DUNGWVNC 2:24 - Hawa Naga Bible 2001

²⁴ tsuingshiq kvbot nyvnx khoar yaq kuex tay vtueq, Abraham, Esak nuiyc Yaku hez rulc vtaq vpiq bomkhvrc kuex tvmaung lvp tueq.

ASII LAKDAP Bible (BSI)

²⁴ Apaiq raq tsangshiq hansiitrang tra kra taito. Kiimaq apaiq raq Abraham rai, Isak rai, kiimaq Jakob rai tongshong wantaq kra tsan na tiitsangto.

DUNGWVNC 2:24 Referencias Cruzadas

RAPHA HIQWA LAK 15:13

Yehowa rueq piq muex ngoc, “Msuiuz msaz hez kuex pungmungx nuex wuinshaung muex httax tuex; kvruex yuq tsuingshiq kuex wawc shac bvlic dax muex yaungx vtueq, naqsaq guirguenc naqruiyx rvhumc tuex.

RAPHA HIQWA LAK 16:11

Mnoz rueq msaz miqwaz saz lvp vtueq, vmuingc kuex Eshmael ngoz tueq muingc shuiux, yvmx khoc lac ngoz ruiux lec Yehowa rueq mnoz yonzyex khoar vtuiux kuex tay tueq.

RAPHA HIQWA LAK 17:7

“Mnoz rulc nuiyc httuiuc wvnc yaq pat wawc msuiuz msaz hez rulc pattup pat-sac bomkhvrc ngoz yaq ngvy bomkhvmc kuex ngaz rueq taq shaungx. Ngaz kuex m-Tishox nuiyc msuiuz msaz hez Tishox muex yaungx taungx.

RAPHA HIQWA LAK 18:18

Piq suiuz vsaz htenc kuex yungx luz wvnc vtueq hungc vlaungc mvrc yaq miqphvnx muex yaungx wvnc tuex, piq ningkhvnc nuex miqphvnx lotlaz muex ruimruimx kuq shaungx.

RAPHA HIQWA LAK 22:16

“Ngaz rueq ngvy muingc maq kvtuemc vtueq Yehowa rueq jungx yaq vruex yauk shuimc kuex mnoz rueq shuimx kaz vtueq msaz vshiz lauklauk saz kuex ngaz muex kuy khvnnyvnx muq ningkhvnc nuex ngaz rueq mnoz muex hunghtaungx laz ruimruimx kuq phaungx,

RAPHA HIQWA LAK 26:2

Yehowa kuex Esak muex kvkhic kaz vtueq, “Mnoz kuex Ejip mungx nuex nauk kaz kaz; ngaz rueq jungx kuq vphaungx mungtan vyuq httax kuiuz.

RAPHA HIQWA LAK 26:24

Kvruex raungwvrx Yehowa kuex piq muex kvkhic kaz vtueq, “Ngaz kuex m-waz Abraham Tishox rvtauk. Nauk hiz kaz; ngaz kuex nuimshiq rulc vdvmz httax vtaungx. Ngaz rueq ngvy nvrc waz Abraham muex bomkhvmc taq tauk ningkhvnc nuex mnoz muex ruimruimx kuq phaungx, msuiuz msaz htenc muinz paung wvnc tuex,” ngoz tueq jungx tueq.

RAPHA HIQWA LAK 26:3

Majuiuc httax vtuiux vyuq lawx httax kuiuz, ngaz kuex mnoz rulc vdvmz httax vtueq ruimrix kuq phaungx. Vruex hong lotlaz kuex mnoz muex nuiyc msuiuz msaz htenc muex ngaz rueq kuq phaungx. M-waz Abraham muex ngaz rueq bomkhvmc kuq tauk rulc rv-ngvlc ngaz rueq ruez shaungx.

RAPHA HIQWA LAK 32:28

Kvruex waz rueq, “Yix maq mmuingc Yaku ngoz tueq nauk kvmuingc kaz shex. Mnoz kuex Tishox rulc muinz, miq rulc muinz rvlongx palx vtueq taungx gay jix waz rvtoq; kvkhoc rvtueq mmuingc kuex Israel rvtuex,” ngoz tueq jungx kuq tueq.

RAPHA HIQWA LAK 35:11

Lauk shiz hulawx Tishox rueq piq muex ngoc, “Ngaz kuex Tvphaungc Tvsuip Tishox rvtauk. Suiuz vsaz paunghvlc jawx shuiuz. Miq phvnx ruip rawx kuex mnoz maq pux paung dung wvnc tuex, msuiuz msaz phvnx wawc honoc hokhvmx dung wvnc wuez tuex.

RAPHA HIQWA LAK 35:12

Ngaz rueq Abraham nuiyc Esak muex kuq tauk mungtan kuex mnoz muex muinz, msuiuz msaz phvnx muex muinz kuq phaungx,” ngoz tueq jungx tueq.

RAPHA HIQWA LAK 8:1

Tishox rueq Noa nuiyc svngpholix nuex httax yaq ngvmx saz htenc kuex lauk gay muq; vpiq rueq raungx tvguil koq tueq yuix kuex ruic wvnc phaungc tueq.

2 HOKHVMX 13:23

yuq muinz Abraham, Esak, Yaku hez rulc vtaq vpiq bomkhvrc ningkhvnc nuex Yehowa rueq tsuingshiq muex menjenc kuq tueq. Vpiq rueq tsuingshiq kuex tvbac gay tvrvhumc roc muq rvtueq tsuingshiq muex romc kuq tueq. Vpiq miqsaz kuex vpiq rueq mkaq muinz lauk gay muq.

Tvtsvmc 102:2

Ngaz kuilc daz rvhumc taungx nuex ngvy kox wawc nauk kvroz wvnc kaz! Ngaz rueq gvl phaungx yuq tay kuq vtueq yauk lox tvralc koq!

Tvtsvmc 102:20

Vpiq rueq khoktep miqsaz htenc rueq httonx yaq kuex tay vtueq vthueyc tvkoc htvp htaz gay rvhumc yaq htenc kuex tvdung gay tueq.

Tvtsvmc 105:42

Vpiq rueq nvrc waz Abraham muex kuq tueq vsawc bomkhvmc kuex piq rueq rvwvl lvp tueq.

Tvtsvmc 106:45

Vpiq rueq tsuingshiq vjux kuex lawc vtueq bomkhvrc vtaq kuex rvwvl lvp tueq, vpiq lungwawc thuinz yunghvlc ningkhvnc nuex vpiq thuinkhvy kuex tvgawx gay tueq.

Tvtsvmc 138:3

Mnoz kuex ngaz rueq gvl phaungx tueq mnoz rueq tvralc kuq ruiux; mhungc vlaungc maq ngaz muex hungc kuq phux.

Tvtsvmc 22:24

Vpiq rueq htemc vrvmc miqsaz kuex gay shec muq; tsuingshiq kuilc daz kuex yix tvnungx nuex shung kuq muq, vpiq muinz kvroz kaz wvnc muq, yuq muinz romc kuy tvkoc tsuingshiq rueq gvl koq tueq vpiq rueq tvralc tueq.”

Tvtsvmc 22:5

Tsuingshiq rueq mnoz kuex gvl tueq nuiyc vhiz juing wawc dung wvnc wuez tueq; tsuingshiq kuex mnoz muex tvluimc wuez vtueq thuinbac wuez yaq rvmuq.

Tvtsvmc 79:11

Khoktep nuex httaz jix miqsaz htenc huinsez yaq kuex tay kuq shuiuz, vthueyc murx rvhumc yaq htenc kuex mnoz yunghvlc luimc vkawc tvdung gay shuiuz.

DUNGWVNC 6:5

Majuiuc ngaz rueq Ejip miqsaz kox nuex dax muex yaungx yaq, Israel miqsaz kvbot nyvnx yaq kuex tay vtueq, ngvy bomkhvrc kuex rvwvl lvp tauk.

WEAWEA 20:16

nuiyshiq rueq Yehowa kox wawc romc lawc kuy thoz koq tueq, vpiq rueq tay kuq ruiux raungkamx waz tvkaz vtueq nuiyshiq kuex Ejip mungx wawc tvdung shvlx laq phuex. Majuiuc nuiyshiq kuex m-ghaq ruiyx nuex httax yaq Kadesh ghaq nuex httuiuc kaz tiq.

Acts 7:34

Ejip mungx nuex httax yaq ngvy miqsaz htenc tvkuilc daz guirguenz yaq kuex ngaz rueq khiz vshaungx, tsuingshiq kvbot nyanx yaq thuic bomc muinz ngaz rueq tay tauk, kvkhoc rvtueq tsuingshiq palc daungc wvnc tvkoc ngaz httuiuc kaz tauk, majuiuc waung kuiuz, mnoz kuex Ejip mungx nuex ngaz rueq nvr tvkaz nyix,’ ngoz tueq jungx tueq.

PHOWEBI 2:18

Yehowa rueq Israel miqsaz shunshvlc jix vyungx vlaungx washiz kuq shuex ruip rawx, Yehowa kuex kvruex waz rullungx wvlex piq muex romc kuq vtueq, ralx htenc yauk wawc miq htenc kuex palc wvnc ruiux shuex. Tsuingshiq rvhumc yaq kuilc daz jamjaux nuiyc tuinghtuing rvhumc vtueq kvbot nyvnx wuez yaq ningkhvnc nuex Yehowa rueq tsuingshiq muex menjenc kuq tueq.

1 SAMUEL 9:16

“Invp raungnuiyq vtanc jauz Benjamin phvnx wawc miq washiz kuex mnoz kox nuex ngaz rueq tvkaz phaungx; ngvy miqsaz Israel kuex guimz lawc jix waz muex tvyaungc vtueq, piq kuex ruimruimc puiz tix maq shvy kuq shuiuz, kvkaq piq rueq tsuingshiq kuex Philistin miqsaz yauk wawc tvkhup wungx kuq shuex. Ngvy miqsaz htenc rvhumc yaq kuilc daz kuex ngaz rueq khiz tauk, tsuingshiq muex romc kuy tvkoc tsuingshiq rueq guyc thoz yaq kvmuinz tay tauk shex,” ngoz tueq jungx tueq.