ISAIA 13:7 - Hawa Naga Bible 2001

⁷ Miq ruip rawx yauk htenc kuex nulx wvnc vtueq, kvruex hez kuex vtawz rvkaz wuez tuex.

ASII LAKDAP Bible (BSI)

⁷ Maiqse angu wiita jaq ka riibat rang she anin mirki. Maiqse wiita jurmin khulot makshe miraq.

ISAIA 13:7 Referencias Cruzadas

Tvtsvmc 58:7

Tsuingshiq kuex ruic wvnc yaq yuix ikhoc mmoz wvnc kueq; lvmx nuex kemz yaq httuingx ikhoc tsuingshiq kuex vnyek nuiuz gay mrvhumc kueq.

DUNGWVNC 15:15

Edom mungx wawc walaungx bix kuex kvkhuirc hisungx wuez tueq; Moba mungx wawc hungc vlaungc vhttax jix htenc kuex kvkhuirc wuez yaq; Kanaan miqsaz kuex thuinz bac vtueq nulx wuez yaq.

ISAIA 19:1

Vruex kuex Ejip nuex seng yaq bomjungc rvtueq. Yehowa kuex phuemx nuex ngaungc vtueq Ejip nuex yauk lox maq kaz yaq. Ejip yac yuimx htenc kuex vpiq khaungkac nuex kvkhuirc vtueq, Ejip miqsaz htenc khvmc thuinz kuex sumx wvnc tuex.

ISAIA 37:27

Kvruex yuq httax yaq mungx miqsaz htenc luimc vkawc nulx wvnc vtueq; tsuingshiq kuex hiyaz kvkhuirc kawc yawc wuez yaq. Tsuingshiq lotlaz kuex tvnx nuex kemz yaq httuingx vnamx, rvmuq ngoz ruiux yuimx khux htauk nuex kemz yaq httuingx kuex vkalx shaldungc raungguil rueq yvp gay tueq ikhoc yaungx kaz tueq.

ISAIA 51:20

Hungc vlaungc nulx wvnc ningkhvnc nuex mmiq htenc kuex lvmx heq tek nuex rul wvnc wuez vtuex; tsuingshiq kuex shvrvyx waz bix nuex vmanz khiyix ikhoc yaungx tuex. Tsuingshiq kuex Tishox thuinkhvy phuk yaq kuex rvhumc vtuex.

JEREMIA 50:43

Babelon hokhvmx waz rueq thaungc kuex tay tueq, piq yauk htenc yulx kaz tueq. Piq kuex vkuilc vdaz rvhumc vtueq, nox wuic khic thuiuz yaq nyuiuz ikhoc vthuiuz vsac rvhumc yaq.

JEREMIA 51:30

Babelon nolaungx bix kuex ralx khvt muq maq tsuingshiq nolaungx ghaqshungc mungx nuex dvyx httax yaq. Tsuingshiq kuex thuinbac nulx wvnc vtueq yalxjuik rulx ikhoc dvyx shex yaungx yaq. Ghaqyungx palx kaluix htenc kvhttak wvnc ruiux, yuimx htenc wvr rueq khamc gay tueq.

EJEKIEL 21:12

Vthueyc rvyaq miq lex, yonzyex vtueq guyc khoar kuiuz; vruex yaung kuex ngvy miq htenc nuiyc Israel walaungx bix lotlaz tvkoc rvtueq kuex vlvmz tvkhic yaq. Tsuingshiq kuex kvjungx yaq ngvy miq htenc rulc vdvmz nuex thvy gay rvhumc tuex. Thuinz htumx vtueq mkhuiuq kvyuq kvwungc kuiuz!

EJEKIEL 21:7

Tsuingshiq rueq mnoz yvmx ngoz tueq lac kvbot nyvnx kaz tuiux, ngoz tueq mnoz muex wiz ruiux yuq, kvruex kuex httuiuc wvnc yaq wawc thuix thaungx ningkhvnc nuex rvtueq ngoz tueq tsuingshiq muex jungx shuiuz. Kvruex thaungc kuex httuiuc wvnc ruiux yuq, tsuingshiq thuinz vmungx nuex vhiz yaz thuinz mvrc wvnc vtueq, tsuingshiq yauk htenc nulx wvnc ruiux tsuingshiq nuex httax yaq khvmc thuinz kuex yomx wvnc vtueq tsuingshiq laungkuix htenc kuex kv-khuirc wvnc tuex. Kvruex yaungx wvnc tuex vkhing kuex vyuq httuiuc waung shex.” Johvlc Yehowa rueq jungx tueq.

EJEKIEL 7:17

Miq tek vtueq yauk htenc kuex nulx wvnc ruiux, tsuingshiq laungkuix htenc kuex kv-khuirc wuez tuex.

NAHUM 1:6

Vpiq thuinkhaq ruiux yuq, ukhaq lac tvraungx lot tvnx? Vkawc yawc juing vpiq thuin-khvy dung yaq kvyuq, ukhaq lac tvraungx lot tvnx? Vpiq rueq luic thuiyc yaq thuin-khvy kuex ruiuc gay koq tueq; Vpiq khaungkac nuex lung htenc kuex bokkhuyx ikhoc bunx wvnc tueq.

NAHUM 2:10

Ninewe kuex tvbac gay tueq, tuip gay shec tueq, kuiyqshuik kuiyq khvmx yaungx tueq! Hisvy thuiuz muex thuinz vmungx yuimx wvnc khvm-khvmz; laungkuix htenc kvkhuirc dvn-dvnz, hungc vlaungc vguez; htvlx phawc htenc luiz lep lep shex.

NAHUM 2:11

Hangsic htenc bumc belc juing svl vwvl jamx, hangsic sahez gvy juing, hangsic vroalc htenc rueq phuiuz svy thuiyc phuiuz juing baung, hangsic vlaz vkuiux vdvmz nuex khuemx vtueq tsuingshiq sahez rulc kvyuq kv- wungx httax wvnc tueq ikhoc ghaqyungx iruex majuiuc m-yuq shex lac?

JOSHUA 2:11

Kvruex thaungc htenc kuex nuiyshiq rueq lvmz lvy dvyx tay vtueq hisungx wuez vtix; nuimshiq ningkhvnc nuex nuiyshiq kuex thuinbac vtueq hungc vlaungc yomx wuez yaq. Yehowa nuimshiq Tishox kuex raungmungx nuex muinz, ghaq htauk nuex muinz Tishox rvtueq.