DUNGWVNC 12:29 - ASII LAKDAP Bible (BSI)

²⁹ Rawa wathung wakham na Tatiwe raq Ejip mung wa chhikhusetiim ka wiita tsat baiqto. Hokhamwe se hokham ma shong chang kriimaq phaho raüta longsha phaqtek mong na sitiwe shumwiwe se miitaq kun kun tsatbaiqto. Kiimaq nyamse chhikhu anyung thun kriimin wiita tsat baiqto.

Hawa Naga Bible 2001

²⁹ Raungwvrx htungx nuex Yehowa rueq Ejip mungx wawc miqwaz saz pekhux lotlaz maq phaungc vtueq hokhvmx hoc nuex duic jix hokhvmx waz saz pekhux waz maq, khoktep nuex httaz yaq jix saz pekhux waz nuex httuiuc laz muinz, nyvmx saz kungkhux vnyuiuz lotlaz muinz thvt gay tueq.

DUNGWVNC 12:29 Referencias Cruzadas

RAPHA HIQWA LAK 15:14

Shatmaq tsangshiq ka dikong ma tiijatinok mung ka Ngi raq mo mitiihoha. Kiimaq tsangshiq ka kra pong mung kiiwa ümtiikiiwa laü wantlaq, tsangshiq raq chaq nyung sengwe pahea howan raütiishe milaü wan.

YOBA 34:20

Maiqse ka tiidongchhaq miili rawa na motsai kai. Shiikeawe raq maiqse thun ka bukbaiqtlo raüla tsangshiq ka jiimtlo; apaiq raq ahong ala maiqse thun ka hunhü niihü miili tsat baiqtlo.

Tvtsvmc 105:36

Apaiq raq Ejip mungti jamkitek wa chhikhusetiim tsatbaiqto.

Tvtsvmc 135:8

Ejip mung wa apaiq raq chhikhusetiim thun wiita tsatbaiqto maiqsetiim nai nyamsetiim pili maq.

Tvtsvmc 136:10

Apaiq raq Ejip mung wa maiqwesere chhikhusetiim tsatbaiqto; apaiq lungwii ka pattup pat-sa.

Tvtsvmc 78:50

Apaiq raq atsankhiq walü ka shiikhing mak riito riimakla tsangshiq rilung ka tiiwong kuq mak riito, shatmaq sawa tha tiisaü raüta jiipbaiqto.

Tvtsvmc 78:51

Apaiq raq Ejipnok jamkun wa chhikhusetiim maiqwese thun wiita tsatbaiqto.

DUNGWVNC 11:1

Kiijiishe Tatiwe raq Mosheq ma nguto, “Ngi raq Ejip mung hokhamwe nai asenginok ma imo jangshi li she mitiihoha. Kriijai miitiq apaiq raq namshiq ka mitiiwa. Tengteng, apaiq raq namshiq wiitarü ka arwa ajo mirbaiq.

DUNGWVNC 12:12

“Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.

DUNGWVNC 12:28

Raütiishe tsangshiq ka kihoto. Raüta Tatiwe raq Mosheq nai Aron ma jamlai aming wa kuqtaq kra kloto.

DUNGWVNC 13:15

Ejip mung hokhamwe tsantsii ka wanshak shak riito. Kiimaq nashiqnok ka tlaü wan mak ningtangto. Kiijiishe Tatiwe raq Ejip mung wa chhikhuse humtlaq loweatek kra maiqwe se lo kiimaq nyamse lo thun kra wiita tsat baiqto. Kra ningkhan nashiq raq nyamse chhikhuse nyungtlaq loweatek kra Tatiwe ma honglu na takuq tiikai. Shatmaq nasetiim chhikhusetiim ka apaiq jaq wa ari laita tiijang wan nong tiikai.

DUNGWVNC 4:23

Ngi raq ümniima ise ka tiiwa ratlo. Apaiq raq Ngi ka mishomnoq laq. Shatmaq ümniiraq apaiq ka ningtang laü. Ümchaü min, Ngi raq ümse chhikhuwe kriishe mitsat baiqha.’”

DUNGWVNC 9:6

Kriimaq napjai angu na, Tatiwe raq apaiq raq ngutaq kra phan phan jaq ka shamto. Krai mren Ejipnok nyamse thun ka kunli tsaito. Shatmaq Israilnok nyamsekong wiika ashi ra dongdii min tsaimak.

ISAIA 24:22

Shiikeawe raq hokhambi ka khobok mong na shumwikong ikha tsakhat mitübaiq. Apaiq raq tsangshiq ka tsangshiq kha phoraüta mo tiiho akhing misaü shaq wiiwii phaqtek mong na mishaqbaiq.

ISAIA 41:11

“Ümniirai tsankhiq sitibi thun raq, khatlot mak raüta jea mingaü wan. Ümniirai riikhatti thun atsai miraq.

ISAIA 51:14

Juwa phaqtek mong na sitlaq thun ka, jaqlo liipan niilishe mitiidongbaiq; tsangshiq ka rilung alu misi wan, kiimaq phaq asea chamtraq she misi wan.

JEREMIA 38:13

Raütiishe tsangshiq raq ngi ka khappong mong wa kinphai na tiidong dokuqto. Kra jai maq ngi ka hokhamwe jam rungkhok na shaqto.

JEREMIA 38:6

Krai mren she, tsangshiq raq ngi ka sheahoto. Raüta Hokhamwe se Malchia khappong khamhü mong na raü maq tiisatto. Kra khappong ka hokhamwe rinkea na riito. Kra khappong mong na kham ka ahü riito. Shatmaq boq chumli. Kiimaq ngi ka kra boq chum mong niishe tiinyap baiqto.

HABAKUK 3:5

Apaiq khaki na lamsheati ka, sawa thawa ajong tiiwa tlo. Kiimaq apaiq jai niika, tsailam kiishe tiiwa tlo.

JEKERIA 9:11

Tatiwe raq chongtlo, “Ngi raq namshiq rai tongshong wan kang. Lata honglu tiijai maq nei wan kang. Kriikha na ngi raq namshiq ka, munglu shumwi kharü mong wa, wiita she midokda wan ha.

WEAWEA 33:4

Tsangshiq ka Tatiwe raq chhikhusetiim jiipbaiqtaq thun kra maa lap rea riito. Ara jiipbaiq raüta Tatiwe apaiq ka Ejip mung wa phra kong kriithaq na ningkun ajong rümtiwe nguta tiichhi kuqto.

WEAWEA 8:17

Ümtiikiiwa Ngi raq Ejip mungti chhikhu setiim maiqwe sere tsat baiq wankang akhing na, Ngi raq Israilnok takitek wa maiqwe sere chhikhuse thun kiimaq jam nyamse chhikhu setiim thun ka Ngi riishe nguta iram kham maq tiibok wan kang.

Hebrews 11:28

Kiimahali, Mosheq raq kamtsantsii maq, Tiichhii wan Poi ka pha wanto. Apaiq raq, kamtsantsii maq, poi na ataa sku tiijai ka Israilnok jamki tek, kilam da na nei miitu, aming kuqto. Kriika, Maiqtseati Rase raq, Israilnok jamkitek wa, maiqwe se chhikhu setiim ka tsatmak mitiichhii kuq laq nguta neito.

Hebrews 12:23

Namshiq ka, ümchaü sanha, Shiikeawe setiim, chhikhu se kong sitlaq, kra triitam hea tlaq akhing poi ajong ranaiq lom dam ngutiishe saü wan tlan. Kiijaq watlaqti mang ka, ramungtan na awaiq thü wishe. Namshiq ka ümchaü sanha, maiqse angu kunli khaphoketi we, Shiikeawe wokhong niishe sitlan. Kiimaq man na, tsaitaq phong wa maiqshaq shaqti ka, Shiikeawe raq kechu maiqsetiim miishe tiija wanto. Namshiq ka tsangshiq rai adam misi wan han.