ISAIA 1:10 - ASII LAKDAP Bible (BSI)

¹⁰ Jerusalem lei, ümmung pengti tuwebi nai ümsengi mungmaiqse ka Sodom nai Gommora chelati ikha. Tati raq ümniima jamlai bom wa chongtlaq kra tailaq. Nashiq Shiikeawe raq ümniima jamlai wa shrinkuqtlaq kra samheawiq tiitsang tailaq.

Hawa Naga Bible 2001

¹⁰ Yerusalem lex, mmungx walaungx bix htenc nuiyc mmiqsaz htenc kuex Sodom nuiyc Gomorra miqsaz ikhoc yaungx yaq. Yehowa rueq mnoz muex jungx yaq kuex tay shuiuz. Naungshiq Tishox rueq mnoz muex tvluing kuq yaq kuex tay tvtsuingc shuiuz.

ISAIA 1:10 Referencias Cruzadas

RAPHA HIQWA LAK 13:13

Kiijaq sitinok ka abi kiimaq Tatiwe makki na ngarai kloti riito.

ISAIA 28:14

Ümchaü namshiq ara Jerusalem chela pengtibi ka ashkongtamli sitlan. Taironglaq. Tatiwe raq jamlaiwa chongtla.

ISAIA 3:9

Phowebi raq maiqse ka athea phi na lii raüta kha phokuq wan tlaq kra, kha ka tsangshiq khuthaq na minyan wan. Tsangshiq raq raweahü maq Sodom chelati raq ngarai klotaq ikha klotlo. Tsangshiq ka miqto she. Kiimaq tsangshiq raq kra maiqmii jaq miili tsang mea wan chang lam kra tan wanto.

ISAIA 30:9

Tsangshiq ka wranaiqshe Shiikeawe kiqkhii sru riitinokli. Wranaiqshe arot akiq bomchongtinok. Wranaiqshe Tatiwe raq shrin kuqtlaq kra tlea sruriitinok.

ISAIA 33:22

Kra mokkiitu thun thaq na shongtlaq khea chan chang raütu phong chantlaq kriika atuli she miraq. Khea rahai ma tiithu raüta mokkatu tiikhum chang kriimin chanlot mak she miraq! Nashiq raq renok mokkiitu wa tsiiq tum thun ka tlotli milap wan rong i. Kra sepat lopi tsiiq ka pahea kha maq aküwe rii saqseng min asi. Tatiwe apaiq kli she na mung na hokham miraq. Apaiq raq nashiq mipeng wan. Kiimaq nashiq ka mitiiwong kuq wan.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

JEREMIA 23:14

Shatmaq arthaq niimin bihea Jerusalem na siti shammibi raq sham wantlo; tsangshiq ka maiqchak rai sra tlo kiimaq arot chongtlo; tsangshiq raq nokmaiqse ma ashut jaqsham khrumtlo, kra ningkhan abi kiimung ka jurmin tsaq mak phan kiimungtlo. Ngi maklii niika tsangshiq tarü Sodom nai Gommorati ikha ngarai kaü siisaq.

EJEKIEL 13:2

“Maiqse lei, Israilnok raq maiqmii tsantsii maq thi raüta riisham bom chongtlaqti thun kra tiinamtok tamlaq. Tsangshiq ma Tatiwe bomtsi kra tiitsang taironglaq nguta chongkuq laq.”

EJEKIEL 16:35

Riita ümchaü sanha, mephe nyung Jerusalem lei! Tailaq! Tatiwe raq jamlai wa chongtlaq kra.

EJEKIEL 16:46

“Ümnyi nyikhu nyung ka shekhu nü mung wa Samaria chela. Apaiq tro na hiqshong thun kra apaiq rai romshaq. Kiimaq ümniima ano nyung ka apaiq tro na hiqshong thun romshaq maq shemai nü na Sodom chela sitlo.

EJEKIEL 16:49

Apaiq nai asetiim jechakre ka kai kumrong kumraqli siwanto. Jamkhano ngukla tsangshiq ka chiithe lüwa, arong awin. Kiimaq hansang maq siwanto. Chiqse rewe ahü riito. Shatmaq tsangshiq raq miitsan maiqsetiim nai naolaq naosangti ka khrum kuqmak riito.

AMO LUIK DVP (AMOS) 3:1

O, Israilnok lei, Tatiwe raq namshiq tiishut wan, khatan bom chongtlaq ara tairong laq. Israilnok namshiq ka Tatiwe raq Ejip mung wa, wiimungtam maq atsuq wan.

AMO LUIK DVP (AMOS) 3:8

Hangsi kaü giraüjaq, haimak misi shea? Ajong Thaq Na Ajong Tatiwe she bom haü jaq, shammi bom chongmak juwa misi?

AMO LUIK DVP (AMOS) 9:7

Tatiwe raq ngutlo, “O Israilnok lei, ngi raq Sudan mung jamkho lungwii tiikang, kiikhiisii namshiq min lungwii tiikang. Ngi raq namshiq Israilnok ka Ejip mung wa tsuq wan lata, sheawan kang! Kiikhiisii Philistainnok kiimin Kret mung wa shea wan kang. Kiimaq Sirianok ka Kir mung wa sheawan kang.

Mikha 3:1

Israilnok tuwebi lei tairong laq! Namshiq raq tri raütu ka tingting shamchang riimak shea?

Romans 9:29

Ara khapho kewan arka, Isaia raq man na bom chong thütaq kra phan phan miraq. Apaiq raq akha nguta chongthüto, “Tatiwe Ningkun Ajong Pinthumwe raq, nashiq lai ala phan arwa, phanshi ra aso ano tiichong kuq wan mak dea ngu raü jiika, nashiq nok arka, Sodom nai Gommora chelati ikha, chongthum ma mija rong i wa,” nguta chongtlo.

TRI CHONGKE 32:32

Tsang jaqtinok thun ka Sodom nai Gommora ikha namtoktok, tsangshiq ka spiq tsung atsi khap dokdok nai maiqchok chang tsitlaq ikha,

Revelation 11:8

Kiimaq, tsangnai maa ka kra chela jonghea, tsangnai Tatiwe pumsongkham na tübaiqtaq kiijaq chiiheawea lam na küram liira tiibum raqraq miraq. Riita, kra chela shiiton mang ka Sodom chela riimak la Ejip nguta miraq.