DUNGWVNC 2:24 - ASII LAKDAP Bible (BSI)

²⁴ Apaiq raq tsangshiq hansiitrang tra kra taito. Kiimaq apaiq raq Abraham rai, Isak rai, kiimaq Jakob rai tongshong wantaq kra tsan na tiitsangto.

Hawa Naga Bible 2001

²⁴ tsuingshiq kvbot nyvnx khoar yaq kuex tay vtueq, Abraham, Esak nuiyc Yaku hez rulc vtaq vpiq bomkhvrc kuex tvmaung lvp tueq.

DUNGWVNC 2:24 Referencias Cruzadas

RAPHA HIQWA LAK 15:13

Kiijiishe Tatiwe raq apaiq ma akha nguto, “Ümsaü ümsetiim ka pong mung na wanshawe ma mija wan. Kiimaq tsangshiq ka kra mung na dikong ma mitiija. Kiimaq tsangshiq ka maiq raq rawii shiblai na saüli hok maq nishishi pinthum mitiichamchao wan.

RAPHA HIQWA LAK 16:11

Ümse ka maiqwe se michii haü. Kiimaq ümniiraq apaiq ka Ishmael nguta mimang haü. Jamkhano ngukla Tatiwe raq ümnaq hoqsii laü kra taito she.

RAPHA HIQWA LAK 17:7

“Ngi raq ümniirai ikiq kham tiikang ka ümniirai kiimaq rawiichii pat achat na ümlai ümla thun rai min pattup pat-sa tongshong ma mitiijaha. Ngi ka üm Shiikeawe she kiimaq ümlai ümla thun Shiikeawe she.

RAPHA HIQWA LAK 18:18

Apaiq saüse phan thun ka maiq mung jonghea ashi kiimaq maiq pahea ahong ala mung ashi miishe mija wan. Kiimaq apaiq lümaq Ngi raq maiq phan thun tlotli mishmanha.

RAPHA HIQWA LAK 22:16

“Ngi raq imang chong lata sinkham tiikang, Ngi Tatiwe raq tantan ngutiikang, Ngi raq ümniika pinthum mishmanha. Jamkhano ngukla ümniiraq ara klo laü. Kiimaq ümse sekhuq laq laq se kriimin Ngi ma khunnü maü maq kuq laü.

RAPHA HIQWA LAK 26:2

Tatiwe ka Isak phana saükito. Raüta akha nguto, “Ejip mung na naq kikiq. Armung na, Ngi raq chongtiikang hiq kiijaq silaq.

RAPHA HIQWA LAK 26:24

Kra rawa Tatiwe ka apaiq phana kito. Raüta akha nguto, “Ngi ka ümwe Abraham Shiikeawe. Ümniika naqhaikiq. Ngi ka ümniirai asi. Ngi raq ümniika mishman kang. Kiimaq ümniima ümsaü ümsetiim ka pahea mikuqha. Jamkhano ngukla Ngi raq ijaqshise Abraham ma kiqkham kuqkang.”

RAPHA HIQWA LAK 26:3

Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha.

RAPHA HIQWA LAK 32:28

Kriiwe raq nguto, “Ümmang ka Jakob riimak she. Ümniika Shiikeawe rai riikilaü kiimaq maiqrai min riikilaü. Laüta ümniiriisii tanglaü. Kra ningkhan ümmang ka Israil she miraq.”

RAPHA HIQWA LAK 35:11

Kiimaq Shiikeawe raq apaiq ma nguto, “Ngi Ka Ningkun Ajong Shiikeawe. Ümsetiim ka paheashe mipuchi wan laq. Ümlai ümla kiiwa maiq mung pahea she mipu wanlaq. Kiimaq ümniika hokhambi thun ma kaüwati mija wan haü.

RAPHA HIQWA LAK 35:12

Ngi raq Abraham ma kiimaq Isak ma kuqkang mung kra ümniima mikuqha. Kiimaq kra mung ka ümnaq tsaijai ümsaü ümsetiim ma mikuqha.”

RAPHA HIQWA LAK 8:1

Shiikeawe raq Nowaq nai apaiq rai lai mong na nyamse thun sitlaq kra laqbaiq mak riito. Kiimaq apaiq raq ra tiihaito. Kiimaq jü ka riiwan wan she riiwanto.

2 HOKHVMX 13:23

Shatmaq Tatiwe raq tsangshiq ka mangchan shat kiimaq tiihang kuqshat riito. Apaiq raq tsangshiq ka re jaq na tiithenbaiq mak riito. Shatmaq tsangshiq ka khrum kuqto. Jamkhano ngukla apaiq raq Abraham, Isak, kiimaq Jakob rai tongshongto. Apaiq raq asenginok ka ümtiikiimin laqbaiq mak riito.

Tvtsvmc 102:2

Ngi ümtiikiiwa chamchao mong na sitiikang, ümniika ngi phawa ahin na naqwa wanki! Ngi achujaü tiitsang tailaq, laüta ngi ma jaqlo trelaq, ümtiikiiwa ngi raq ümnaq heatiikang na!

Tvtsvmc 102:20

Apaiq raq phaqtek na siti shumwikong gamgu hantrang taito, kiimaq atiitsai ma ashaqbaiq thun kharü diikuq raüta tiidongto.

Tvtsvmc 105:42

Apaiq raq asii akiqkham tsan na tiitsangto, ajaqshi se Abraham ma akuq riito.

Tvtsvmc 106:45

Tsangshiq tiiwong ma atongshong bomtsi tiimato, kiimaq alungwii tsii jonghea kha maq atsankhiq atiishi riiwanto.

Tvtsvmc 138:3

Ngi raq achu jaükang akhing na ümniiraq trelaü; ümningkun maq ümniiraq ngi ma ningkun shoqkuqlaü.

Tvtsvmc 22:24

Apaiq raq miitsan maiqse tiishaüji mak kiimaq tsangshiq chamchao ka shipoq mak; apaiq ka tsangshiq pha wa ahin nü na müwan mak, shatmaq ümtiikiiwa tsangshiq raq khrum jaüjiiq kra trekuqtlo.”

Tvtsvmc 22:5

Tsangshiq raq ümmaq heato raüta haisi chang wa lunto; tsangshiq raq ümniima kamto krai mren tsiim jümak.

Tvtsvmc 79:11

Shumwi kong hoqtrang ka tailaq, laüta ümningkun jonghea kriimaq maiqjaq khon mong na tsai wanti kra tiichhiilaq.

DUNGWVNC 6:5

Ümchaü Ngi raq Israilnok aho asii chamchao han-nyi trang tlaq kra tai kang she. Tsangshiq ka Ejipnok raq dikong ma rümtlo. Kiimaq Ngi raq tsangshiq rai tongshong raükha paq kang kra itsan na dongtlo.

WEAWEA 20:16

Kiimaq naishiq ka Tatiwe man na khrum jaü hoqtrangkai. Apaiq raq naishiq hotrang ka taito. Raüta naishiq khrumti rase ashi tiikito. Apaiq raq naishiq ka Ejip mung wa tsuq wanto. Ümchaü naishiq ka Kadesh wang na. Üm mung hiqrai tho chela na.

Acts 7:34

Ngi raq I saü I setiim Ejip mung na riitsi tsaitsiiq chamchao tlaq kra chhi kang she. Ngi raq tsangshiq hosii trang kra tai kang she. Kiimaq, ngi ka ümchaü tsangshiq ka shumraü kharü mong wa dokdaa kai kikang. Wara, ümchaü Ngi raq ümniika Ejip mung na tiikipha.’

PHOWEBI 2:18

Ümtiikiiwa Tatiwe raq Israilnok ma wela ashi shongkuq tlaq, Tatiwe raq apaiq kra khrumkuq tlo. Raüta apaiq atra sishat wiiwii mungmaiqse ka chiqse rewe jaqkhon mong wa tiiwong kuqtlo. Tatiwe raq chiqse rewe jaqkhon mong na tsangshiq chamchao kaidi hansii trang nai aho trang kra tairaüta, tsangshiq ma tiihang wan mangchan kuqtlo.

1 SAMUEL 9:16

“Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”