ISAIA 1:11 - ASII LAKDAP Bible (BSI)

¹¹ Apaiq raq ngutlo, “Ümniiraq arthun honglu takuq tlaü arka Ngi raq rariq rattlo ngutiisha tiima tlaü? Ümniiraq shamhea shamjü skusekong ka honglu na takuq lata wa na ngampü chaqtlaü kra Ngi ma raamak she. Hongto she. Ngi ka minsaü pongwetiim nai skusekong kiimaq chhechhi kong taalaüta atiijai raükuq tlaü kra chhilata itsütsa she sikito.

Hawa Naga Bible 2001

¹¹ Vpiq rueq, “Mnoz rueq ngaz muex shomc nawk kuy shomc kuq vphux lotlaz kuex ngaz rueq raungc raq yaq ngoz tueq haz tvmaung vshuinx? Shomc nawk kuy juing ikhoc mnoz rueq wvr maq jauk vshuiux khelbuenx pung htenc nuiyc vpuiz waq ngvmx saz htenc htauk nuex jvnc vtueq ngaz rueq lvp vshaungx. Ngaz rueq khelbuenx pung htenc, khelbuenx htenc nuiyc khelkhix htenc tvguiy kuex raungc raq mauk.

ISAIA 1:11 Referencias Cruzadas

Tvtsvmc 40:6

Ümniiraq nyamse honglu na ataakuq thun nai laihin honglu akuq thun kriika rariq maü; ümniiraq nyamse thun ka berong-wacha na wiipumtam maq chaq chang honglu kriika jaü maü riimakla ngarai shiikhoi honglu thun kriimin jaü maü. Kra rii na ümbom tai miitu ngi ma nilok thun kuqlaü.

Tvtsvmc 50:8

Ngi raq namshiq ka ngi ma honglu thun kuqtlan kha niika sonmang kiimaq namshiq raq ngi ma chaqtlii-honglu wranaiqshe kuqtlan kra miitu son mang.

Tvtsvmc 51:16

Ümniiraq nyamse honglu thun ka rariq maü, riimak nguraü ka ngi raq mikuqha wa; ümniiraq wa na chaq raüta akuq honglu thun ka rariq maü.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

TAKSU LAK 21:27

Ashutwe raq akuq honglu ka, Tatiwe raq tao mak. Akhek ka tsan na ajiq tiima raüta, honglu akuq kra saisitlo.

TAKSU LAK 21:3

Kechu jaqsham nai riikhaqli jaqsham ka, Tatiwe ma, honglu pahea akuq thaq na ahea.

ISAIA 58:2

Tsangshiq raq Ngi ka wranaiqshe shomnoqtlo. Raüta tsangshiq ka pinthum ilam phan thun kra sap wan miitu kiimaq itri raütu kra lang wan raüta siwan miitu shiikut chaq tiikai nguta tiitsakiq siqtlo. Tsangshiq raq ngutlo Ngi raq tsangshiq miika riikhaqli tingting tri raütu kli kuq raüjaq ahea miraq. Kiimaq tsangshiq raq Ngi shomnoq lam maq kai khoqriiqtiikai nguta tiitsakitlo”.

ISAIA 66:3

“Maiqse riika maiqmii raq aroro kli klotlo. Tsangshiq ma honglu na minsaü pongwe take nai maiqse take wan ka mrenli. Tsangshiq miika skuranse honglu na take nai hikaü dangkong tiingo buk kriika adam siili. Tsangshiq miika wong-hong luke wan nai waq tiijai hongluke wan kriimin adamli. Kiimaq tsangshiq miika homseng hongluke wan nai sumla phra shomnoq ka mrensiili. Tsangshiq ka maiqphai asi klo raüta shomnoq wantlaq kriima pinthum peotlo.

JEREMIA 6:20

Tsangshiq raq Sheba mung wa homseng lam wan raüta honglu na chaqtlaq kra ngi ma jamlai liip wa? Riimakla pongmung luhea wa süsetapan homhea phan lam wan raüta honglu na chaqtlaq kra ngi ma jamlai liip wa? Tsangshiq raq ngi ma honglu kuq wantlaq kra ngi raq tao mang. Kiimaq tsangshiq raq ngi ma nyamse honglu takuq wan tlaq kra miitu min ngi ka shümü mang.

JEREMIA 7:21

“Isenginok lei, honglu na akuqhan nyamse ngam wiijam ka berong-wacha na wiipumtam maq chaqbaiq tlan. Kiimaq wiijam ngam ka namshiq raq aphaq miitu aming tiideaje. Shatmaq ümchaü Ngi Tatiwe raq namshiq ma chong ka, namshiq riili wiitarü ka phaq rong liina.

Hosea 6:6

Jamkhano ngukla, Ngi riika lungwii tsantsii rit tiikang. Nyamse honglu ngamrea rit mang. Tsangshiq raq Ngi sap wan kra rit tiikang, Tsangshiq honglu ngamrea ka rit mang.

Hosea 8:13

Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!

AMO LUIK DVP (AMOS) 4:5

Kechutum honglu winsii kra kuq wan rong liita, lanta achan anase kuq wan tlan kra miitu, nokwe ma chiiriim lanta tiitai kuq wan lili rong liina. O, Israilnok lei, namshiq riika akha, Shiikeawe shomnoq wan kra kai lungwii tlan kata, nguta Tatiwe Shiikeawe raq ngutlo.

AMO LUIK DVP (AMOS) 5:21

Tatiwe raq ngutlo, “Namshiq raq ngi shomnoq wan poi klo tlan, kra ngi raq ninlot mang!

AMO LUIK DVP (AMOS) 5:22

Namshiq raq ngi ma chaqtlii-honglu, kiimaq wong-honglu kuq tlan, kra ngi raq tao mang. Namshiq raq kumchipo ikha tiijong lanta, nyamse honglu kuq tlan, kra ngi raq tao mang.

Mikha 6:7

Tatiwe ma skulise hingshi, riimakla, Olip tai ka khamkai ikha miishea mishreng? Ngi ngarai dokda miitu Ise chhikhuwe kriisha mikuqha?

HAGAI 2:14

Kiijiishe, “Akhiisii hali, armungti raq, kiimaq tsangshiq raq wak ajam wa atsi ango, kiimaq tsangshiq raq ümchuwa honglu berong-wacha na kuq tlaq thun ka ashe siisaq nguta Tatiwe raq ngutlo,” nguta Hagai raq tsangshiq ma chongto,

JEKERIA 7:5

Apaiq raq akha chongto, “Armungti nai ramwebi ma chonglaq, tsangshiq raq man na, rawii wiiroq miishi leawantaq akhing na, rawiishi liipan na jipi lübiingi ngoja na, nai jipi lümiishi akhing na, tsangshiq raq amang maq achu jaü wantlaq kriika, ngi ma shreng raüta alam wan ka riimak.

MALAKI 1:10

Tati Ningkun Ajong Pinthumwe raq ngutlo, “Namshiq phong wa weshi ra raq Shomjam kilü thun ka shabaiq raüjaq ahea riichang wa nguta tiima tiikang. Kra nguraü ka namshiq raq athii ahü honglu thun ka iberongwacha na chaqki man mirhan wa. Ngi ka namshiq ma itsan heamak. Namshiq raq honglu kuq tlan ka tao mang.

Matthew 22:4

Kriikha miishe apaiq raq ajaqshisetiim ahinti kra hali tiiki nong raüta, wanwe ka akha tiichong kinongto: ‘Shamhea shamjü kumchipo ikha alüsea chang minsaü pong we thun min atawi she. Tashong ka ümchaü jato she. Kherüsea poi lomwa dam warong riishe!’

Matthew 9:13

Asii bomtsi na, ‘Ngi miika mangchan tsii li ra tlo, honglu ngamrea thop ka riimak!’ nguta chongtlaq arka jamlai ngo wa, kra namshiq raq samhea phat rong laq. Lanta kra liichum ka takwan han jaq ahea miraq. Ngi ka chiisan maiqsetiim heakai akiha riimak; ashleq arbaiqti thun kra triichom sheakai kikang.”

1 SAMUEL 15:22

Shatmaq Samuel raq treto, “Riita Tatiwe ümriiti wa lungwiitla: Apaiq bomtai kriisha, honglu thun nai nyamse atakuq kriiwa lungwiitla? Skuse ahea pinthum honglu atakuq thaq na, apaiq bomtai riiwe ka ahea.