii anye she lap ronglaq. Namshiq Israilnok ka jam nguta tsairo wa?

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

JEPHANIA 2:3

Tatiwe wokhong na jang rong laq. Namshiq tsannin woknin maq shongti, singmung maiqse lei; apaiq aming thun langtibi; tingting jaqkli sham ronglaq. Kiimaq Tatiwe makki na aran ma jaronglaq, jursap Tatiwe raq atsankhiq tiichhi tlaq ranaiq na, namshiq ka mipaükuq lo riila.

Matthew 5:5

“Juwa saksi minmi sitlaq kriiti ma chochi; Shiikeawe kiqkham ka tsangshiq raq milap!”

John 6:63

Tsitsü keti ka Shiikeawe Wenyi kli. Maiqse han-ngam ningkun miika, maiqse ma tsitsü raü triiche kuqlot mak. Ngi raq namshiq ma chongkuq tiikang i bomtsi ahata, namshiq ma tsitsü keti Shiikeawe Wenyi raüchong.

John 6:68

Kiijiishe, Simon Petar raq Jesuq bom ka treto, “Tatiwe! ümniika miimbaiq thü laita, naishiq ka jujai she wa miphan hai? Ümniili pattup pat-sa rilung tsitsü raü shamti we.

Acts 10:33

Kiimaq kra chongkuqtaq krai mren, ngi raq ümniika tlothit li ana tiiheaki kang. Kechu jonghea, ümniiraq tlea maü maq saü wa laü. Riita, shiilangwe lei, ümchaü min Tatiwe raq naishiq ma jamlai chongkuq wakiq ngutiiwa tiiwataq, kra taiwan miitu naishiq tarü ajaq Shiikeawe man na riitam wan kai,” nguta treto.

Acts 13:26

Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!

Romans 1:16

Ngi ka Tsütsa Ahea bomtsi ka nanok ma chongke miitu jeasi mang. Jamkhano ngukla ara Tsütsa Ahea bomtsi na ningkun asi kiimaq kiima kam lata, tsankhun maq sitiikang. Maiqse angu wa, jurwa Jesuq ma kamtlaq, kriiti thun kunli ka, ngarai mong wa tiichhii wan miitu ningkun ka Tsütsa Ahea bomtsi na sitlo. Arka, apha na Jehudinok ma chongkuqto. Kiimaq kra jai maq, Pongnok phan maiqse miishe chongkuqtlo.

Romans 11:17

Riita, ija maiq raq jaq maq achhi arwan olip pechong wa, akü ako thun wiijam kriika, angei she riibaiq wanto. Raüta, kra nge baiq wan taq kü chong thun jami thaq kiijaq, rum na acham rai, rum olip pechong kiiwa, akü ashi kra nge wan raüta, kiijaq tiipop triiche chhi wanto. Riita, ümchaü namshiq Pongnok phan maiqse sitlan kriika, ara chong tiikang rum wa olip pechong kü ashi atriiche chhi wan taq kra siwan tlan. Kra ningkhan tiina, namshiq riimin Jehudinok rii, achu shiiman ümchuwa sitlaq kra, lap wan tlan.

Romans 6:17

Shatmaq nashiq raq Shiikeawe ma kechutum chang jonghea sitlo! Akhing ashi na, namshiq ka namshiq tsan na ngarai tsii raq jaü tlaq, kra bom tai lanta, ngarai disetiim ma jawan lanta silan. Shatmaq, ümchaü sanha, namshiq raq tsan atsii kunli kiinong kuq lanta, namshiq ma achongkuq tengteng bomtsi kra lang tlan.

1 Corinthians 15:2

Riita, arka ngi raq namshiq ma Tsütsa Ahea chongkuq wan kang kra. Namshiq ka tsapkapkap maq Tsütsa Ahea kiima kam lanta si ronglaq. Raüla, namshiq ka mitiichhii wan. Shatmaq, namshiq kamasham ka riikhaqli awongsii riimak jiika, tiichhii lot man mirhan.

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

Ephesians 1:13

Kiimaq namshiq riimin la, Shiikeawe bomtsi Tsütsa Ahea kra tai lan. Kra tai lan krai mren she, namshiq ka tiichhii wanto she. Namshiq raq Khristo ma kam lan she. Krai mren, Shiikeawe raq namshiq ka apaiq rii she nguta, awura mong niishe tiiham wanto. Raüta, namshiq ma Asii Wenyi she kuqto.

Ephesians 4:22

Krai mren, ümchaü sanha, namkhum na rilung achü sitlaq kriika alam she riibaiq ronglaq. Namkhum na, man niiwa phung na mishang shaq na sitlan rilung ka, namnyung pukdong ngarai pum, laopha tsii nai sükha tsii raq, namkhum ka wiita atriim phaq wishe riito.

Ephesians 4:25

Ümchaü sanha, arot akiq bom chong ka raa mak she! Phungmaiqse liipan na, loweatek raq tengteng bomtsi kli she chong raa tlo. Ara jamkhano chongtiikang ngukla, ümchaü sanha, nashiq tarü ka, Khristo khum na, pum ashi hanshi she sitiikai.

Ephesians 5:4

Kiimaq, ümchaü sanha, namshiq nü maq, ashe ashi bomtsi, maiqphaq maiqni tiibii chang banbokmii bomtsi, kiimaq sheachong beachong bomtsi kriika, tiidong raa mak she. Kra rii na, ümchaü sanha, namshiq raq Shiikeawe ma kechutum lantli she singa rong laq.

1 Thessalonians 1:5

Man na naishiq raq, namshiq ma Shiikeawe Tsütsa Ahea chongkuq wankai akhing na, namshiq ma nü maq chongke wan lamlamli ka riimak; shatmaq, namshiq ma Asii Wenyi ningkun ajong maq, awang chang jaqsham maq tiichhikuq kai. Kiimaq tengtlaq bomtsi chongkuqkai irka, pharangrang maq chongkuq wan kai. Naishiq ka, namshiq rai adam siwan kai liipan na, awongsii Phungmaiqse rilung ka jamkhii sichang wa, kra tiichhikuq kai. Irka namshiq ma ahea miitu tiichhikuq kai.

1 Thessalonians 2:13

Kiimahali, naishiq raq wranaiqshe Shiikeawe ma kechutum tiikai arka, alam ashi dea asi. Arka, man na naishiq raq namshiq ma, Tsütsa Ahea chongke wa saü wan kai akhing na, namshiq raq Tsütsa Ahea ka, maiqse bomtsi nguta riimak, shatmaq, Shiikeawe bomtsi nguta tai lanta, lang wan lan. Kriika tengto dea. Jamkhano ngukla, namshiq apaiq ma kam tlantibi rilung na, Shiikeawe bomtsi raq, ümchaü min jaqsham wan ruq li.

Titus 2:11

Ara jamkhano chongtiikang ngukla, maiqse angu tarü hupli kra tiichhii wan miitu, Shiikeawe raq apaiq kaphap mangchan khoqramkii ka, Jesuq Khristo pum na tiichhikuq wanto she.

Hebrews 12:1

Riita, ija ümchaü sanha, nashiq trotam na, nashiq kamasham rilung na, nashiq ka jamkho shongnga tiikai, ara liiwanti, maiq hakhi bi ara chong wankai thun ara asi. Krai mren, ümchaü sanha, nashiq khum na tiibanbi chang ngarai, tiima tsantsii ümchuwa sitlaq kra thun ka wiita, chhut baiq thütlo wan rong i. Laita, kamtsantsii rilung na, ajong alu wan miitu, ümloq na saü li ju chang wa, kiijaq saü wanli chang miitu, shiikut laita ju rong i.

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.

Hebrews 4:2

Jamkhano akha tsii chongkuq tiikai ngukla, Tsütsa Ahea ka tsangshiq raq jamkho taitaq kiikhiisii hali, nashiq riimin tai kai she. Tsangshiq raq Tsütsa Ahea ka taito. Kriika tengto. Shatmaq tsangshiq ma amet dong chang jam min ahü riito. Jamkhano ngukla, tsangshiq raq kra taitaq tsütsa kiima, Shiikeawe raq tsangshiq ma nü mitiitsak kuqha nguta kiq kham kuqtaq kriika, tengteng dea mikuq nguta, kam mak dea riito.

James 4:8

Arkha maq, namshiq ka Shiikeawe wokhong na nyap wan tlo ronglaq. Raüla apaiq raq namshiq ka awokhong na mitiisi. Ai! ngarai maiqse kong lei! Namjaq ashe kra he wan tlo rong laq! Mongnam nok loi!

James 5:20

ara tsan na tiitsang ronglaq: Jurwa ngarai maiqse ashi ka lamjiq na akiho kiiwa tiijang shea wan tlaq, kriika ngarai tangti we tsaiji ka atsai kai chang wa tiichhii kuqto ngushat. Kiimaq ngarai pahea tiidii kuqto ngushat.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

1 Peter 1:9

Namshiq raq ara chochi rilung lam phan tlan arka, namshiq tsaiji ka Shiikeawe raq tiichhii wan tlaq kha maq chochi tlan. Arka apaiq ma namshiq kamtsantsii thü tlan kriithaq na seng raüta tiichhii kuq tlo.

1 Peter 2:1

Riita ara chongtiikai rawü anye she chhi lan arkha maq, ümchaü sanha, namshiq tsan among wa, phanrap abi ümchuwa sitlaq kra wiita raübaiq rong liishe. Namshiq raq ümchaü sanha, arot akiq naq bom rongkiq she. Makshu rashe lam maq naq si rongkiq she.

1 Peter 2:11

Phunainotiim lei, ngi raq namshiq ma tiipaiq tiinea lata chongkuq tiikang ara tairong laq. Nashiq ka ara mangjong hiq na wansha we kiimaq wanwe ikhli sitiikai. Namkhum na ngarai han-ngam sükha tsi, namshiq tsaiji rai wranaiqshe riilong liiq rai tlaq kiima, namtsantsii ka naq tiitang rongkiq.