ISAIA 13:6 - ASII LAKDAP Bible (BSI)

⁶ Amitsi ma gitrang ronglaq! Tatiwe ranaiq ka saühoto she. Ajong Pinthumwe raq tiithenbaiq ranaiq akhing ka saükito she.

Hawa Naga Bible 2001

⁶ Vthuiuz vsac maq guyc sez khoar kuinz! Yehowa raungnuiyq kuex vnyek dvyx shex, Tvphaungc Tvsuip waz kox wawc tvbac gay raungnuiyq kuex httuiuc kaz yaq shex.

ISAIA 13:6 Referencias Cruzadas

YOBA 31:23

Jamkhano ngutiikang ngukla ngi ka Shiikeawe moho ma haitiikang, kriikha na ümtiikiimin akha ashut klo mang.

ISAIA 10:25

Ngi raq namshiq ma imo tiihotiikang arka jaqloli she mihohan. Kra jai miika, Ngi raq tsangshiq kriishe mishthenbaiqha.

ISAIA 10:3

Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

ISAIA 13:9

Tatiwe ranaiq ka saü wanto she. Kra ranaiq ka apaiq tsankhiq henghea walü wa trang ranaiq kiimaq apaiq khiqriq heng wan ranaiq miraq. Mangjong hiqraikhü ka kumtsaiphii miishe mitiijabaiq. Kiimaq ngarai maiqse angu thun wiita mishthen baiq.

ISAIA 14:23

Ngi raq Bebilon chela ka boqbaiqbuq tham chum miishe mitiija baiqha. Lata kiijaq wukhuk kong dachang miili she mitiija baiqha. Ngi raq Bebilon mung ka wiichhiite maq wiita siirai she michhii baiqha. Arka Ngi, Ajong Pinthum Tatiwe raq ngu tiikang.”

ISAIA 14:31

Agi lülü hoqtrang ronglaq. Lantea khrum jaü hoqtrang ronglaq, Namshiq Philistain mung wa chela thun tlotli raq hoqtrang ronglaq! Phiip jiip ronglaq, namshiq tarü! Shekhu nü mung maq botkhulai khuk wa rathaiq saü wantlo. Kra rekong saü wan tlaq phong niika wepuq ngutiika weshi ra min ahü. Srea nolakong siisaq.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

ISAIA 23:1

Arka Tajar chelati miitu tsütsa. Agilülü hoqtrang ronglaq, namshiq sammok tra chum na mokkiitu jiiqtibi lei! Namshiq laitoq chang nam mung wa Tajar chela ka thento she. Chela mong wa maiq jam thun, Mokkiitu khing wa chang ka thento she. Namshiq ka mokkiitu thun maq khamjong mong na sitlaq Saipras mung maq nam mung nü na khamjong mong maq awawan lam maq tsütsa ka tailan.

ISAIA 34:2

Tatiwe ka maiq mung kunli ma kiimaq tsangshiq phenlabi thun tlotli ma atsankhiq. Apaiq raq tsangshiq ka tiishaübaiqto she. Raüta chongthum tiijabaiq miitu kha tanto she.

ISAIA 34:8

Ahata Tatiwe raq Jajon chela kra khup wongke wan akhing. Kiimaq Jajon chela phuk lamke akhing. Raüta Jajon jaqtinok kra mijiip baiq wan.

ISAIA 47:11

Ümniima miqchup chamchao misaü, kriika ümniiraq ümtinkhanli mintin klo haü min shiikhinglot maü, Ümkhuthaq na tiihanghiiq miili laimiq rathaiq misaü wan, Ümniiraq rawa ma maq dongdii min chhimaü chongthum rathaiq misaü wan!

ISAIA 52:5

Riita ümchaü min, Bebilon mungti riimin namshiq ka ningkun maq tsuq wanto. Namshiq ka shumwi kong. Kiimaq namshiq ri thii miitu jamlai kampho min kuq mak dea. Namshiq pengtibi riika tsang jaq phum rap wrap raüta shiikong siqtlo. Raüta ra na dü ma phipii srasiqtlo. Raüta tsangshiq raq imang ka pinthum chuphit nüphit shummiisiqtlo.

ISAIA 61:2

Apaiq raq ngi ka chiiriim raüta tsütsa tiichongkai tiikito, Tatiwe raq asenginok tiichhii wan akhing ka saüto she Kiimaq tsang jaqtinok kra mitang wan. Apaiq raq ngi ka aho ajüti kunli tiijaiqkai tiikito.

ISAIA 63:4

Ngi raq isenginok tiichhiikewan akhing ka saüto she nguta thapthi wan kang. Tsang jaqtinok thun ma mo tiiho akhing ka saüto she.

ISAIA 65:14

Tsangshiq ka khoqriiq shishiiq ashi ange misi wan. Shatmaq namshiq ka tsan among bunlaklak mihoqsiq wan han.

JEREMIA 25:34

Hoqtrang ronglaq, namshiq welabi thun ka, isenginok rümti mungtubi lei, tiihong lanta hoqtrang ronglaq! Maaho majü hiq na bot khulai thaq na akap atsea phelanta hoqtrang ronglaq. Namshiq jiipbaiq wan akhing she saü wato. Namshiq ka sku aresekong ikha mitaabaiq.

JEREMIA 49:3

Heshbon chelati lei, hoq trang ronglaq! Ai chela ka tiithen baiqto she! Rabba chelati jechakre lei, maaho manyi hoqsii trang rong laq. Wunthaü riinaü khea thum sam lanta hoq trang rong laq! Lanta tuktuk mukmuk sunghü tsiihü jutrang rong laq. Namshiq phra kaü Molekh ka re raq munglu shumwi miishe milap wan. Kiimaq apaiq rai ramwebi kiimaq aki miikiim sere thun kiimin munglu shumwi ma mitsuq wan.

JEREMIA 51:8

Bebilon ka tiihanghiiq miili dea wanto. Raüta tiisiirai she thento! Amaa hoq ronglaq! Apaiq mi thun kra phum ma tsiq rit ronglaq. Jursap tsiq maq phum raülo heaki jiiq riila

EJEKIEL 13:5

Tsangshiq raq chela tro ruk athen arki baba thun kra khemak. Kiimaq ruk thun thenkitaq baba thun kriimin tiihea haimak. Kra ningkhan Tatiwe ranaiq akhing na re dong raüla, Israil mung ka tiiwong chang jammin ahü she.

EJEKIEL 21:12

Tsanbitsi ma pitlang pitthea hoqsiqlaq, maiqse lei; ara nepja arka isenginok jiipbaiq miitu, kiimaq Israil mungti welabi jiipbaiq miitu. Tsangshiq ka wiitashe mijiipbaiq, isenginok mung maiqse rai mitsatbaiq. Ümkhuk na jaq tham maq tiitap laüta tsaihü jihü hoqsiq laq!

DANIEL 5:26

Kra liichum ka ara: MENE, Shiikeawe raq ümmungtan rahiq ka weaje she. Raüta tiithum baiqto she;

DANIEL 5:9

Kriikha niishe, Hokhamwe Belshajar ka achapa tsi ma achu anü hamlak lak, atheaphi ka jajuk wan wan she riito. Kiimaq asenginok aki miikiimbi thun riimin apaiq ka khrum kuqlot mak, ümkhii ijasiq she riito.

Yoel 1:11

Wakshamseati lei, tiirai ronglaq, Spiqtsiro shamti lei, aho asii trang ronglaq. Bunwong rü nai jaili rü thentaq kra miitu, wak wa tü atsam wiita thentaq kra miitu, hoqtrang ronglaq.

Yoel 1:13

Ramwebi lei, wunthaü riinaü khea sam lanta hoqtrang ronglaq, namshiq berongwacha na jaqshamti ramwebi lei, hoqtrang ronglaq! Warong ra Shomjam mong na Shiikeawe kolibi lei rawa minru! makphai khüshang hoq lanta, mra tiidii wan achujaü ronglaq! Ümchaü sanha, namshiq Shiikeawe jam na, wongrai honglu nai spiq tai honglu ke chang min ahüshe.

Yoel 1:15

Alei! Tatiwe ranaiq saütlo she! Tati Ajong Shiikeawe raq, mangjong maiqse shiithen baiq wan akhing saüwato she. Kra ranaiq thenjen wan akhing ka, pinthum phiiptsi chang sitlo!

Yoel 1:5

Tiido ronglaq, cherop tsampiiti lei, lanta hoqtrang rong laq. Chechok tsampiiti lei agilülü hoqtrang ronglaq. Namchekhap kra miitu hoqtrang ronglaq, jamkhano ngukla ümchaü sanha nyanglu maü she.

Yoel 2:1

Lerong tsü ronglaq. Shiikeawe asii hiqlam maq, Shiikeawe raq atsea wan Jajon hiqlam maq tsü ronglaq. Juda mungti lei atiikhai rokrok phiip ronglaq! Tatiwe khapho wan ranaiq ka saüho tlo she!

Yoel 2:11

Tatiwe raq asengi kupchi re ma, aho anyi waliishe aming kuq wantlo. Asengi kupchi re raq apaiq aming taitlo. Asengi rewe ra ma hiq ma, kiimaq srea nola ahong ala. Tatiwe ranaiq ngutlaq pinthum phiiptsi chang. Ara khapho rung wa juro mitiichhii lot?

Yoel 2:31

Ara pinthum phiiptsi chang nai kiinyiichang Tatiwe ranaiq misaü shaq na, rashekaü ka minyaqki. Jipi min tiijai ikha miklaiki.

AMO LUIK DVP (AMOS) 5:18

“Alei, Tatiwe ranaiq ritti ma phiiptsi chang miraq. Tatiwe ranaiq ka jaram wa rit tlan? kriika khapho ranaiq miraq! rawüli ka riimak!

JEPHANIA 1:14

Tatiwe ranaiq jonghea ka ajeli she, napto she, aje niishe jaqlolo she saü wantlo! Kra ranaiq ka khaphea ranaiq miraq, srea nolajongbi kiimin, aho anyi riichanchan jamkha ijasiq miraq!

JEPHANIA 1:7

Tatiwe khapho ranaiq ka, saüwantlo she ajeli she. Kra ningkhan apaiq man na sanglili nga ronglaq. Tatiwe raq asenginok ka, honglu na take ma tiijetlo. Krai mren chiqse rewenok ka, Juda mung runbaiq miitu, tiihea kito she.

JEKERIA 14:1

Liirong laq, Tatiwe raq phangthum khapho akhing ka saü wanto she. Kra akhing na Jerusalem wa tsiiq nai nyam tum ka re raq sepat lopi ma mitsuq wan. Raüta namshiq makki na sepat lopi ka tsangshiq liipan na mirphea phaq.

MALAKI 4:5

“Shatmaq, liirong laq, kra Tatiwe ranaiq jonghea kiimaq phiiptsi chang ranaiq kra misaüho shaq na, ngi raq namshiq phana shammiwe Elija mitiikiliha.

James 5:1

Riita, ümchaü ka namshiq chiithe laopanbi miishe chongkuq pha, tai ronglaq. Samhea tiitsang tai rong laq! Namshiq ma waqkhü kham nyang akhing she saü wan tlo!

Revelation 18:10

Wa na apaiq khiim wan kra chhi raüta, tsangshiq ka phiip raq mitsai. Tsangshiq ka alu na chap raüta, akii anyii akha mihoq trang: “Phiiptsi! phiiptsi, O ajong chela lei, O, Bebilon chela ajong ningkun rümti lei! narishi niili chongthum miq wan laü nya!”