ISAIA 1:2 - Hawa Naga Bible 2001

² Yehowa rueq, “Ghaq nuiyc raungx lex, ngaz rueq yvmx lac jungx vshaungx kuex tay shuinz! Ngaz rueq vtvpez luz nosaz rulx rueq ngaz kuex khawx lvlx wuez yaq.

ASII LAKDAP Bible (BSI)

² Tati raq nguto, “Ra nai hiq lei, Ngi raq jam lai wa chongtiikang kra taironglaq! Nosere Ngi raq atiijonglu wanha thun raq ikiq khiitlo. Raüta iwokhong wa donghotlo.

ISAIA 1:2 Referencias Cruzadas

2 HOKHVMX 21:22

Piq rueq Yehowa piq jix vwaz tamx Tishox kuex tvdux gay ruiux, Yehowa rueq nvr tueq kvjaz htenc kuex tvdux gay tueq.

Tvtsvmc 49:1

Miq ruip rawx rueq vruex kvjaz kuex tay shuinz! Baung ruip saz wawc miq lotlaz,

Tvtsvmc 50:4

Vpiq miqsaz htenc muex khac phox kuq yaq kuex khic lvp tvkoc vpiq rueq raungx nuiyc ghaq kuex hakhix tvyaungc muex gvl tueq.

ISAIA 30:1

Yehowa rueq vkhoc jungx tueq, “Yuda mungx guimz lawc jix kuex vphoc rvhumc yaq, yvmx khoc lac ngoz ruiux lec tsuingshiq rueq ngaz muex khawx lvlx wuez yaq. Tsuingshiq kuex ngaz rueq tvhungx htaungx mauk kvmungx phvnx htenc nuex phvnx wuez yaq, ngvy thuinroc lvmx khawc lvlc kvmungx htenc kuex shuimx kaz vtueq, ngaz rueq vkhangx kuq mauk bomkhvmc htenc kuex tvhungx ruiux, mvrax tvhtvp tvhtvp shuimx kaz yaq.

ISAIA 30:9

Tsuingshiq rueq Tishox muex mkaq muinz khawx lvlx yaq, mkaq muinz rot kaq yaq, Yehowa rueq tvluing yaq bomc kuex tay tvkoc mkaq muinz tvlvlc wuez yaq.

ISAIA 31:6

Tishox rueq, “Israel miqsaz lex, nuimshiq rueq ngaz muex yaq vtueq khawx lvlx phuinx. Yuq muinz majuiuc ngaz kox nuex yek waung luit!

ISAIA 34:1

Miq phvnx lotlaz miq htenc lex, kaz wuez luit! Rvtuimx kaz vtueq tay shuinz. Ghaq nuiyc kvruex yuq httax yaq miq ruip rawx htenc kuex vyuq kaz vtueq tay kaz yaq.

ISAIA 63:16

Mnoz kuex nuiyshiq waz rvtoq. Nuiyshiq jix vwaz tamx Abraham nuiyc Yaku rueq doc muinz nuiyshiq kuex tuiuz muq, yuq muinz mnoz kuex Yehowa, nuiyshiq waz rvtoq, nuiyshiq kuex pattup tuimz guimz wvnc jix kuex mnoz dvyx rvtoq.

ISAIA 65:2

Khux tvtsanz ruiux vyaq shuimx kaz vtueq miqmac lvmx nuex kay wvnc jix ngvy miqsaz kuex ngaz rueq malc wvnc tvkoc mkaq muinz tvyoalc hvt httax vtaungx.

JEREMIA 13:15

Israel miqsaz lex, Yehowa rueq kvjaz jungx yaq! Thuinz tvyomx vtueq piq kvjaz kuex tay shuinz.

JEREMIA 22:29

O ghaq vraungx lex, ghaq vraungx, ghaq vraungx lex! Yehowa rueq jungx tueq kuex tay shuiuz:

JEREMIA 3:22

Yehowa kox wawc kvroz wvnc jix hez lex yek waung luit; piq rueq nuimshiq muex tvhvlc kuq ruiux mnoz kuex tvmtuing tvhttax kv-phux. Mnoz rueq, “Rvtueq, vpiq kuex nuiyshiq Tishox ningkhvnc nuex nuiyshiq kuex Yehowa kox nuex woz vtix.

JEREMIA 31:9

Ngvy miqsaz htenc kuex vhtaq maq vkhoar yek wuez tuex; vjux thoz jix hez kuex ngaz rueq shvlx wvnc yek shaungx. Ngaz rueq yuix kawx lvmx maq kvhtuip kvluip vguez laz juing lvmx nyel jvt maq tsuingshiq kuex thuq wvnc shaungx. Ngaz kuex Israel muex vwaz rvtauk, Ephraim kuex isaz pekhux waz rvtueq,” ngoz tueq jungx tueq.

JEREMIA 6:19

Ghaq lex, tay shuiuz! Kvruex miq hez kuex ngvy kvjaz phvnx muq, ngaz rueq tvluing kuq koq tsuingshiq rueq tvdux gay tueq, kvkhoc rvtueq ngaz rueq tsuingshiq rvhumc aungx yaq thuimkux kuex tsuingshiq htauk nuex tvhttuiuc shaungx.

EJEKIEL 24:3

Ngaz muex tvgap gawx jix miq htenc muex ngaz, Johvlc Yehowa rueq tsuingshiq tvkoc vkhoc ngoz yaq ngoz tueq kvjaz tv-ngvlc kuex jungx kuq shuiuz: Wvr htauk kvyuq tuik kuex tvdaungc shuiuz kvyuq yuix tvmvrc shuiuz.

EJEKIEL 36:4

Kvkhoc rvtueq kanx htenc nuiyc ghaqluimx htenc, yuix ruilx htenc nuiyc warc tvnx htenc, tvbac vruex gay baung htenc nuiyc phic vphaungx wawc miqphvnx htenc lotlaz rueq nyvlc khvt vtueq shummarc rvhumc ruiux, tvhvmc gay tueq ghaqyungx htenc lex ngaz, Johvlc Yehowa rueq jungx tauk kuex tay wuez shuinz.

AMO LUIK DVP (AMOS) 3:1

Israel miqsaz lex, nuimshiq nuex seng vtueq Yehowa rueq jungx tueq vruex bomjungc vmuinz, vpiq rueq wvphvnx tuimx Ejip mungx wawc shvlx wvnc tueq kvmuinz tay wuez shuinz:

Mikha 1:1

Vruex kuex Yuda hokhvmx bix rvtueq Jotham, Ahaza nuiyc Hezekia hez guimz tueq tanc jauz, Yehowa rueq Moreshet ghaq jix Mika muex vkhoc bomjungc kuex kuq tueq. Yehowa rueq Samaria nuiyc Yerusalem nuex seng vtueq vruex khuec vlvmz htenc Mika muex tvkhic shec tueq.

Mikha 1:2

Miq phvnx lotlaz lex, vruex tay shuinz; ghaq htauk nuex httaz jix lotlaz lex, vruex tay tvtsuingc shuinz! Johvlc Yehowa rueq nuimshiq vbac lvmz kuex hakhix tvkhic shuex. Tay tvtsuingc shuinz! Vpiq rueq raungmungx shomc yuimx maq kvjaz jungx yaq.

Mikha 3:8

Yuq muinz ngvy tvkoc kuex, Yehowa rueq vpiq siyac nuiyc luimc vkawc tvmvrc kuq vtueq, tvrac vlvmz tharc nuiyc Israel miqsaz tsuingshiq mvrax htenc kuex jungc kuy lot juing khamc thuinz kuex htawc kuq yaq.

MALAKI 1:6

Tvphaungc Tvsuip Yehowa rueq shomc waz bix muex, “Vsaz rueq vwaz tvtsanc nganc yaq, nvrc waz rueq jiyungx waz tvtsanc nganc yaq. Ngaz kuex m-waz rvtauk, yvmx ngoz tueq lac ngaz muex tvtsanc nganc muq? Ngaz kuex nuimshiq taungjix rvtauk, yvmx ngoz tueq lac tvtsanc nganc muit? Mnoz rueq ngaz kuex wvlc guez tvyaungc vphux, yuq muinz mnoz rueq, ‘Nuiyshiq rueq mnoz muex mkhoc lac wvlc guez tvyaungc vphix?’ ngoz tueq wiz vshuinx.

Acts 4:20

Nvnueyc kuex nuiyshiq rueq khiz wvnc tay wvnc tiq htenc kuex jungc kuy guez maq httax lot miq,” ngoz tueq tsuingshiq muex tvralc tueq.

TRI CHONGKE 30:19

Ngaz rueq majuiuc nuimshiq muex thuiuzthuic tvraungx lvmx nuiyc vthueyc juing lvmx, Tishox kejux nuiyc Tishox rueq mvnhttonc lvmx kuex thvlc wvnc tvkoc kuq vphaungx, kvkhoc rvtueq kvruex lvmx kuex thvl wvnc vtueq raungx nuiyc ghaq muex hakhix m-yaungx kueq. Thuiuzthuic tvraungx lvmx kuex thvl wvnc shuinz.

TRI CHONGKE 32:1

Raungx nuiyc ghaq lex, ngvy kvjaz vruex tay wuez shuinz, ngaz rueq yvmx khoc lac jungx vshaungx vnyek maq tay shuinz.

TRI CHONGKE 4:26

Ngaz rueq raungx nuiyc ghaq muingc kuex ruingc vtueq hakhix taq vshaungx, ngvy kvjaz kuex nuimshiq rueq phvnx muit ngoz ruiux yuq, mtanc httax muit nuex kvruex mungtan kvyuq suimz wvnc tuinx. Nuimshiq rueq Yodan Ruilx kuex yanz wvnc vtueq khvt lvp wvnc shuinx mungtan kvyuq loayc hvlc tvraungx httax tuinx rvmuq. Nuimshiq kuex lotlaz tvbac gay rvhumc tuinx.