James 1:22 - Muklom

²² Shkewa raaq tat tey tang ma chen ang eq, nim ni nim shi nak dip inn etharin eshi raaq shimal som inn.

ASII LAKDAP Bible (BSI)

²² Tsütsa Ahea bomchong kriika, ni maq lamlamse tai raü ka hong mak. Namshiq raq jamlai wa tai tlan, kra bomtsi ka maiqmii rilung na alang wan chang. Namshiq raq kra lang man miila sihan jiila, namshiq ka maiqmii kli tlao phaq tlan ngushat miraq.

Hawa Naga Bible 2001

²² Vpiq bomjungc kuex vtay lvmlvmc dvyx tay vtueq miqmac shauk vgvnz kuex nauk laulawc gay kaz; kvruex bomjungc kuex shuimc kay jix hez muex yaungx wuez kuinz.

James 1:22 Referencias Cruzadas

Matthew 12:50

Rangmungtan na tongtey i wa raaq tat tey sha i pho no nia i nu.”

Matthew 28:20

Etho nga nim ma raaqkhat bat taphang thaji shi tat rangma ning ma tatal ko inn. Etho mingkang thun náng thula, salwet nga nim jamna atha ang náng.”

Luke 11:28

Etho Jesu aa batta, “Etharin barey Shkewa tung aa raaq tat eq tong aa eshima ináng eq tho ahan sunmaan.”

John 13:17

Nim aa iri raaq tang raa usam eq inn, etho eshimal somlo inn jo Shkewa nim ma sunmaan kot pha nin.”

Romans 2:13

Chammatakoi thong raaq utat eq aa ta utang tho Shkewa jakho na asing miq ang moq angna, etharin utang eq thong raaq sho somlo aa ning sha hun asing miq angna.

1 Corinthians 15:33

Nak thom inn! “Jashit nokwa noknu tang shey jaqhal dangjang sha tashit chak aa.”

1 Corinthians 3:18

Utang eq tho piq ni piq sha athom ma hun ching ang moq. Nim wang chamtey iri mingkang rangma thunglam aa asam ta tathin ajo, piq sha athom ang ching. Irimal ang ajo piq sha asing eq asam atol angna.

1 Corinthians 6:9

Nim aa jaqhal eq sam inn, jashit miqtang Shkewa rangmungtan náng jin nop moq. Nim ni nim shi nak dip inn; ngarey miqtang, shila shumnuk tey miqtang, sathuk miqwa miqnu tang, miqwa ni miqwa jaktung na sathuk jaksomtey tang etho miqnu ni miqnu jaktung na sathuk jaksomtey tang,

Galatians 6:3

Chamtey eq chamtho ang moq ang eq piq ni piq tung aa raaq ajong ta tathin tak ajo, piq ni piq sha dip aa.

Galatians 6:7

Nim ni nim shi nak dip inn, Shkewa sha jin tikngit kung moq, miqna eq chamlang qhey jing aa, esha hun qhan na.

Philippians 4:8

Uthun o i no miqnu nia miqwa tang, bara asing, bara rangka eq ching, bara khakla, bara asang, barey sungrang kot aa, bara rapney qhal aa, bari tung aa raaq raa aqhal raaq, eshi tang shi tathin inn.

Colossians 3:17

Raaq wang tia jaksom wang chamlang somlo inn jo tho thaji shi Teyhungwa Jesu miing wang somlo inn, etho piq tungkang o Shkewa ma Kechu ajong kot inn.

2 Timothy 3:13

Etharin jashit miqtang etho udiptey tang aa dip eq etho dip kap eq, jashit o chan chey na.

Titus 3:3

Hiqtang tho jakho o thunghung, raaq tatmoqtey etho aja somtey angti. Etho hangam ramcham danjang eq bukjam taphi etho ngeljo ngikjuk na ashey eq ashey ma tha miiksuk eq tongti.

James 1:26

Chamtey tang eq ning ni ning sha asing phong miq ta tathin aa, etharin ning phali sha jin táng moq ang ajo, ning aa ning ni ning sha dip aa etho ning phong sha thanghung.

James 4:11

I no nia pho tang, ashey eq ashey ma jashit ta nak raaq inn. Chamtey uno nia pho tang sha jashit ta raaq tia phung ajo piq aa thong sha jashit ta raaq aa etho phung aa. Nim aa thong sha phung inn jo esha tat mintey etho esha phung ma tongtey.

James 4:17

Eshirangma barey jaqhal jin som ma sam aa etharin esha somlo moq ang ajo, ning rangma ira ngarey.

2 Peter 2:13

Ning aa miq dak tashit ta mal ning ma tho eshimal hun angna; ning aa rangney o tho jashit kut aa kan eq ning hanngam tinthin sha tasungrang na, ning aa irimal rakri jaksom som eq nim jamoq phaksat phaksa ajo, rakri raaq angna.

1 John 1:8

Í ngarey ahung ta hiqtang aa bat i jo, hiqtang ni hiqtang thadip i etho hiqtang tin mong na chamtho asing ahung.

1 John 2:3

Hiqtang aa piq raaqkhat tang sha tat i jo hiqtang aa piq sha usam i ta sam i.

1 John 3:7

I sa tang, utang tho nim ri dipkup ma nak kot inn! Utang eq asing somlo aa, chamal Khristo asing miq thimal piq sha asing miq.

3 John 1:11

I tinmat nokwa, chamlang jashit shi nak kaling u, etharin chamlang aqhal aa iri hun somlo u. Utang eq jaqhal somlo aa, piq Shkewa wang etho utang eq jashit somlo aa, piq aa Shkewa sha khi moq.

Revelation 12:9

Ajong puchapak tha urangkamwa tang jamoq mingkang náng bichak ta. Piq aking pu bara thangwa tha etho Satan ta thaming ta, etho piq aa thaji mingkang sha dipkup ta.

Revelation 22:7

Jesu aa bat aa, “Tat u, nga kalo kapha náng! Barey iri likdap raaqtóng raaq raa tat aa piq ma sunmaan.”