DUNGWVNC 12:27 - Hawa Naga Bible 2001

²⁷ nuimshiq rueq, ‘Vruex kuex Yehowa rueq Ejip mungx wawc Israel miqsaz htenc yuimx kuex lvy gay shec tueq ningkhvnc nuex, vpiq muex tvtsanc nganc kuy tvkoc shuimx lvmz vshix Tvlvy Wvnc Moalx shomc nawk kuy rvtueq. Vpiq rueq Ejip miqsaz htenc thvt gay tueq, yuq muinz naungshiq kuex tvjungx shec phuex,’ ngoz tueq jungx shuinz,” ngoz tueq. Kvkaq Israel miqsaz rueq bumx vtueq Yehowa muex nawk palx wuez tueq.

ASII LAKDAP Bible (BSI)

²⁷ Namshiq raq akha mitrehan, ‘Arka Tatiwe shreng Tiichhii Wan Poi honglu na ataakuq. Jamkhano ngukla apaiq raq Ejip mung maq Israilnok jam thun ka alea raüta wa wanto. Apaiq raq Ejip mungti ka jiipbaiqto. Shatmaq nashiqnok ka atiiwong riikuqto.’” Kiimaq Israilnok ka hiq na bum raüta shomnoqto.

DUNGWVNC 12:27 Referencias Cruzadas

1 KAÜWA WERAÜ 29:20

Kvruex yimaq Dawid rueq miq htenc muex, “Yehowa nuimshiq Tishox muex tvtsvmc wuez shuinz!” ngoz tueq nvr tueq. Kvkaq rvtuimx jex yaq wvtaungx rueq Yehowa tsuingshiq jix vwaz tamx Tishox muex tvtsvmc wuez vtueq, Yehowa muex muinz, hokhvmx waz muex muinz tsuingshiq bumx vtueq tvtsanc nganc kuq tueq.

2 KAÜWA WERAÜ 20:18

Kvruex yimaq Hokhvmx Jehoshaphat kuex vhtvlx ghaq nuex kvhtuy laz bumx koq tueq, mungx miqsaz htenc lotlaz muinz piq rulc vdvmz bumx wuez vtueq Yehowa muex nawk palx wuez tueq.

2 KAÜWA WERAÜ 29:30

Hokhvmx waz nuiyc vphvnx htenc wawc walaungx bix rueq Dawid nuiyc shvmmax Asap rueq vtvkuiux shec shic kvmaq Yehowa muex tvtsvmc shic tvkoc Lewi miqsaz htenc muex jungx tueq. Kvkhoc rvtueq miq ruip rawx kuex pinhtumc kokez vtueq shix ruiux Tishox muex kuix tsvrung nuex bumx vtueq nawk palx kuq wuez tueq.

NEHEMIA 8:6

Ezra rueq, “Yehowa yunghvlc Tishox muex tvtsvmc wuez shuinz!” ngoz tueq. Miq lotlaz rueq yauk phac tv-phup wuez vtueq, “Amen! Amen!” ngoz tueq, kuix tsvrung maq ghaq nuex httuiuc laz bumx vtueq nawk palx wuez tueq.

Tvtsvmc 44:1

O Tishox lex, nuiyshiq nac htenc maq kvruex lvmz kuex nuiyshiq rueq tay wvnc tiq, nuiyshiq jix vwaz tamx rueq muinz lvy wvnc tueq raungnuiyq htenc ngoz yaq, tsuingshiq vkhing nuex mnoz rueq shuimx wvnc toq yunghvlc yauk shuimc htenc ngoz yaq:

Tvtsvmc 78:5

Vpiq rueq Israel miqsaz htenc muex tvrac htenc nuiyc Yaku suiuz vsaz htenc muex vnvrc tvrac htenc kuq shec tueq. Vpiq tvrac htenc kuex tsuingshiq suiuz vsaz htenc muex tvluingc kuy tvkoc naungshiq jix vwaz tamx muex jungx shec tueq.

DUNGWVNC 10:2

kvruex kuex mnoz rueq msaz hez nuiyc msuiuz hez muex jungx kuy tvkoc muinz rvtueq. Ngaz Yehowa rvtauk lvmz kuex nuimshiq lotlaz rueq tuiuz wvnc shuinx,” ngoz tueq jungx tueq.

DUNGWVNC 12:11

Nuimshiq rueq ngvmx kuex htat htat phauk shuinz, lvmx khuemc tvkoc kheshuit shuit ruiux, yapaungc kuex paungc vtueq yauk nuex ngvlhtulc kuex shuimx shuinz ngaz Yehowa muex tvtsanc nganc kuy Tvlvy Wvnc Moalx rvtueq.

DUNGWVNC 12:23

Yehowa kuex Ejip miqsaz thvy gay tvkoc Ejip mungx maq lvy wvnc vtueq, kaluix daungx khux nuex nuiyc kaluix daungx htung nuex tvguiy kuex khiz ruiux yuq, Tvthueyc jix Kamx waz rueq nuimshiq yuimx htenc kuex lvy gay shec ruiux, nuimshiq kuex thvt gay muq.

DUNGWVNC 12:28

Kvruex yimaq tsuingshiq kuex kaz wvnc vtueq Yehowa rueq Moshe nuiyc Arun muex nvr tueq kvkhoc rvwuez tueq.

DUNGWVNC 13:14

Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.

DUNGWVNC 13:8

Moalx kvruex phaungc shuinx raungnuiyq kvkaq msaz tamx muex, Ejip mungx maq dung wvnc toq nuex Yehowa rueq shuimx wvnc tueq kejux kuex tvmaung tvkoc moalx vshix rvtueq, ngoz tueq mnoz rueq jungx kuq shuiuz.

DUNGWVNC 34:25

“Nuimshiq rueq ngaz muex nyvmx saz maq shomc nawk kuq phuinx nuex wisiz maq vtvhungx wanx kuy mvy muq. Tvlvy Wvnc Moalx tvkoc thvt shuinx nyvmx saz ngvmx kuex raungnvp kvyix nuex httuiuc laz tvjungx tvy mvy muq.

DUNGWVNC 34:8

Moshe kuex lvmx lvy bumx vtueq nawk palx tueq.

DUNGWVNC 4:31

Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.

1 Corinthians 5:7

Nuimshiq vsawc yaungc tvkoc wisiz vkez ngoz yaq mvrax kuex dawc tuip gay shuinx. Kvkaq jix nuimshiq kuex wisiz lomx muq wanx phux vnyalx ikhoc yaungx wuez tuinx, kvkhoc nuimshiq rvkhauk laz yaungx tuinx kuex ngaz rueq tuiuz vshaungx. Yvmx khoc lac ngoz ruiux lec Tvlvy Wvnc khelbuenx ngoz yaq Christu maq shomc nawk kuq wvnc tiq shex ningkhvnc nuex naungshiq Tvlvy Wvnc Moalx tvkoc tvyoalc yoalx shex.

TRI CHONGKE 16:2

Yehowa nuimshiq Tishox muex tvtsanc nganc kuy Tvlvy Wvnc Moalx phuiuz svy tvkoc nawk palx juing baung vthvl taq kvyuq kaz vtueq khelbuenx rvmuq ngoz ruiux manx kuex thvy rax.

TRI CHONGKE 16:5

“Yehowa nuimshiq Tishox rueq kuq shuex mungx vganc baung htenc maq Tvlvy Wvnc Moalx tvkoc nyvmx saz kuex thvy mvy muq, nawk palx juing baungshiz dvyx kvyuq jix Tvlvy Wvnc Moalx nyvmx saz kuex thvy juing rvtueq. Nuimshiq kuex shalx nyuip wvnc nuex jix Ejip mungx maq dung kaz wvnc tuit ningkhvnc nuex shalx nyuip wvnc nuex jix thvy rax.