DUNGWVNC 12:28 - ASII LAKDAP Bible (BSI)

²⁸ Raütiishe tsangshiq ka kihoto. Raüta Tatiwe raq Mosheq nai Aron ma jamlai aming wa kuqtaq kra kloto.

Hawa Naga Bible 2001

²⁸ Kvruex yimaq tsuingshiq kuex kaz wvnc vtueq Yehowa rueq Moshe nuiyc Arun muex nvr tueq kvkhoc rvwuez tueq.

DUNGWVNC 12:28 Referencias Cruzadas

2 SAMUEL 5:25

Krai mren, Dawit riimin Tatiwe raq aming kuqtaq kra phanphan kloto. Krai mren, apaiq raq Philistainnok ka khat raüta, Geba chela maq riita Gejar chela kiina tiisaüli khatto. Raüta jobaiqto.

1 HOKHVMX 17:5

Krai mren Elija raq Tatiwe aming ka taito. Raüta kiijaq wawan raüta cherith khamraise tho na siwato.

DUNGWVNC 12:27

Namshiq raq akha mitrehan, ‘Arka Tatiwe shreng Tiichhii Wan Poi honglu na ataakuq. Jamkhano ngukla apaiq raq Ejip mung maq Israilnok jam thun ka alea raüta wa wanto. Apaiq raq Ejip mungti ka jiipbaiqto. Shatmaq nashiqnok ka atiiwong riikuqto.’” Kiimaq Israilnok ka hiq na bum raüta shomnoqto.

DUNGWVNC 12:29

Rawa wathung wakham na Tatiwe raq Ejip mung wa chhikhusetiim ka wiita tsat baiqto. Hokhamwe se hokham ma shong chang kriimaq phaho raüta longsha phaqtek mong na sitiwe shumwiwe se miitaq kun kun tsatbaiqto. Kiimaq nyamse chhikhu anyung thun kriimin wiita tsat baiqto.

DUNGWVNC 12:35

Mosheq raq jamkho tsii chongkuqtaq kra phan phan, tsangshiq raq kloto. Tsangshiq raq Ejip mungti jaq wa chaq nai kampho maq atiiq laktum nai khu akhea thun kra jaüto.

DUNGWVNC 14:4

Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

DUNGWVNC 36:1

“Bejalel, Oholiab kiimaq nanok ahinti tsiimwe khiiqwebi, ju miiwa Tatiwe raq jaqsham sma phaqchi kiimaq asap atsin phaqchi kuqtaq, jurwa asii Tombutiip hai wan miitu phanrap hupsam thun rong ratlaq kra klo asapti thun raq, Tatiwe raq aming kuqtaq kra phan phan kunli miklolaq.”

DUNGWVNC 39:32

Kiimaq Tatiwe asi Tombutiip miitu jaqsham chang ümchuwa sitlaq kriika kun kun she lotto. Tatiwe raq Mosheq ma aming tattaq kra phan phan Israilnok raq jaqsham ka phanrap phanrii kloto.

DUNGWVNC 39:42

Israilnok raq jaqsham thun tlotli ka Tatiwe raq Mosheq ma aming kuqtaq kra phan phan kloto.

DUNGWVNC 39:43

Kiimaq Mosheq raq hupsam thun ka wiita shrira liito. Raüta tsangshiq raq jaqsham ka Tatiwe raq aming kuqtaq kra phan phan dea kloto nguta liito. Kiimaq Mosheq raq kra hupsam thun ka shiimanto.

DUNGWVNC 7:10

Krai mren Mosheq nai Aron ka hokhamwe phana wato. Raüta Tatiwe raq aming kuqtaq kiikha kloto. Aron raq hokhamwe nai asengi ajong alabi miki na anyeakii ka hiq na riiwak baiqto. Kiimaq kra nyeakii ka paükaü ma jakito.

DUNGWVNC 7:6

Mosheq nai Aron raq Tatiwe raq jamlai aming wa tataq kra kloto.

LEWI 24:23

Riita ümtiikiiwa Mosheq raq ara Israilnok ma chongkuqtaq, tsangshiq raq kriiwe ka piitiip phai niishe sheahoto. Raüta long maq tiitsai laq tiiqbaiqto. Akha Israilnok raq Tatiwe raq Mosheq ma jamkho aming kuqtaq kra phan phan tri ka langto.

WEAWEA 1:54

Krai mren, Tatiwe raq Mosheq ma jam kho aming tattaq kra phan phan Israilnok raq kloto.

WEAWEA 31:31

Tatiwe raq aming kuqtaq kra phan phan, Mosheq nai Eleajar raq jaq ka shamto.

WEAWEA 31:41

Kiimaq Mosheq raq ara phunta thun Eleajar ma kuqto Tatiwe ma akhek atiitsang jaqmiiq na kuqto. Arka Tatiwe aming kutaq kra phan phan kloto.

WEAWEA 31:47

Ara saq seng arwa Mosheq raq shumwi kong roqbiingi wa shumwi ashi ashi, kiimaq nyamse kong roqbiingi wa ashi shi ka lamto, raüta Tatiwe raq aming kuqtaq kra phan phan, Tatiwe Tombutiip liiti Lewinok ma kuqto.

WEAWEA 5:4

Krai mren, Israilnok raq ara aming ka langto. Raüta maiq ashe ashiti thun ka piitiip mong wa chiiphai na jobaiqto.

TRI CHONGKE 34:9

Kiimaq Nun se Joshua ka anyan phaqchi tsü raq ama riito. Jamkhano ngukla Mosheq raq apaiq pumsong wela jaqsham ma nguta shongto. Kiimaq Israilnok ka Joshua wokhong na sito kiimaq Tatiwe raq Mosheq lümaq tsangshiq ma aming thun kuqtaq kra langto.

Hebrews 11:28

Kiimahali, Mosheq raq kamtsantsii maq, Tiichhii wan Poi ka pha wanto. Apaiq raq, kamtsantsii maq, poi na ataa sku tiijai ka Israilnok jamki tek, kilam da na nei miitu, aming kuqto. Kriika, Maiqtseati Rase raq, Israilnok jamkitek wa, maiqwe se chhikhu setiim ka tsatmak mitiichhii kuq laq nguta neito.

JOSHUA 14:5

Israilnok raq Kanan mung hiq ka Tatiwe raq Mosheq ma aming kuqtaq, kra tiiphan phan riichumto.

JOSHUA 2:21

Krai mren, kriinyung riimin tsangnai bom ka treto. Raüta tsangnai ka khu asang maq tiiwa baiqto. Tsangnai kaihori she, apaiq raq kra raüshii lo kra khetuk kilüpu kiijaq chan thüto.

JOSHUA 4:8

Aming kuqtaq krai mren, tsangshiq riimin jaq ka shamto. Tatiwe raq Joshua ma jamkho aming kuqtaq kra phanphan, Israilnok maiqphan phanroqshi ri phannai raq kra jürai phiisü kok mong ba tiithi kiiwa longkaü ka kaüroqshi ri kaü nai dowan wato. Raüta Israilnok mungmaiqse raq kra rawa lamjap wantaq hiq ba kiijaq phong wanto.