ISAIA 13:7 - ASII LAKDAP Bible (BSI)

⁷ Maiqse angu wiita jaq ka riibat rang she anin mirki. Maiqse wiita jurmin khulot makshe miraq.

Hawa Naga Bible 2001

⁷ Miq ruip rawx yauk htenc kuex nulx wvnc vtueq, kvruex hez kuex vtawz rvkaz wuez tuex.

ISAIA 13:7 Referencias Cruzadas

Tvtsvmc 58:7

Tsangshiq ka chhokche kham kihotlaq ikha siirai mikiholaq; lam na acham sangphii hok maq nibaiqtlaq ikha minibaiqlaq.

DUNGWVNC 15:15

Edom mung welabi phiipjiip wanto; Mob mung nola jongbi atiikhai riitlo; Kanan mungti tsangshiq tsaiji tiidoqto.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

ISAIA 37:27

Kiijaq siti maiqse thun ka ningkun ahü jomtlii jomkito. Tsangshiq ka phiip raq tsaito. Raüta tsangnü hamlak lak, tsitsü min healot mak tiiraito. Tsangshiq ka sangphii wakram na chamtlaq ikha. Riimakla wukhu thung na tsaramtai na sang cham tlaq ikha. Ümtiikiiwa shedong mung nü wa rahai haike saüwan raüjaq shinkitlaq ikha shinkitlo.

ISAIA 51:20

Lam awea lamshok tek na, ümsenginok ka alangpit tsi raq küram liiraq bumkito; tsangshiq ka chhingise maiqchiiq na aminrai ikha. Tsangshiq raq Shiikeawe tsankhiq sintsang heng ka saptoshe.

JEREMIA 50:43

Bebilon mung hokhamwe raq tsütsa ka taito, kiimaq ajaq aji ka atiikhai rokrok maakito. Apaiq ka akii anyii phiip raq tsai wanto, jechak nyung nowüchhi tsi chamchao tlaq ikha.

JEREMIA 51:30

Bebilon mungti phenlabi raq rekhat ka athaq she riibaiqto. Raüta tsangshiq ka chela kiitelong ruk mong niili ngakito. Tsangshiq ningkun ka ajom she, jechakre ikhiishe haitlo. Chela tro wa kilamchong thun kiimin wiita thenkito. Jamthun ka wa miishe chaqbaiqto.

EJEKIEL 21:12

Tsanbitsi ma pitlang pitthea hoqsiqlaq, maiqse lei; ara nepja arka isenginok jiipbaiq miitu, kiimaq Israil mungti welabi jiipbaiq miitu. Tsangshiq ka wiitashe mijiipbaiq, isenginok mung maiqse rai mitsatbaiq. Ümkhuk na jaq tham maq tiitap laüta tsaihü jihü hoqsiq laq!

EJEKIEL 21:7

Ümtiikiiwa tsangshiq raq ümniima jam nguto hannyi rai tlaü nguta waikiiphaüla, tsütsa saü wantlaq kra tai lata hoq tiikang nguta tsangshiq ma chonglaq. Ümtiikiiwa kriishe saüwa jiiq, raüla tsangshiq ka tsanhü wokhü she mikiinyii wan. Tsangshiq jaq aji thun kra ninta tiikhai rokrok she miraq, tsangshiq tsaiji ka tiidearok she miraq, kiimaq tsangshiq lakü thun ka wiita nintata she atiikhai rokrok miraq. Kra akhing ka saüwato she. Ajiishe saü wato.” Arka Tati Rakaü Hiqwe raq toqtantlo.

EJEKIEL 7:17

Maiqse angu kunli ka tsanghok tsang jaq thun ka arok arii min ahü ikha nintata miraq. Tsangshiq lakü thun ka atiikhai rok shrok miraq.

NAHUM 1:6

Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

NAHUM 2:11

Hangsikong sichang longsha ikha chela, ümchaü ümbano? Hangsi sekong dungchang longsha irchong? Hangsi liwe nai hangsikaü sichang irchong? kiimaq asetiim thüchang longsha?

JOSHUA 2:11

Naishiq raq kra tsütsa ka tailaita, naishiq ka pinthum atiikhairokrok she hai wan kai. Naishiq ka namshiq ma haima, tsitsü min dong mak she. Tengto. Namshiq Tatiwe Shiikeawe ka ramungtan nai mangjong hiq ara rümti dea.