DUNGWVNC 12:27 - ASII LAKDAP Bible (BSI)

²⁷ Namshiq raq akha mitrehan, ‘Arka Tatiwe shreng Tiichhii Wan Poi honglu na ataakuq. Jamkhano ngukla apaiq raq Ejip mung maq Israilnok jam thun ka alea raüta wa wanto. Apaiq raq Ejip mungti ka jiipbaiqto. Shatmaq nashiqnok ka atiiwong riikuqto.’” Kiimaq Israilnok ka hiq na bum raüta shomnoqto.

Hawa Naga Bible 2001

²⁷ nuimshiq rueq, ‘Vruex kuex Yehowa rueq Ejip mungx wawc Israel miqsaz htenc yuimx kuex lvy gay shec tueq ningkhvnc nuex, vpiq muex tvtsanc nganc kuy tvkoc shuimx lvmz vshix Tvlvy Wvnc Moalx shomc nawk kuy rvtueq. Vpiq rueq Ejip miqsaz htenc thvt gay tueq, yuq muinz naungshiq kuex tvjungx shec phuex,’ ngoz tueq jungx shuinz,” ngoz tueq. Kvkaq Israel miqsaz rueq bumx vtueq Yehowa muex nawk palx wuez tueq.

DUNGWVNC 12:27 Referencias Cruzadas

1 KAÜWA WERAÜ 29:20

Raütiishe Dawit raq mungmaiqse ma, “Namshiq Tatiwe Shiikeawe ka tiitsam ronglaq!” nguta aming kuqto. Kiimaq ngongthun tlaq mungmaiqse kunli raq tsangtitiim Tatiwe, Shiikeawe ka tiitsamto. Kiimaq tsangshiq ka hiq na bumtlii raüta Tatiwe shrengto kiimaq hokhamwe min shrengto.

2 KAÜWA WERAÜ 20:18

Kiijiishe Hokhamwe Jehoshaphat ka hiq na bumki tlü bumkito. Kiimaq mungmaiqse tlotli apaiq rai hiq na bum rang raüta Tatiwe ka shomnoqto.

2 KAÜWA WERAÜ 29:30

Hokhamwe raq nai mung welabi raq Lewinok ma Dawit raq awaiq thü Tatiwe tiitsam shi thun kra kiimaq shammiwe Asaph raq awaiq thü kra shirong laq nguta chongto. Krai mren maiq loweatek raq chojong chise maq tsangshiq ka hiq na lakütsrong raüta Shiikeawe shomnoq lam maq shingeto.

NEHEMIA 8:6

Kiijiishe Ejra raq, “Ajong pinthum Shiikeawe, Tatiwe kli tiitsam rong i!” nguta bompha hoto. Kiijiishe, mungmaiqse wiita raq tsangshiq jaq ka ra na dorang doto. Raüta tsangshiq raq, “Amen! Amen!” nguta apaiq bom ka treto. Raüta tsangshiq ka lakütsrong maq bum rang raüta, Shiikeawe shomnoqto.

Tvtsvmc 44:1

Naishiq raq maiqmii ni maq taiwankai Shiikeawe lei, naititiim raq kra jaqsham kuqlaü kra chongto, tsangshiq pat na jaqsham jonghea shamlaü thun kra, man na rathup raphaji na shamlaü thun kra chongto.

Tvtsvmc 78:5

Apaiq raq Israilnok ma thungtri raütu kuqto kiimaq aming raütu thun ka Jakob saüsetiim ma kuqto. Apaiq raq natitiim ma apaiq thungtri raütu ka tsangsaü tsangsetiim ma shrinke raa nguta tsii chongkuqto,

DUNGWVNC 10:2

Kiimaq namshiq raq namsetiim nai namsaütiim ma, Ngi raq Ejip mungti ka awang chang jaqsham lata, tsangshiq ka jamkho angok anginok ma tiijabaiq kang kra manphan ka michong kuq han. Namshiq tarü raq Ngi ka Tatiwe dea nguta misap han.”

DUNGWVNC 12:11

Namshiq raq kra ngam ka taülaü khiq maq phaq chang. Jamkhano ngukla namshiq ka miirii samje maq alaü wan miitu khekham maq hokkop ka hok na para chhaq kiimaq maiqmii nyeakii ka jaq na doraq chhaq maq ngam ka phaq chang. Arka Tiichhii Wan Poi phaqsea, Ngi, Tatiwe shreng miitu.

DUNGWVNC 12:23

Krai mren ümtiikiiwa Tatiwe ka Ejip mung hamli wa Ejipnok tseakai kitlaq akhing na, apaiq raq kilamchong rati pumpat na nai siimkonai ri pumpat na ngam tiijai ka michhi. Raüla apaiq raq maiqtseati rase kitlaq kriika, namshiqnok jam mong na tiiwa mak miraq. Raüta namshiq ka tiitsat baiq mak miraq.

DUNGWVNC 12:28

Raütiishe tsangshiq ka kihoto. Raüta Tatiwe raq Mosheq nai Aron ma jamlai aming wa kuqtaq kra kloto.

DUNGWVNC 13:14

Rawiichii pat na ümse maiqwese raq ara poi lang tiikai arka jamlai liichum wiinya nguta wai raüla, ümniiraq apaiq ma akha bom ka mitre haü, ‘Tatiwe raq apaiq ningkun jonghea wokhong maq, nashiq ka Ejip mung na maiq dikong sikai kriiwa ana tsuq wanto.

DUNGWVNC 13:8

Ümtiikiiwa poi ka phahotlan, kiitiikaq namsetiim ma chongkuq ronglaq, arka namshiq raq Ejip mung wa laü wan lan akhing na Tatiwe raq jamkho jaq shamkuqtaq kra miitu klo tiikai nguta chongkuq ronglaq.”

DUNGWVNC 34:25

“Namshiq raq Ngi ma nyamse honglu takuqtlan akhing na, pi maq asho winsii ka Ngi ma honglu na kewan maimak. Tiichhiiwan Poi na ataaphaq han ngam ka anap ranap na tiisaüli naq thü rongkiq.

DUNGWVNC 34:8

Kiimaq Mosheq ka taülaü khiq hiq na bumsaq raüta Tatiwe shomnoqto.

DUNGWVNC 4:31

Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.

1 Corinthians 5:7

Namshiq raq man niiwa ngarai pichü sitlaq kra siirai she raübaiq raa dongdii. Kra raübaiq han jiitiq, namshiq khum ka siirairai she miraq. Kra riihan jiitiq tiina namshiq ka winsii da, danye pi maq shohü ikhiishe mirhan. Riita arka tengteng. Namshiq ka riikhaqli asii dea nguta, ngi riimin sapshat. Ara jamkhano chongtiikang ngukla, nashiq ma Tiichhii Wan Poi ka atiije wishe. Nashiq ma Tiichhii Wan Poi na phaq chang skuse Jesuq Khristo ka ataa baiq kun she.

TRI CHONGKE 16:2

Noqku chang hiqba kriijaq kilaüta üm skukong wa ashi riimakla üm chhechhi kong wa ashi ka üm Tatiwe üm Shiikeawe shreng ma Tiichhiiwan Poi dung tsap ma ta laüta phaqlaq.

TRI CHONGKE 16:5

“Kra Tiichhiiwan Poi na taphaq chang jam nyamsetiim ka Tatiwe shomnoq chang hiq ba kiina lamho laüta talaq. Tatiwe üm Shiikeawe raq kuqtlaq mung na hiq ahin niika naq takiq. Arka rashe nyap wan akhing na talaq. Kriika namshiq Ejip mung wa laü wan lan ranaiq wa atiidowan akhing.