DUNGWVNC 2:23 - Hawa Naga Bible 2001

²³ Raungwawc loayc hvlc httvmx yix maq Ejip hokhvmx waz kuex thueyc kaz tueq, yuq muinz Israel miqsaz kuex dax muex yaungx ruq dvyx ningkhvnc nuex romc kuy tvkoc kvbot nyvnx khoar wuez yaq. Tsuingshiq khoarc tvruingc kuex Tishox kox nuex httuiuc waung tueq,

ASII LAKDAP Bible (BSI)

²³ Rawii luhea sijai she Ejip mung hokhamwe ka tsaito. Shatmaq Israilnok ka maiq dikong maiq jaqkhon mong na kai chamchao kharü mong na ahan anyi li sitlo. Kiimaq khrum jaü kai aho asii sito. Tsangshiq hoqsii trang ka Shiikeawe niki na saüto.

DUNGWVNC 2:23 Referencias Cruzadas

RAPHA HIQWA LAK 16:11

Mnoz rueq msaz miqwaz saz lvp vtueq, vmuingc kuex Eshmael ngoz tueq muingc shuiux, yvmx khoc lac ngoz ruiux lec Yehowa rueq mnoz yonzyex khoar vtuiux kuex tay tueq.

RAPHA HIQWA LAK 4:10

Yehowa rueq, “Mnoz rueq yvmx rvtueq lac vkhoc kvhiz juing yauk shuimc kuex shuimx vshuiux? Mnox piq tvguiy kuex murx tvyez kuy tvkoc gvl yaq tvruingc ikhoc ghaq vmaq ngaz muex ramc thvt yaq vnauz.

NEHEMIA 9:9

“Nuiyshiq jix vwaz tamx Ejip mungx nuex kuilc daz rvhumc yaq kuex mnoz rueq khiz toq; Svmuktvrax Yuix Shawx Jumx maq tsuingshiq muex romc kuy tvkoc guyc yaq kuex mnoz rueq tay toq.

YOBA 35:9

Miq htenc kuex vguirc vguenc rvhumc tuex nuex kvbot nyvnx rvyaq; tsuingshiq kuex tsuingshiq palc wvnc tvkoc miq vshiz shiz muex ramc yaq.

Tvtsvmc 102:1

O Yehowa lex, ngvy vjux thoz bomc kuex tay kuq koq, romc kuy tvkoc ngaz guyc vtaungx kuex tay kuq koq!

Tvtsvmc 102:2

Ngaz kuilc daz rvhumc taungx nuex ngvy kox wawc nauk kvroz wvnc kaz! Ngaz rueq gvl phaungx yuq tay kuq vtueq yauk lox tvralc koq!

Tvtsvmc 12:5

Yehowa rueq, “Yuq muinz htem-suiuz rvmsaz jix tvkuilc daz rvhumc yaq ningkhvnc nuex muinz, vguirc vguenc rvhumc jix kuex vthuiuz vsac nuiyc vhuinc vsez rvyaq ningkhvnc nuex muinz, ngaz majuiuc dvyx kaz raungx. Tsuingshiq rueq raungc raq yaq vhiz rac muq kvwungx juing kuex ngaz rueq kuq shaungx,” ngoz tueq jungx tueq.

Tvtsvmc 18:6

Ngaz kuilc daz vtueq ngaz rueq Yehowa kuex gvl tauk; romc kuy tvkoc ngvy Tishox kuex ngaz rueq gvl tauk. Vpiq shomc yuimx maq ngvy thuic bomc kuex tay vtueq; romc kuy tvkoc ngaz rueq ramc tauk kuex vpiq rueq tay tueq.

DUNGWVNC 4:19

Moshe kuex Midian mungx nuex httax yaq nuex, Yehowa rueq piq muex ngoc, “Ejip nuex yek kuiuz, mnoz thvy tvkoc dvnc jix miq lotlaz kuex vthueyc kay wuez shex,” ngoz tueq jungx tueq.

DUNGWVNC 6:5

Majuiuc ngaz rueq Ejip miqsaz kox nuex dax muex yaungx yaq, Israel miqsaz kvbot nyvnx yaq kuex tay vtueq, ngvy bomkhvrc kuex rvwvl lvp tauk.

DUNGWVNC 6:9

Moshe rueq kvruex bomc kuex Israel miqsaz muex jungphvnx kuq tueq, yuq muinz tsuingshiq dax muex yaungc pat nuex bac wvnc tueq tsuingshiq siyac ningkhvnc nuex tsuingshiq rueq piq kvjaz kuex tay wuez muq.

DUNGWVNC 7:7

Tsuingnueyc hokhvmx waz rulc rvbomc tueq kvkaq, Moshe kuex rullungx wawc 80, Arun kuex rullungx wawc 83 shex rvtueq.

ISAIA 19:20

Kvruex kuex Ejip mungx nuex Tvphaungc Tvsuip Yehowa ngauz tvtsuingc vyac muex yaungx tuex. Kvruex baung kvyuq tuinghtuing rvhumc jix miqsaz htenc rueq romc kuy tvkoc Yehowa muex ramc thoz koq tueq, vpiq rueq tsuingshiq muex palc kuy tvkoc miq washiz tvkaz shuex.

ISAIA 5:7

Israel kuex Tvphaungc Tvsuip Yehowa svpiq sunc rvtueq; Yuda miqsaz kuex vpiq rueq vkhic svpiq ruiuz htenc rvtueq. Tsuingshiq rueq vhvlx shuimx shuex ngoz tueq vpiq rueq tvluimc wvnc tueq, yuq muinz kvkhoc shuimc tvraung tsuingshiq rueq miq thvt gay tueq. Tsuingshiq rueq vlvmz shuimx shuex ngoz tueq vpiq rueq tvluimc wvnc tueq, yuq muinz guirguenc rvhumc yaq hez rueq kuex tvrac vrungx vraz tvkoc ramc wuez yaq.

WEAWEA 20:16

nuiyshiq rueq Yehowa kox wawc romc lawc kuy thoz koq tueq, vpiq rueq tay kuq ruiux raungkamx waz tvkaz vtueq nuiyshiq kuex Ejip mungx wawc tvdung shvlx laq phuex. Majuiuc nuiyshiq kuex m-ghaq ruiyx nuex httax yaq Kadesh ghaq nuex httuiuc kaz tiq.

Acts 7:30

“Kvyuq wawc rok bvlic httax wvnc tueq yix maq Sinai Kanx hep wawc kumtsvy tvnx nuex, wvrluic yaq rumz kvmaq raungkamx washiz kuex Moshe muex shvmx kvkhic kaz tueq.

TRI CHONGKE 24:15

Shalx max nyuip nuex wvraungx nuiyq tek piq yauk mauk kuex kuy rax; piq muex kuimphox rax yaq ningkhvnc nuex lvp aungx yaq kuex piq rueq tvluimc yaq. Mnoz rueq piq muex kuq muq ngoz ruiux yuq, piq rueq Yehowa muex tvtay ramc ningkhvnc nuex mnoz rueq mvrax lvp shuiux.

James 5:4

Nuimshiq rueq nuimshiq wuik vnax htenc nuex yauk shuimc jix hez muex yvmx yauk mauk muinz kuq muit. Tsuingshiq kvbot nyvnx yaq kuex tay shuinz! Nuimshiq tuiz vtsvmz gvnc kuy jix htenc guyc sez tvruingc kuex Tvphaungc Tvsuip Taungjix Tishox nac nuex nyuip waung vtuex.

PHOWEBI 4:3

Jabin kox nuex yanx renc 900 httax yaq, piq rueq Israel miqsaz kuex wawc rok nueyc tup tvkuilc tvdaz maq guirguenz vtueq guimz wvnc tueq. Kvkaq Israel miqsaz rueq Yehowa kox wawc romc kuy tvkoc guyc sez thoz wuez tueq.

1 SAMUEL 12:8

Yaku nuiyc piq yuimx wuinz kuex Ejip mungx nuex kaz wvnc tueq nuex, Ejip miqsaz rueq tsuingshiq kuex tuinghtuing koq tueq, nuimshiq jix vwaz hez rueq tsuingshiq muex romc kuy tvkoc Yehowa kox wawc guyc sez thoz koq tueq, Ejip mungx wawc tvdung shvlx wvnc tueq Moshe nuiyc Arun kuex vpiq rueq tvkay ningkhvnc nuex vruex mungx vyuq tsuingshiq httax yaq.

1 SAMUEL 9:16

“Invp raungnuiyq vtanc jauz Benjamin phvnx wawc miq washiz kuex mnoz kox nuex ngaz rueq tvkaz phaungx; ngvy miqsaz Israel kuex guimz lawc jix waz muex tvyaungc vtueq, piq kuex ruimruimc puiz tix maq shvy kuq shuiuz, kvkaq piq rueq tsuingshiq kuex Philistin miqsaz yauk wawc tvkhup wungx kuq shuex. Ngvy miqsaz htenc rvhumc yaq kuilc daz kuex ngaz rueq khiz tauk, tsuingshiq muex romc kuy tvkoc tsuingshiq rueq guyc thoz yaq kvmuinz tay tauk shex,” ngoz tueq jungx tueq.