ISAIA 1:1 - ASII LAKDAP Bible (BSI)

¹ Ara lakdap na waiqtaq tsütsa thun arka Juda mungti nai Jerusalemti miitu, Shiikeawe raq Isaia ma atiichhikuq bomtsi. Isaia ka Amoj se. Apaiq raq shammi jaqsham wantaq arka hokhambi Ujjia, Jotham Ahaj kiimaq Hejekia raq Juda mung na hokham jaqsham wantaq pat wa.

Hawa Naga Bible 2001

¹ Vruex luik dvp nuex Yuda hokhvmx bix rvtueq Uzia, Jotham, Ahaza nuiyc Hezekia pat nuex Yuda mungx Yerusalem nuex seng vtueq Amoza saz Esaia kox nuex httuiuc kaz tueq Tishox bomjungc rvtueq.

ISAIA 1:1 Referencias Cruzadas

2 HOKHVMX 15:1

Hokhamwe Jeroboam II raq Israil mung ka lang wan li maq wiiroqnai ri wiimiishi angu na Amajia se Ujjia ka Juda mung na hokham ma shongto.

2 HOKHVMX 15:13

Juda mung Hokhamwe Ujjia raq mung langwan li maq wiiroqtsam ri wiitiikaü she angu na, Jabesh se Shallum ka Israil mung hokham ma shongto. Kiimaq apaiq raq Israil mung ka Samaria chela maq ngaraüta jipi lüshi siqto.

2 HOKHVMX 15:32

Remalia se Peka raq Israil mung langwanli maq wiinai she angu na, Ujjia se Jotham ka Juda mung na hokham ma shongto.

2 HOKHVMX 15:7

Ujjia ka tsaito. Raüta apaiq maa ka Dawit chela na hokhambi maachiim na lapto. Kiimaq ase Jotham ka awe pumsong hokham ma shongto.

2 HOKHVMX 18:1

Ela se Hoshea raq Israil mung na hokham ma jawanli maq wiitsam she angu na, Ahaj se Hejekia ka Juda mung na hokham ma shongto.

2 HOKHVMX 19:2

Raüta apaiq raq hokhamwe jam liiti siihiipwe kiimaq rung liiti cherewe Shebna kiimaq ramwebi phong wa nyungwere ramwebi ka Amoj se shammiwe Isaia phana tiiwato. Tsangshiq riimin wunthaü riinaü khea samraqraq riito.

2 KAÜWA WERAÜ 26:1

Juda mungti kunli Amajia se Ujjia arawii wiiroqshi ri wiitrok ka awe pumsong hokham ma shongto.

2 KAÜWA WERAÜ 26:22

Amoj se shammiwe Isaia, raq Hokhamwe Ujjia raq ahin mungpeng jaqsham wantaq manphan ka wiita waiq thüto.

2 KAÜWA WERAÜ 27:1

Jokham ka arawii wiiroqnai ri wiibiingi angu na hokham ma shongto. Raüta apaiq ka Jerusalem na ngaraüta mung ka wiiroqshi ri wiitrok siqto. Anyung mang ka Jerusha. Apaiq ka ka Jadok se.

2 KAÜWA WERAÜ 28:1

Ahaj ka arawii wiiroqnai angu na hokham ma shongto. Raüta Jerusalem na nga raüta wiiroqshi ri wiitrok mung ka siqto. Apaiq raq ati tipai Hokhamwe Dawit jaqtho ahea kra phan mak riito. Kra rii na apaiq raq Tatiwe raq lungwii mak phan jaq shamto.

2 KAÜWA WERAÜ 29:33

Kiimahali tsangshiq raq minsaü pongwe kong ka shitrok, kiimaq skukong ka hingtsam lamkuq wanto. Arka mungmaiqse raq angam phaq tlii honglu na take ma lam kuq wanto.

Tvtsvmc 89:19

Tsapkapkap ümjaqshamti ümjaqshisetiim ma riisham bom maq rathupse niiphü akha chonglaü, “Ngi raq nolajongwe ashi ma khrum kuqkang; Ngi raq nokwe phong wa weshi tsea wan kang, lata apaiq ka hokhamwe ma shongkang.

ISAIA 13:1

Arka Bebilon mungti miitu tsütsa, Amoj se Isaia ma Shiikeawe raq atiichongho.

ISAIA 2:1

Shiikeawe raq, Amoj se Isaia ma Juda mungti nai Jerusalemti miitu ara tsütsa ara kuqto:

ISAIA 20:2

Armaq wiitsam kongkhu na Tatiwe raq Amoj se Isaia ma ahokpa sendel kra nai adü na wunthaü riinaü kheatong samtlaq kra chhut baiqlaq nguta chongto. Kiimaq apaiq raq kra aming ka taito. Raüta apaiq ka kheahü maq siikumkum kiimaq hokpa ahü maq hoksii maq khumto.

ISAIA 21:2

Ngi raq riisham mak maq hengbiti maiq riijiip wan chamchao akhing thun saü wan chhikang. Kriika maiq nai maiq liipan arshaphaq wan kiimaq phanrap miqchup then wan akhing. Elam mungti phenlabi lei, kriq khat ronglaq! Media mungti phenlabi lei, chela thun kra trotam maq komtlo ronglaq! Bebilon mung raq ümtin khan wa chamchao tiisaütaq kra Shiikeawe raq atiitsaq she mirbaiq.

ISAIA 37:2

Apaiq raq hokham rung kheti siihiipwe Eliakim, kiimaq rung cherewe Shebna, kiimaq ramwebi phong wa maiqlare thun ka shammiwe Isaia Amoj se phana tiikito. Tsangshiq kiimin wunthaü riinaü khea samraq raq riito.

ISAIA 38:1

Ara akhing tinkhan na Hokhamwe Hejekia ka atsi riikito. Raüta tsai nam nam tsito. Shammiwe Isaia, Amoj se ka apaiq liikai kito. Raüta apaiq ma akha nguto, “Tatiwe raq ümniima phanrap ka athuk atsomwiq tiihong laüta thülaq nguta chongtlo. Jamkhano ngukla ümtsi ka healot mak. Atsai ma khekham silaq.”

ISAIA 40:9

Jerusalem lei, pum diiluhea kiina walaq, laüta tsütsa ahea ka chiiriim laüta tiitailaq! Tiihong laüta gilaq Jajon lei; tsütsa ahea kra tiitai chonglaq! Linham linhok chonglaq, naqhaikiq. Juda mung na chela thun ma chonglaq; tsangshiq Shiikeawe ka kitlo she nguta!

ISAIA 6:1

Hokhamwe Ujjia tsaikitaq rawii, ngi raq Tatiwe ka chhikang. Apaiq ka apaiq hokham ngacho na ngaraü, ratsan na, akhushü ngao jonghea khakii ngiimngiim chhikang. Kiimaq adü na samtong jongkaü samtlaq kriiraq Shomjam mong ka wiita hamto.

ISAIA 7:1

Hokhamwe Ahaj, Jothamse kiimaq Ujjia ma asaü raq Juda mung pengtlaq akhing na re dongto. Siria mung hokhamwe Rejin kiimaq Peka, Remalia se, Israil mung hokhamwe raq Jerusalem ka khatto. Shatmaq Jerusalem ka jiilotmak dea riito.

JEREMIA 23:16

Tati Ningkun Ajongwe raq Jerusalemti ma ngutlo, “Shammibi raq jamlai wa chongtlaq kra naqtai rongkiq. Tsangshiq raq namshiq mongjii ka arot ranphan bom chongkuq raüta tiinyamtlo. Tsangshiq raq namshiq ma chongtlaq kriika tsangshiq tsan mong maq adong. Ngi raq achongkuqha bom riimak.

EJEKIEL 1:1

Rawii roqtsam she angu na jipi lüblai liiwa rabiingi ngo ranaiq akhing riito. Ngi, ka ramwe jaqshamti. Iwe mang ka Buji. Kra akhing na ngi ka munglu shumwi ma atsuq wan Jehudinok rai Bebilon mung na, Chebar rai tan na sikang. Ramungtan ka atlin riikito. Kiimaq ngi raq riisham mak maq Shiikeawe ka chhikang.

Hosea 1:1

Arka Tatiwe raq Bari se shammiwe Hosea ma riisham bom maq atiichongki. Ara riisham bom chong arka Hosea raq, Juda mung rümti hokhambi Ujjia, Jotham, Ahaj kiimaq Hejekia pat na chongkuqto. Krapat na Israil mung rümti hokhamwe ka Jehoash se Jeroboam riito.

AMO LUIK DVP (AMOS) 1:1

Arka Tekoa chela na siti skurümti Amos raq achong riisham bomtsi. Ara riisham bomchong arka hiqjong mimushaq na rawii wiinai kongkhu ji na Juda mung langti hokhamwe Ujjia kiimaq Israil mung langti Jehoash se Jeroboam raq lang tlaq pat na Shiikeawe raq Amos lümaq Israilnok miitu riisham bomtsi atiichongki thun kra riito.

AMO LUIK DVP (AMOS) 4:5

Kechutum honglu winsii kra kuq wan rong liita, lanta achan anase kuq wan tlan kra miitu, nokwe ma chiiriim lanta tiitai kuq wan lili rong liina. O, Israilnok lei, namshiq riika akha, Shiikeawe shomnoq wan kra kai lungwii tlan kata, nguta Tatiwe Shiikeawe raq ngutlo.

Mikha 1:1

Hokhamwetiim Jotham, Ahaj, kiimaq Hejekia raq Juda mung na hokham jawan tlaq pat na, Tatiwe raq Moresheth chelati shammiwe Mika lümaq Samaria chela nai Jerusalem chela ka re raq mishthen baiq wan nguta riisham bom maq tiithaito.

NAHUM 1:1

Arka Ninewi chela miitu Elkosh hiqti shammiwe Nahum ma atiichhi kuq riisham bomchong.

HABAKUK 2:2

Kiijaq Tatiwe raq ibom treto, “Ara riisham bom chong, waiqlaq longpen na khangriri hea, tsasoqtiwe raq phatke wan miitu.

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

WEAWEA 24:16

Jurwa Shiikeawe bom kra taitlaq Raüta Ratsan Mong Na Sitiwe raq akuq phaqchi laptla. Ngi raq riisham mak maq tiqtiq liilata chhitiikang Ningkun Ajong Shiikeawe raq riisham makchhi akuq.

WEAWEA 24:4

Jurwa mitailot Shiikeawe raq ngutlaq kra. Ngi raq riisham mak ma tiqtiq liilata chhi tiikang Ningkun Ajong Shiikeawe raq shammi mak maq atiichhikuq.

Matthew 17:9

Jesuq nai ajaqshisetiim atsam ka pum kriimaq asatkai lam miishe, Jesuq raq tsangtsam ma, “Ümchaü namtsam raq jamlai wa riisham mak maq chhi lan, kriika Maiq Se kra ama wa midong wan shaq wiiwii, maiq ahinti ju miimin naq chong rongkiq,” nguta kiq thangto.

Acts 10:17

Petar ka apaiq raq riisham mak maq chhitaq kriika jamlai liichum wiinya nguta, tiima rai tlaq bala kiijiili, Kornelias raq atiiki bom chong kaiti maiq wetsam kriika, Simon jam ka rit raüta, ahum wishe. Raüta, tsangtsam ka Simon kilam na chap raqraq riito.

Acts 26:19

“O ajong Hokham we Agripa lei, riita ara chong tiikang arai mren, ngi ma ramungtan maq riisham bomchong aming akuq wan kriika, ngi raq phaqchii nichii maq lang wan kang.

2 Corinthians 12:1

Ngi riika jamkha riita jiimin tiishomra rai chang li she dongdii riishatshat. Tiishomra rai lata ngi ma jamlai liip rai chang riiwe kla ahüli jiimin, tiishomra rai chang ka sikito. Shatmaq, ümchaü riiwe tiina, ngi ma, riisham raq jamlai wa tiichhikuq taq, kiimaq ngi ma Tati Jesuq Khristo raq jamlai wa tiichhikuqtaq, kriishe chongkuq pha.

2 Peter 1:21

Jamkhano ngukla, riisham bomchong ka, maiqse tsan mong maq adong riimak. Shatmaq Asii Wenyi raq shammibi ka rom raüta, tsangshiq raq Shiikeawe nübok wa tsütsa taitlaq kra chongkuqto.