DUNGWVNC 2:23 - ASII LAKDAP Bible (BSI)

²³ Rawii luhea sijai she Ejip mung hokhamwe ka tsaito. Shatmaq Israilnok ka maiq dikong maiq jaqkhon mong na kai chamchao kharü mong na ahan anyi li sitlo. Kiimaq khrum jaü kai aho asii sito. Tsangshiq hoqsii trang ka Shiikeawe niki na saüto.

Hawa Naga Bible 2001

²³ Raungwawc loayc hvlc httvmx yix maq Ejip hokhvmx waz kuex thueyc kaz tueq, yuq muinz Israel miqsaz kuex dax muex yaungx ruq dvyx ningkhvnc nuex romc kuy tvkoc kvbot nyvnx khoar wuez yaq. Tsuingshiq khoarc tvruingc kuex Tishox kox nuex httuiuc waung tueq,

DUNGWVNC 2:23 Referencias Cruzadas

RAPHA HIQWA LAK 16:11

Ümse ka maiqwe se michii haü. Kiimaq ümniiraq apaiq ka Ishmael nguta mimang haü. Jamkhano ngukla Tatiwe raq ümnaq hoqsii laü kra taito she.

RAPHA HIQWA LAK 4:10

Kiijiishe Tatiwe raq nguto, “Ümniiraq atinkhan tiibitaq abi ka jam nguto klolaü? Ümno tiijai ka hiq mong maq ngi ma maiq raq aphuk lam kuqlaq nguta hoqtlaq ikha hoqtlo.

NEHEMIA 9:9

“Ümniiraq naititiim ka Ejip mung na, jamkho chamchao wantaq kra achhi haü kata. Ümniiraq khamshii chumjong mong maq, tsangshiq hoqsii wantaq kra tre kuq laü ihata.

YOBA 35:9

Maiqse ka ji maq nishishi haihii raüla, tsangshiq ka ahan anyi mihoqsii trang; tsangshiq hoqtrang tlaq kra maiq weshi ra raq tiichhiikuq haü jaq nguta hoqtrangtlo.

Tvtsvmc 102:1

Ngi achujaü ara tiitsang tailaq, O Tatiwe lei, laüta ngi raq khrumjaü hoqtiikang ara tailaq!

Tvtsvmc 102:2

Ngi ümtiikiiwa chamchao mong na sitiikang, ümniika ngi phawa ahin na naqwa wanki! Ngi achujaü tiitsang tailaq, laüta ngi ma jaqlo trelaq, ümtiikiiwa ngi raq ümnaq heatiikang na!

Tvtsvmc 12:5

“Shatmaq ümchaü ka ngi she mikiha,” nguta Tatiwe raq ngutlo, “Jamkhano ngukla tsangshiq raq jehin norebi ka haihiitlo, kiimaq tsangshiq raq tiichamchaotlaq thun ka atsitsi ma hoqtrangtlo. Tsangshiq raq tsantsi mongtsi atiikhup wongketi rittlaq kra ngi raq mikuqha.”

Tvtsvmc 18:6

Chamchao akhing na ngi Tatiwe heakang; ngi raq i Shiikeawe ma khrum kuqlaq nguta heakang. Ashom jam maq ibom ka taito; apaiq raq ngi khrum jaü hoqsii kang ka tiitsang taito.

DUNGWVNC 4:19

Riita Mosheq ka Midian mung niili shon na, Tatiwe raq apaiq ma thaüto, “Kilaq Ejip mung na jangholaq. Ümnaq tsea ma tankhanti thun maiq ka wiita tsaikito she.”

DUNGWVNC 6:5

Ümchaü Ngi raq Israilnok aho asii chamchao han-nyi trang tlaq kra tai kang she. Tsangshiq ka Ejipnok raq dikong ma rümtlo. Kiimaq Ngi raq tsangshiq rai tongshong raükha paq kang kra itsan na dongtlo.

DUNGWVNC 6:9

Mosheq raq arthun ara Israilnok ma chongkuqto. Shatmaq tsangshiq raq apaiq bom ka tai mak riito. Jamkhano ngukla tsangshiq tsaiji ka riitsi tsai tsiiq dikong rilung tiichamchaotlaq kra ningkhan ajomkaikun she riito.

DUNGWVNC 7:7

Tsangnai raq hokhamwe rai riibomtaq akhing na, Mosheq ka wiiroq tiichat maiq riito. Kiimaq Aron ka wiiroq tiichat ri wiitsam maiq riito.

ISAIA 19:20

Kriithun ka Ajong Pinthum Tatiwe ka Ejip mung na sitlo nguta sap chang miithiishong miraq. Krai mren kiijaq siti mungmaiqse ma litkot chamchao asaü ranaiq na, tsangshiq raq Tatiwe ni pha raüta achu jaü raüla, apaiq raq maiq ashi ra tsangshiq tiichhiiketi mitiiki.

ISAIA 5:7

Israil ka Ajong Pinthum Tati spiqro; Juda mungti ka apaiq raq achhi jang spiqro, Tsangshiq raq ahea jaqli misham nguta tiimato; shatmaq tsangshiq raq maiq khoti tsatto. Tsangshiq riika athuk atsom jaq misham nguta apaiq raq tiimato, shatmaq tsangshiq jaqsho maiqse thun raq kha phokuqlaq nguta hoqtrangto.

WEAWEA 20:16

Kiimaq naishiq ka Tatiwe man na khrum jaü hoqtrangkai. Apaiq raq naishiq hotrang ka taito. Raüta naishiq khrumti rase ashi tiikito. Apaiq raq naishiq ka Ejip mung wa tsuq wanto. Ümchaü naishiq ka Kadesh wang na. Üm mung hiqrai tho chela na.

Acts 7:30

“Mosheq ka kra wang na, rawii wiiroqblai sijai niishe, ranaiqshi kumtsaiphii na Sinai pum ji maq, rase ashi ka rumrü mong na walü ma ja raüta, Mosheq phana kito.

TRI CHONGKE 24:15

Wranaiqtek apaiq ningchang ka rashe minyap shaq na khaq khaq kuqlaq. Apaiq ma kampho ka akhek ratlo. Kiimaq apaiq ka kra ningchang jaq maq kriima tlam raüta sitlo. Ümniiraq apaiq ma ningchang ka kuq maü raüla, apaiq ka Tatiwe man na aho raüta ümnaq shra mishok. Kiimaq ümniika ashutwe ma mija haü.

James 5:4

Namshiq raq namwak na ningchang tham phaqti, tsamhan jaq maq kampho ka kuq man maq haihii lan. Tsangshiq raq aholülü maq tiipaiqnea jaü tlaq kra tai man sha! Tsangshiq hoq trang tlaq kra Tatiwe, Ajong Shiikeawe raq taito she.

PHOWEBI 4:3

Jabin jaq niika jin kumrang leng shitiikaü asi. Kiimaq apaiq raq Israilnok ka ji maq nishishi kiimaq jasam piqsii maq wiiroqnai jamshato. Kiijiishe Israilnok ka Tatiwe man na pinthum hoqsii trang raüta khrum kuq liidea nguta achu jaüto.

1 SAMUEL 12:8

Man na Jakob nai apaiq jamtitiim ka Ejip mung na kihoto. Kiimaq Ejip mungti raq tsangshiq ka pinthum tiichamchaoto. Kriikha na namtitiim ka khrum jaü Tatiwe man na hoqtrangto. Krai mren apaiq raq Mosheq nai Aron tiikito, raüta tsangnai raq tsangshiq ka Ejip mung wa tsuq wan raüta, armung na tiishong wanto.

1 SAMUEL 9:16

“Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”