ISAIA 1:2 - ASII LAKDAP Bible (BSI)

² Tati raq nguto, “Ra nai hiq lei, Ngi raq jam lai wa chongtiikang kra taironglaq! Nosere Ngi raq atiijonglu wanha thun raq ikiq khiitlo. Raüta iwokhong wa donghotlo.

Hawa Naga Bible 2001

² Yehowa rueq, “Ghaq nuiyc raungx lex, ngaz rueq yvmx lac jungx vshaungx kuex tay shuinz! Ngaz rueq vtvpez luz nosaz rulx rueq ngaz kuex khawx lvlx wuez yaq.

ISAIA 1:2 Referencias Cruzadas

2 HOKHVMX 21:22

Apaiq raq Tatiwe, atitiim Shiikeawe kra no na thübaiqto. Raüta Tatiwe aming raütu thun ka wiita jinbaiqto.

Tvtsvmc 49:1

Ara taironglaq, wiitarü raq! Taironglaq, maiqse tarü barapti raq,

Tvtsvmc 50:4

Apaiq raq ramungtan nai mangjong hiq ka rukwe kiimwe ma tiijatlo apaiq raq asenginok kha phokuqtlaq kra lümaq.

ISAIA 30:1

Tatiwe raq nguto: “Juda mung pengtibi ka miqto she! Jamkhano ngukla tsangshiq ka ipuk wa donghoto. Raüta Ngi raq asürii wanha kiimung thun riimak kra klotlo. Kiimaq ikiq khii raüta tsangshiq maiq mung thun rai pong raüta tongshong wanto. Raüta tsangshiq ngarai phong ka adap adap maq tiipa phongtlo.

ISAIA 30:9

Tsangshiq ka wranaiqshe Shiikeawe kiqkhii sru riitinokli. Wranaiqshe arot akiq bomchongtinok. Wranaiqshe Tatiwe raq shrin kuqtlaq kra tlea sruriitinok.

ISAIA 31:6

Tatiwe raq nguto, “Israilnok lei, namshiq raq imakki na ngarai tanglan kiimaq ikiq khiilan. Shatmaq ümchaü sanha iwokhong na jang wa rongkiq she!

ISAIA 34:1

Warong ra, mangjong hiq wa mungrap mungrii thun! Riitam ronglaq. Lantea tai ronglaq. Hiqraikhüti tlotli kiimaq kiijaq siti loweatek ana warong ra. Lantea taiwa rongkiq.

ISAIA 63:16

Ümniika naishiq ma awe jong. Naititiim Abraham nai Jakob raq naishiq mang ka sap mak. Shatmaq, ümniika naishiq Tatiwe ka, naishiq ma awe, naishiq ka wranaiqshe tiikhup wongke wantiwe.

ISAIA 65:2

Ngi ka wranaiqshe isenginok ka iwokhong na tiisi nga wan miitu khekham maq si wan kang. Shatmaq tsangshiq ka nilan, wanshak shak. Ashut lam phan kriili kiimaq tsangshiq raq jamlai wa lungwiitlaq kra klowan niili siwanto.

JEREMIA 13:15

Israilnok lei, Tatiwe raq nguto! Aranse ma jalanta apaiq bom ka taironglaq.

JEREMIA 22:29

O ihiq khu lei, i ra khu lei, ihiq khu lei! Tai liilii, Tatiwe raq chongtlaq kra:

JEREMIA 3:22

Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.

JEREMIA 31:9

Isenginok ka aho anyi mijang wan, Ngi raq tsangshiq tsuq wan tiikang krai mren, tsangshiq ka achujaü lam maq milaü wan. Ngi raq tsangshiq ka khamserai setiim kiina mishea wanha, tsangshiq kiilii mak chang lam nyeadang dang lam maq mishea wanha. Ngi ka Israilnok ma awe jong ikha, kiimaq Ephraim ka ise chhikhu we.”

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

EJEKIEL 24:3

Ikiq khiiti iwokhong wa pong wela jahoti isenginok ma ara shiiton manphan maq chongkuqlaq. Arka Ngi, Tati Rakaü Hiqwe raq tsangshiq miitu tiije thütiikang: Mokhii ka wa na tiidalaq, laüta kham ka takshi thülaq.

EJEKIEL 36:4

Arningkhan ümchaü tailaq, Ngi, Tati Rakaü Hiqwe raq, namshiq pum thun ma kiimaq ku akin thun ma, namshiq jüraisetiim thun nai jükhü hiqwii thun ma, namshiq hiqshong rahai ümchu wa bunlak buncha tiithen baiqtaqti thun ma, kiimaq namshiq hiqmiq changkhü ma atiijabaiq chela thun re raq tsiiq anyam hiq maq hutse tsuq wantaq, raüta namshiq tro na siti maiq mung thun raq slailiisiqtaqti thun raq ibom chong ara tiitsang taironglaq.

AMO LUIK DVP (AMOS) 3:1

O, Israilnok lei, Tatiwe raq namshiq tiishut wan, khatan bom chongtlaq ara tairong laq. Israilnok namshiq ka Tatiwe raq Ejip mung wa, wiimungtam maq atsuq wan.

Mikha 1:1

Hokhamwetiim Jotham, Ahaj, kiimaq Hejekia raq Juda mung na hokham jawan tlaq pat na, Tatiwe raq Moresheth chelati shammiwe Mika lümaq Samaria chela nai Jerusalem chela ka re raq mishthen baiq wan nguta riisham bom maq tiithaito.

Mikha 1:2

Ara tairong laq, namshiq mangjong maiqphan wiita raq; Mangjonghiq na siti phiija wa lei, Ajong Thaq Na Ajong Tatiwe raq namshiq mitiishut wan she. Taironglaq, Tatiwe apaiq sichang, asii ramungtan noqkujam maq chongtlo.

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

MALAKI 1:6

Tati Ningkun Ajong Pinthumwe raq ramwebi ma chongtlo, “Ase raq awe shrengtlo. Kiimaq ajaqshi se ka atijongwe ma haitlo. Riita ngi ka namwe jong. Namshiq raq ngi ka jamto shreng man? Ngi ka namtijongwe. Namshiq raq ngi ka jam nguto shreng man? Namshiq raq ngi ka shummii tlan. Kra riilan tiishea, ‘Naishiq raq ümniika jamkho shummii kai?’ nguta wai tlan.

Acts 4:20

Ara jamkhano ngutiikai ngukla, naishiq raq maiqmii mak maq jamlai phan wa chhi kai, kiimaq maiqmii ni maq jamlai phan wa tai kai, kra chongke wan hü maq, kaiq shakshak ka silot mai,” nguta tsangshiq welabi bom kra treto.

TRI CHONGKE 1:31

Kiimaq kumtsaiphii mung maq khat kuqtaq kiikha mikhat kuq. Apaiq raq namshiq ka lam wiilülü ana saüli khusang maq jamkho tsuq wantaq kra chhilan she kata. Awe raq ase ka raikhü na jamkho boq wantlaq ikha namshiq ka boq wanto.’

TRI CHONGKE 30:19

Ngi raq ümchaü ümniima rilung lam nai atsai lam kriiwa ashi tsealaq nguta ümniima kuq tiikang. Shiikeawe achu shiiman nai Shiikeawe manson. Kiimaq ngi raq ramungtan nai mangjong hiq ka ümchaü ranaiq ümniiraq ümriiti wa tsea tlaü kra saqse miitu heatiikang. Rilung ka tsealaq.

TRI CHONGKE 32:1

“Hiq nai ra lei, ibomtsi ara tai ronglaq, ni tiitsii lanta ibom chong ara tai ronglaq.

TRI CHONGKE 4:26

Ümchaü ranaiq akhing na ngi raq ramungtan nai mangjong hiq ka namshiq shrati saqse keti ma tiijalata chongtiikang, namshiq raq ibom chong ara tlea hanla, namshiq ka kra mung kiiwa wiita she mimo wan han. Namshiq ka ümchaü Jordan rai jin wan lamta jiiwan tlan kra mung na alu ka shong nga wan lot man mirhan. Namshiq ka chongthum ma tiijatlii raüta mitiithum baiq.