ISAIA 1:1 - Hawa Naga Bible 2001

¹ Vruex luik dvp nuex Yuda hokhvmx bix rvtueq Uzia, Jotham, Ahaza nuiyc Hezekia pat nuex Yuda mungx Yerusalem nuex seng vtueq Amoza saz Esaia kox nuex httuiuc kaz tueq Tishox bomjungc rvtueq.

ASII LAKDAP Bible (BSI)

¹ Ara lakdap na waiqtaq tsütsa thun arka Juda mungti nai Jerusalemti miitu, Shiikeawe raq Isaia ma atiichhikuq bomtsi. Isaia ka Amoj se. Apaiq raq shammi jaqsham wantaq arka hokhambi Ujjia, Jotham Ahaj kiimaq Hejekia raq Juda mung na hokham jaqsham wantaq pat wa.

ISAIA 1:1 Referencias Cruzadas

2 HOKHVMX 15:1

Israel Hokhvmx Jeroboam II rueq wawc 27 guimz lawc tueq nuex Amazia saz Uzia kuex Yuda hokhvmx yaungx tueq,

2 HOKHVMX 15:13

Yuda Hokhvmx Uzia rueq guimz lawc tueq wawc 39 nuex, Jabesh saz Shallum kuex Israel hokhvmx muex yaungx vtueq Samaria ghaq nuex yapix lex shiz dvyx guimz lawc tueq.

2 HOKHVMX 15:32

Israel hokhvmx Remalia saz Peka rueq guimz lawc tueq wawc nueyc vngoz nuex, Uzia saz Jotham kuex Yuda hokhvmx muex yaungx tueq,

2 HOKHVMX 15:7

Uzia thueyc kaz koq tueq Dawid Ghaqyungx wawc hokhvmx luip ruiuz khux nuex luip tueq, vsaz Jotham kuex piq httungx nuex hokhvmx yaungx tueq.

2 HOKHVMX 18:1

Israel hokhvmx El saz Hoshea rueq guimz lawc tueq wawc thuimx vngoz nuex, Ahaza saz Hezekia kuex Yuda hokhvmx yaungx tueq,

2 HOKHVMX 19:2

Piq rueq hoc lawc jix vyungx Eliakim, hoc yauk shuimc jungx waz Shebna nuiyc rullungx nyuiuz waz shvmmax bix kuex Amoza saz Esaia kox nuex tvkaz tueq. Tsuinghez rueq muinz ruiyhec khvy svmx wuez tueq.

2 KAÜWA WERAÜ 26:1

Yuda miqsaz lotlaz rueq Amazia saz Uzia kuex vrullungx wawc 16 nuex vwaz httungx nuex hokhvmx tvyaungc tvkoc thvl tueq.

2 KAÜWA WERAÜ 26:22

Hokhvmx Uzia rueq guimz lawc vtueq piq rueq shuimx wvnc tueq yauk shuimc lotlaz kuex Amo saz shvmmax Esaia rueq tvtsuingc taq shec tueq.

2 KAÜWA WERAÜ 27:1

Jotham kuex piq rullungx wawc 25 nuex hokhvmx yaungx vtueq, Yerusalem nuex wawc 16 guimz lawc tueq. Vnyuiuz kuex Zadok saz Jerusha rvtueq.

2 KAÜWA WERAÜ 28:1

Ahaza kuex piq rullungx wawc 20 nuex hokhvmx yaungx vtueq, Yerusalem nuex wawc 16 guimz lawc tueq. Piq kuex vjix vwaz Hokhvmx Dawid vhvlx lvmx layx kuex phvnx muq; kvkhoc phvnc tvraung, Yehowa rueq roc muq phvnx yauk shuimc kuex shuimx lvmz vtueq

2 KAÜWA WERAÜ 29:33

miq htenc rueq phuiuz svy tvkoc shomc nawk kuy tvraung manx pung 600 nuiyc khelbuenx 3,000 tauk lvmz laq tueq.

Tvtsvmc 89:19

Laukshiz romzyac tvkhic vshiz nuex mnoz muex tvmtuing nvrc waz vhvlx htenc muex mnoz rueq jungx toq kuex, “Muingjungc vhttax shvrvyx waz muex ngaz rueq romc kuq tauk; miq htenc phungc wawc vshiz kuex ngaz rueq vthvl vtueq mnoz hoc daungraungc kuex lekuq gay tauk.

ISAIA 13:1

Vruex kuex Amoza saz Esaia rueq Tishox kox wawc vlvp Babelon nuex seng vtueq bomjungc rvtueq.

ISAIA 2:1

Vruex kuex Yuda mungx nuiyc Yerusalem nuex seng vtueq Amoza saz Esaia muex Tishox rueq vkuq bomjungc kuex vkhoc rvtueq:

ISAIA 20:2

Yehowa rueq wawc thuimx tvluz nuex Amoza saz Esaia muex piq jotac htenc nuiyc piq rueq svmx yaq ruiyhec khvy kuex put gay tvkoc nvr tueq. Piq rueq kvruex phvnx vtueq sawkumx, jotac paungc muq maq kvroz khuemx shamx tueq.

ISAIA 21:2

Ngaz rueq vguirc vguenc naqsaq htenc, thuinz kv-phelc wvnc nuiyc tvbac gay htenc kuex ngaz rueq romzyac tvkhic nuex khiz tauk. Elam nolaungx bix lex, khvt shuinz! Medi nolaungx bix lex, ghaqyungx htenc kuex tuimx wuez shuinz! Tishox rueq Babelon mungx nuex tvyaungx tueq kuilc daz kuex tvthauk gay shuex.

ISAIA 37:2

Piq rueq hoc lawc jix vyungx Eliakim, hoc yauk shuimc jungx waz Shebna nuiyc rullungx nyuiuz waz shvmmax bix kuex Amoza saz Esaia kox nuex tvkaz tueq. Tsuinghez rueq muinz ruiyhec khvy svmx wuez tueq.

ISAIA 38:1

Kvtanc jauz Hokhvmx Hezekia kuex thueyc khvmx thuiuz tueq. Amoza saz shvmmax Esaia kuex piq kox nuex rvhumc kaz vtueq, “Mnoz kuex hvlx lot muq shex ningkhvnc nuex phvnx ruip saz tvhungx htaungx shec vtueq, vthueyc wvnc tvkoc tvyoalc shuiuz ngoz tueq Yehowa rueq mnoz muex jungx yaq,” ngoz tueq jungx tueq.

ISAIA 40:9

Yerusalem lex, kanx vjoz nuex duiz woz vtueq thuix thaungx vhvlx kuex ramc shuiuz! Zion lex, yunghvlc maq gvl vtueq, thuix thaungx vhvlx kuex tvtay shuiuz! Nauk hiz kaz maq tvtay jungx shuiuz. Tsuingshiq Tishox httuiuc kaz yaq ngoz tueq Yuda ghaq htenc nuex jungx shuiuz!

ISAIA 6:1

Hokhvmx Uzia thueyc kaz tueq raungwawc, ngaz rueq Taungjix kuex khiz tauk. Vpiq kuex johvlc raungc hvlc hoc daungraungc nuex ngaungc yaq, vpiq hungluz khvy kuex Shomc Yuimx mvrc laz rvtueq.

ISAIA 7:1

Uzia suiuz, Jotham saz Hokhvmx Ahaza rueq Yuda mungx guimz lawc tueq nuex ralx rulc rvlungc tueq. Siria hokhvmx Rezin nuiyc Remalia saz Israel hokhvmx Peka rueq Yerusalem kuex khvt kaz tueq, yuq muinz khvt taungx muq.

JEREMIA 23:16

Tvphaungc Tvsuip Yehowa rueq Yerusalem miqsaz muex jungx tueq, “Shvmmax bix rueq jungphvnx yaq kuex nauk tay kaz; tsuingshiq rueq mnoz muex vyaq thuinz tvluimc juing tvmvrc yaq. Tsuingshiq thuinz vmungx maq tvmaung yaq kvdvyx mnoz muex jungphvnx wuez yaq, ngaz rueq jungx tauk kuex jungphvnx wuez muq.

EJEKIEL 1:1

Wawc rok thuimx raungwawc yapix lex bvlic yac raungx bv-ngac raungnuiyq, Babelon mungx Kebar Ruilx hep nuex thuq wvnc tueq Yuda miqsaz htenc nuiyc Buzi saz ngaz shomc waz Ezekiel hez httax yaq nuex raungx kvdaz wvnc vtueq Tishox kuex romzyac tvkhic maq ngaz rueq khiz tauk.

Hosea 1:1

Vruex kuex Yuda hokhvmx htenc rvtueq Uzia, Jotham, Ahaza nuiyc Hezekia hez rueq guimz tueq baunglaung Jehoash saz Jeroboam kuex Israel hokhvmx yaungx tueq nuex Beri saz Hosea muex kuq tueq Yehowa bomjungc rvtueq.

AMO LUIK DVP (AMOS) 1:1

Vruex kuex Tekoa ghaq wawc khelbuenx remc jix waz Amo rueq vjungx kvjaz rvtueq, Uzia kuex Yuda hokhvmx yaungx ruiux Jehoash saz Jeroboam kuex Israel hokhvmx yaungx tueq pat, gaqyung mux jauz wawcnueyc max kox nuex Tishox rueq Amo muex romzyac tvkhic htenc maq Israel nuex seng yaq vruex bomc htenc kuex kuq tueq.

AMO LUIK DVP (AMOS) 4:5

Tishox muex kejux tvtsvmc thuinz maq kaz vtueq nuimshiq wanx kuex shomc kuq shuinz, nuimshiq rueq laq shuinx vjvnc shomc kuy juing htenc kuex jungx kvsomc parc kuinz! Kvruex shuimc tvkoc nuimshiq rueq roc vshuinx.

Mikha 1:1

Vruex kuex Yuda hokhvmx bix rvtueq Jotham, Ahaza nuiyc Hezekia hez guimz tueq tanc jauz, Yehowa rueq Moreshet ghaq jix Mika muex vkhoc bomjungc kuex kuq tueq. Yehowa rueq Samaria nuiyc Yerusalem nuex seng vtueq vruex khuec vlvmz htenc Mika muex tvkhic shec tueq.

NAHUM 1:1

Vruex kuex Ninewe nuex seng yaq bomjungc rvtueq, Elkosh ghaq jix Nahum rueq khiz tueq romzyac tvkhic lvmz rvtueq.

HABAKUK 2:2

Yehowa rueq ngaz muex vkhoc tvralc kuq phuex, “Ngaz rueq mnoz muex tvkhic kuq phaungx lvmz kuex lungdvmx htenc htauk nuex yoalx rek phat wvlc muex wuiyq taq shuiuz, kvkaq kvruex raungshuex raung wvl lvp shuex.

WEAWEA 12:6

Yehowa rueq, “Majuiuc ngaz rueq jungx phaungx htenc kuex tay shuinz! Nuimshiq nuex shvmmax httax yaq ngoz ruiux ngvy shauk pumz maq tsuinghez muex romzyac maq tvkhic kuq ruiux maung maq jungx kuq shaungx rvtueq.

WEAWEA 24:16

Tishox rueq yvmx lac jungx yaq nguinx kuex uraq lac tay lot yaq nguinx; Johvlc Pinhtumc waz kox wawc phaqjic kuex lvp tueq. Ngaz kuex Tvphaungc Tvsuip Tishox kox wawc romzyac tvkhic maq kvkhic yaq Muik nuiyc thuinz nuex kvsuik rawx khiz vshaungx.

WEAWEA 24:4

Tishox rueq jungx yaq kuex uraq lac tay lot yaq nguinx. Ngaz kuex Tvphaungc Tvsuip Tishox kox wawc romzyac tvkhic maq kvkhic yaq Muik nuiyc thuinz nuex kvsuik rawx khiz vshaungx.

Matthew 17:9

Kanx kvmaq tsuinghez svt kaz tueq nuex, Yesu rueq tsuinghez muex, “Miq Saz vruex thueyc vruez kaz hez kox wawc tvtenc wvnc max rvhumc wawwawx nuimshiq rueq khiz wvnc tuit htenc romzyac kuex ukhaq muex muinz nauk tvtay jungx kaz,” ngoz tueq nvr tueq.

Acts 10:17

Peter rueq romzyac maq khiz tueq vruex vlvmz kuex yvmx khoc lac ngoz tueq tvmaung tueq, kvruex baunglaung Korneliu rueq vtvkaz hez rueq, Simon yuimx kuex wisoz thuiyx vtueq majuiuc kaluix daungx nuex jvp wuez yaq.

Acts 26:19

“Kvkhoc rvtueq Hokhvmx Agripa lex, raungwawc romzyac maq vkhiz kuex ngaz rueq tvlvlc gay lot mauk.

2 Corinthians 12:1

Kvsomc parc lvmx kuex vjux vguez. Yuq muinz ngaz kvsomc parc vtaungx, Taungjix rueq ngaz muex tvkhic kuq phuex siyac tvkhic nuiyc tvkhic romzyac lvmx nuex seng vtueq ngaz kvsomc parc jungx vshaungx.

2 Peter 1:21

Yvmx khoc lac ngoz ruiux lec mruex jix shvmmax rueq vjungx wvnc ngoz ruiux muinz, miqsaz thuinroc maq yaungx dung wvnc tueq rvmuq, Vsawc Siyac rueq honc tvsvmc kuy rvhumc jix rueq dvyx Tishox kox wawc vkaz bomjungc kuex jungphvnx kuq yaq.