ISAIA 13:9 - ASII LAKDAP Bible (BSI)

⁹ Tatiwe ranaiq ka saü wanto she. Kra ranaiq ka apaiq tsankhiq henghea walü wa trang ranaiq kiimaq apaiq khiqriq heng wan ranaiq miraq. Mangjong hiqraikhü ka kumtsaiphii miishe mitiijabaiq. Kiimaq ngarai maiqse angu thun wiita mishthen baiq.

Hawa Naga Bible 2001

⁹ Yehowa raungnuiyq kuex httuiuc wvnc yaq, kvruex raungnuiyq kuex thuinkhaq vtueq thuinkhvy phuk raungnuiyq rvtueq. Ghaq kuex yaruix rumz tvyaungc vtueq, mvrax miq htenc kuex tvbac gay rvhumc tuex.

ISAIA 13:9 Referencias Cruzadas

Tvtsvmc 104:35

Ngarai maiqse thun ka hiqraikhü wa mishthenbaiqlaq; abi kloti ka ahüshe mirlaq. Tatiwe ka tiitsamlaq, itsaiji lei! Tatiwe ka tiitsamlaq!

TAKSU LAK 2:22

Shatmaq Shiikeawe raq, ashut kloti ka armung arwa, hitjoq alam mirbaiq wan, kiimaq ngarai maiqsetiim ka, pecham phaibaiq tlaq ikha, arangchong maq barot miphaibaiq.

ISAIA 13:6

Amitsi ma gitrang ronglaq! Tatiwe ranaiq ka saühoto she. Ajong Pinthumwe raq tiithenbaiq ranaiq akhing ka saükito she.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

ISAIA 34:8

Ahata Tatiwe raq Jajon chela kra khup wongke wan akhing. Kiimaq Jajon chela phuk lamke akhing. Raüta Jajon jaqtinok kra mijiip baiq wan.

ISAIA 63:4

Ngi raq isenginok tiichhiikewan akhing ka saüto she nguta thapthi wan kang. Tsang jaqtinok thun ma mo tiiho akhing ka saüto she.

ISAIA 66:17

Tatiwe raq ngutlo, “Thatsang maiqse rai noqku na kaidam miitu maiqmii khum tiisii raüta sitibi ma, kiimaq juwa asii sonruk thun na nanok rai akong ada kidamtlaqti thun ma, kiimaq jurwa waq ngam nai juk ngam phaqkai dam kitlaqti ma, kiimaq maiqphai asi tsam phaqsea damti thun ma, athum wan akhing saüwa miika ajeli she.

ISAIA 9:19

Jamkhano ngukla Ajong Pinthum Tatiwe ka atsan khiqhea, arningkhan tiina apaiq raq tsangshiq ma mo tiihotlaq wa ka tsang mung tlotli na wakchaq walü wa ikha tiinyai chaq wantlo. Raüta mungmaiqse ka wiita thumpak tsatbaiq wantlo. Kiimaq maiq pumsii loweatek ka apaiq miituli she sitlo.

EJEKIEL 13:5

Tsangshiq raq chela tro ruk athen arki baba thun kra khemak. Kiimaq ruk thun thenkitaq baba thun kriimin tiihea haimak. Kra ningkhan Tatiwe ranaiq akhing na re dong raüla, Israil mung ka tiiwong chang jammin ahü she.

EJEKIEL 30:3

Kra ranaiq ka aje niishe, kra ranaiq Tatiwe raq jaqsham misham, Kra ranaiq ka maiq mung thun ma phumthup kiimaq chamchao ranaiq miraq.

Yoel 1:15

Alei! Tatiwe ranaiq saütlo she! Tati Ajong Shiikeawe raq, mangjong maiqse shiithen baiq wan akhing saüwato she. Kra ranaiq thenjen wan akhing ka, pinthum phiiptsi chang sitlo!

Yoel 2:1

Lerong tsü ronglaq. Shiikeawe asii hiqlam maq, Shiikeawe raq atsea wan Jajon hiqlam maq tsü ronglaq. Juda mungti lei atiikhai rokrok phiip ronglaq! Tatiwe khapho wan ranaiq ka saüho tlo she!

Yoel 2:31

Ara pinthum phiiptsi chang nai kiinyiichang Tatiwe ranaiq misaü shaq na, rashekaü ka minyaqki. Jipi min tiijai ikha miklaiki.

NAHUM 1:2

Tati Shiikeawe raq apaiq rai riilong liiqti ka, akhiismin nin lot mak jaq mitiijang, tsangshiq ma atsankhiq tsi ma, tsangshiq mitsa.

NAHUM 1:6

Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.

NAHUM 1:8

Apaiq raq ajaqti thun ka, jüchhang wa ikha, wiita tiithum tsat baiqtlo; Apaiq raq apaiq ngengti, maakhobok na tiidea baiqtlo.

JEPHANIA 1:15

Kra ranaiq ka tsankhiq heng ranaiq, pitlang pitthea riihum ranaiq miraq. Athen ajen wan nai athum wan ranaiq miraq. Rathaiq ranyaq ranaiq, ranyaq tangtang ranaiq, kiimaq phumthup ranyaq ranaiq miraq.

JEKERIA 14:1

Liirong laq, Tatiwe raq phangthum khapho akhing ka saü wanto she. Kra akhing na Jerusalem wa tsiiq nai nyam tum ka re raq sepat lopi ma mitsuq wan. Raüta namshiq makki na sepat lopi ka tsangshiq liipan na mirphea phaq.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Revelation 18:8

Arkha na apaiq phaqti thawa misaü, ranaiqshi niili chongthum mirngaü, thawa, maaho, ramdong misaü. Apaiq ka chongthum wa raq mikhiim baiq wan, Apaiq kha phoketi Tati Shiikea Ajong pinthum!”