ISAIA 13:8 - ASII LAKDAP Bible (BSI)

⁸ Tsangshiq tarü phiip raq mitsai, kiimaq jechak nyung nowüchhitsi ma phephiiqtlaq ikha atsitsi ma miphetrang. Tsangshiq nai tsangshiq liipan na riilii riilii raüta mikiinyiisiq. Kiimaq tsang theaphi na munjuk mijuk tapkhu dali she miraq.

Hawa Naga Bible 2001

⁸ Tsuingshiq kuex nox wuic khic jix nyuiuz ikhoc lotlaz kuex hiyaz kawc yawc vtueq thuiuz vsac rvhumc wuez tuex. Tsuingshiq vshiz maq vshiz vhiz vsungx thuinz maq rvlawc wuez tuex, tsuingshiq htvlx phawc htenc kuex yvlc sac vtueq shawx wuez tuex.

ISAIA 13:8 Referencias Cruzadas

2 HOKHVMX 19:26

Kiijaq siti nokmaiqse ka ningkun ahü. Tsangshiq ka phiiptsi jiiptsi, sunghü tsiihü mokbaiq wanto. Tsangshiq ka hiq na sangphii rü ikha riimakla jam wukhu thaq na sang cham tlaq ikha, rashe kii shedong nü maq haike haiwan kiijaq jungki tlaq ikha shinkito.

Tvtsvmc 48:7

khamjahat thun rathaiq mong na tiithoksiq tlaq ikha.

ISAIA 26:17

Tatiwe lei, ümniiraq naishiq ka tiihoq laü, jechak nyung nowü chhitsi ma hoqtlaq ikha hoqtrangkai.

JEREMIA 13:21

Ümniiraq jamlai she wa mingu haü, ümniiraq kongtibi khla nguta atiima haü nok raq nam mung ka khat raüta, namshiq ka jamsha wan raüjaq? Ümniika maiq nyung nowü chhi tsi ma hoqtlaq ikha mihoq haü.

JEREMIA 30:6

Ümchaü min tsaq ronglaq lanta tiima ronglaq! Maiqwe ashi riika ase michiisha? Ikhiijiika Ngi raq maiqwere loweatek ka tsang jaq maq tsangwok po na kam raq raq, jechak nyung ase chii na phephiiqtlaq ikha ka jaro? Maiq loweatek ka tsang theaphi mut maq maq ka jaro?

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

JEREMIA 46:5

“Shatmaq Ngi raq jamlai wa chhitiikang?” nguta Tatiwe raq waito. “Tsangshiq ka akiinyii raüta jai na jang rang jang wanto. Tsangshiq phenlabi thun ka tiinamtok khat baiqto; tsang haisitsi ma phiip raq tsai wanto, raüta tsitsü panthit jutrangto, kiimaq tsangjai nü na liimak she.

JEREMIA 48:41

Raüta Mob mung wa chela thun nai chela kiitelong ruk thun ka wiita khat raüta mijii wan. Kra ranaiq akhing na Mob mungti phenlabi thun ka jechak nyung asechii nowüchhi tsi dongho raüjaq kiinyii phephiiq tlaq ikha mihaisiq.

JEREMIA 49:22

Re raq Bojra chela ka liihawe raq pechong mun maq ajolulu raüta wu dophaq wan tlaq ikha mido phaq wan. Kra akhing na Edom mungti phenlabi ka jechakre nowüchhitsi na phela tlaq ikha ahai sitsi ma miphela.”

JEREMIA 49:24

Damaskas chelati ningkun ka ajom she. Raüta akiinyii tsi ma wiita she pintrangto. Tsangshiq ka jechakre nowü chhi tsi akhing na phetlaq ikha kai chamchaotlo.

JEREMIA 50:43

Bebilon mung hokhamwe raq tsütsa ka taito, kiimaq ajaq aji ka atiikhai rokrok maakito. Apaiq ka akii anyii phiip raq tsai wanto, jechak nyung nowüchhi tsi chamchao tlaq ikha.

JEREMIA 51:30

Bebilon mungti phenlabi raq rekhat ka athaq she riibaiqto. Raüta tsangshiq ka chela kiitelong ruk mong niili ngakito. Tsangshiq ningkun ka ajom she, jechakre ikhiishe haitlo. Chela tro wa kilamchong thun kiimin wiita thenkito. Jamthun ka wa miishe chaqbaiqto.

EJEKIEL 20:47

Shemai nü na rumnyangkhi sitlaq kriima Tati Rakaü Hiqwe raq jamlai bom wa chonglaq kra tailaq nguta chonglaq: Liirong laq! Ngi raq wa ka chaqpha tiikang she. Ara wa raq üm mung na pechong thun ka asang lo kiimaq ashin lo jiimin wiita mikhiimbaiq. Jamlai phan riimin wa ka tiimatbaiq lot mak miraq. Kra wakhiim nyai wan tlaq kriika shemai nü mung maq riita shekhu nü mung na saüli mikhiim wan. Kra wakhiim walü lap heng ka maiqse wiitarü raq misap wan.

Hosea 13:13

Israilnok chhun wan chang lamlu asi. Shatmaq tsangshiq angi maiqjiq. Nowüchhi akhing na, anyungwok mong wa rawüchhiki romak, anyung puk niili ngatlaq no ikha

Yoel 2:6

Kupchikong watrang chhiraüta, maiqse angu kunli phiipraq tsai wanto. Maiqse theaphi tapdali she riito.

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

John 16:21

Ase chii nam nam, wiihan nyung kriika, nowüchhi chamchao akhing she saü wantlo nguta chapakhiq sitlo. Shatmaq, nowüchhi lot jai she ka, apaiq chamchao kiimin alaq she riibaiq tlo. No ashi raq, mangjong hiq na rawii she chhito nguta, kai chochitlo.

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.