ISAIA 1:9 - ASII LAKDAP Bible (BSI)

⁹ Riita Tati Ajong Pinthum raq khup wongkuq mak nguraü ka akha aso amose dongdii min tiichong mak, Sodom nai Gommora chela then wantaq kiikha ara Jerusalem chela armin laimiq mitiithen baiq wa.

Hawa Naga Bible 2001

⁹ Mkhoc shoc maq Tvphaungc Tvsuip Yehowa rueq tvjungx taq shec miq wvyvmc kuex vguez ngoz ruiux yuq, Yerusalem kuex Sodom nuiyc Gomorra ikhoc tvsawc ric tvbac gay khvmz tueq.

ISAIA 1:9 Referencias Cruzadas

RAPHA HIQWA LAK 18:26

Tatiwe raq treto, “Ngi raq Sodom chela na maiqsangti maiq roqbiingi hum hala, tsangshiq tiiwongke miitu chelati tlotli ka mitiihangha.”

RAPHA HIQWA LAK 18:32

Abraham raq nguto, “Tatiwe lei, mangchan laüta naqkhiq kiq dea. Ngi raq jangshi lamlam se li she bom nong pha. Riita roqshi lamlam seli ngu raü ha?” Apaiq raq nguto, “Ngi raq kiijaq maiq roqshi humha jiila, chela ka tiithen baiq mang mirha.”

RAPHA HIQWA LAK 19:24

Tiihanghiiq miilishe Tatiwe raq ra maq kan waniitu henghea kra rajun ikha Sodom nai Gommora chela ka tiibok chaq wanto.

1 HOKHVMX 19:18

Artaü maq dongdii min, Ngi raq Israil mung na Ngi shomnoqti maiq ka hingmiishe atra sishat li mithüha. Tsangshiq raq Ngi ka tsapkapkap maq shomnoq wantlo. Kiimaq tsangshiq raq Baal phra ka shomnoq mak. Kiimaq Baal samla ka tsangshiq raq nü maq shupki mak.”

2 HOKHVMX 19:4

Asiria mung rümti ajong hokhamwe raq asengi ajong pinthumwe ka atra Shiikeawe tiishummiikai tiikito. Riita üm Tatiwe, üm Shiikeawe raq arthun shummii tlaq ara mitailaq. Raüta akha bomti thun ma sintsang mitiiholaq. Arningkhan nashiqnok ümchuwa aso tiichong tlaq kra miitu Shiikeawe jaq wa achu jaülaq.”

ISAIA 1:8

Jerusalem lamlamseli she tiichongtlo. Arkiimin re raq chela trotam maq akom wan kun she. Wak na spiqro khechang baülitiipse ahai ikha, riimakla wak na kumchan tsung ruk hü pehü sitlaq ikha, asea awea raq aphaq wan nguli riitlaq ikhlishe sitlaü.

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 11:16

Raüta Israilnok Asiria mung na aso atiichongkiti miitu Asiria mung maq Israil mung na laü wan miitu lamjong kaü ka jonghea ashi miraq. Arka man na tsangtitiim pat na Ejip mung maq laü wan miitu lamjong kaü tankuqtaq kiikha miraq.

ISAIA 17:6

Maiq ka re jaqsong abungse atsap seli she mitiichong, kiimaq Israil mung ka olip petsi chong atsi wiita apanlotwi she ikha miraq, achong mun na petsi po ka poshi ponai ra selishe tiipaq raqraq atiichong ikha miraq. Kiimaq akü achongji thotho kiijaq atiichong poshi shi se tiipaq raq raq ikhli she miraq. Arka Ngi Tati Israilnok Shiikeawe raq ngutiikang.”

ISAIA 24:13

Akhiisiisaq mangjong tlotli na maiqmung aweatek na mipin wan. Arka oliptsi pantum akhing ikha miraq. Oliptsi ka achong aweatek wa riichom panlot jai ikha miraq. Spiqtsiro wa aso kiimin archom panwi she ikha miraq.

ISAIA 24:6

Arkha niishe Shiikeawe raq mangjong hiq khu thaq na mansonto. Arkha na hiq na siti maiqse raq kra ngarai miitu chamchaotlo. Maiqse atra siti ka tsap wan wan she riitlo.

ISAIA 37:4

Asiria mungti hokham ajongwe raq asengi ajong pinthum siihiipwe ka atra Shiikeawe tiishummiikai tiikito. Riita Tatiwe üm Shiikeawe raq atinkhan shummiitlaq kra mitailaq. Raüta arthun bomtsi ngotibi ka apaiq raq mo mitiiholaq. Arningkhan Shiikeawe jaq wa achu jaülaq nashiqnok ümchuwa atra sitlaq thun kra miitu.”

ISAIA 46:3

“Ibom taironglaq, Jakob saüsetiim lei, Isenginok aso atiichongki thun lei. Ngi raq namshiq ka rawii chhiwanli miiphü tiichhanchhi wan kang.

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

ISAIA 65:8

Tatiwe raq ngutlo, “Spiqtsi ahea ka jurmin tiithen baiq mak. Shatmaq kriimaq che klotlo. Ngi riimin isenginok tlotli ka tiithen baiq mang. Ngi shiikumpantibi ka Ngi raq atiichhii mirkuqha.

JEREMIA 23:14

Shatmaq arthaq niimin bihea Jerusalem na siti shammibi raq sham wantlo; tsangshiq ka maiqchak rai sra tlo kiimaq arot chongtlo; tsangshiq raq nokmaiqse ma ashut jaqsham khrumtlo, kra ningkhan abi kiimung ka jurmin tsaq mak phan kiimungtlo. Ngi maklii niika tsangshiq tarü Sodom nai Gommorati ikha ngarai kaü siisaq.

JEREMIA 42:2

ngi ma chongto, “Mangchan laüta naishiq raq jamlai wa jaütiikai kra shamkuqlaq! Nashiq Tati Shiikeawe jaq wa, naishiq miitu achu jaü laq. Naishiq re jaq song ümchuwa tiichongkaiti thun tlotli miitu achu jaü kuq laq. Man na nashiq ka maiq pahea riikai. Shatmaq ümchaü sanha atsapseli she tiichongkai. Arka ümniiraq ümmak maq achhihaü.

JEREMIA 50:20

Kra akhing she saü wan raüla, Israilnok mung na ngarai ka ahüshe miraq. Kiimaq Juda mung na abi kiimungti ka ahüshe miraq. Jamkhano ngukla, Ngi raq ümchuwa khupwong kuq wan kang maiq thun ngarai ka adiishe mirbaiqha. Arka Ngi, Tatiwe raq toqtan tiikang.”

AJONJÜ 3:22

Kra bomtsi ka ara: Tatiwe mangchan, nai apaiq tiihang wan tsii ka siruq miraq.

AJONJÜ 4:6

Shiikeawe raq iphan imaq ka, Sodom chelati tiihanghiiq maq, tiithenbaiqtaq kriithaq na, tri atsin lin maq tsasha wanto. Raüta tiichamchaoto.

EJEKIEL 14:22

Maiq ashi ra raq akhum nai asetiim ka tiichhii wan lot raüla, tsangshiq ka namshiq phana wa raüla, tsangshiq ka liilaq. Tsangshiq ka ümtinkhan abi maiqsetiim wa, kiimaq laüta namtsan mong na, Ngi raq Jerusalem tiithenbaiq kang arka kappe maq riikhaqli shin lata dea kha ka phokuq kang nguta misap han.

EJEKIEL 6:8

“Ngi raq maiq wiijam ka rejaq song chiim mong kiiwa mitiichhiiha. Lata tsangshiq ka pongmung thun na minyinbaiqha.

Yoel 2:32

Kiijiishe jurwa Tatiwe mang chong tlaq, kriiti thun mitiichhii wan. Arka Tatiwe raq, ‘Jerusalem wa ngi raq tsea wan kang thun mitiichhii wan,’ ” ngutaq kra phanphan miraq.

AMO LUIK DVP (AMOS) 4:11

“Ngi raq Sodom nai Gommora chela shiithen baiq kang ikha, namshiq phong wa maiq wiijam shiithen baiq kang. Kriiwa aso wathiq chongpot ikha, tiisambaiq wan kang. Shatmaq namtsii chhi wan man dea. Kiimaq ngi phana jang wan man dea,” nguta Tatiwe raq ngutlo.

HABAKUK 3:2

O Tatiwe lei ngi raq, ümjaqsham jonghea sham laü, kra tsütsa ka tai wan kang. Kra tai lata ngi ümman na, kai shreng manto haisong thü tiikang. Ümchaü naishiq pat niimin thongshi ri hali, shamkuq nong liina. Awang chang jaqsham laü thun ka, ümtsankhiq ranaiq niimin naishiq ma, tiihang wan mangchan thülaq,

JEPHANIA 2:9

Ngi ka tengteng atra Tati Israilnok Shiikeawe raq, tumkhamkok tolata ngutiikang, Mob nai Ammon mung ka, Sodom nai Gommora ikha mitiithenbaiq. Raüta shumkho bok thunli she mijawan. Kiimaq hiqmiq changkhü ma mijaki. Sangphii riili she milam wan; Isenginok jaqsong tiichongtlaqti raq, kra hiq thun kra jiiwan raüta, misiq wan.”

Matthew 7:14

Shatmaq, rilung lam nü na wachang kilü ka atsase. Kiimaq arlam ka akhum ma ahawiq. Maiq atsapko riili arlam ka hum wan tlo.”

Romans 9:27

Krai mren, shammi we Isaia riimin, Israilnok miitu ka akha chongkuq wanto, “Israilnok ka sammok- tra jüphii na kumtsai phong ikha puchi rai wan raü min, tsangshiq phong wiika, aso atiichongki, kriili mitiichhii kuq wan.

Romans 9:29

Ara khapho kewan arka, Isaia raq man na bom chong thütaq kra phan phan miraq. Apaiq raq akha nguta chongthüto, “Tatiwe Ningkun Ajong Pinthumwe raq, nashiq lai ala phan arwa, phanshi ra aso ano tiichong kuq wan mak dea ngu raü jiika, nashiq nok arka, Sodom nai Gommora chelati ikha, chongthum ma mija rong i wa,” nguta chongtlo.

TRI CHONGKE 29:23

Wak ram thun ka shaqmii shin ram shinriiq miraq. Hiq ka kan phong raq nai shum phong riili she amaa miraq. Jamlai chhijang kai min maimak miraq. Kiimaq sangphii dongdii min cham mak miraq. Nam mung wa hiq thun ka Sodom nai Gommora hiq kiikha miraq kiimaq Adma chela kiimaq Jeboiim chela thun Tatiwe raq atsankhiq henghea kha tiithen baiqtaq kiikha miraq.

2 Peter 2:6

Nashiq raq asap i, Shiikeawe raq Sodom nai Gommora chelati kha ka phokuqto. Raüta tsangshiq chela anaiti ka wa maq tiibunlak chaq baiqto. Shiikeawe raq ara chongtiikai manphan armaq nashiq ma tsii chhi wan lam tiichhi chongkuqtlo, rawiichii niimin Shiikeawe lamphan sap mak maq ngarai lam phanti ka akhiisii Shiikeawe raq mishthen baiq.

Revelation 11:8

Kiimaq, tsangnai maa ka kra chela jonghea, tsangnai Tatiwe pumsongkham na tübaiqtaq kiijaq chiiheawea lam na küram liira tiibum raqraq miraq. Riita, kra chela shiiton mang ka Sodom chela riimak la Ejip nguta miraq.